APOCALIPSIS 2:5 - Lengua Sur (Enxet) Nuevo Testamento

⁵ Kaxénwakxoho apwáxok xép aptémakxa axta sekxo' metyekemxa axta, ey'ókxa makham Dios, elána makham ma'a apkeláneya axta sekxo' agko'. Sat agkok etnahak xa, kaxwo' sat ay'óta' yakwayam ataknawagwata', tén han alyementagwatak xép ma'a chálewaso ekheykegkaxa nak, cham'a mey'aweykxo enxoho exchep Dios.

APOCALIPSIS 2:5 Iomraidhean Croise

SAN MATEO 5:14

“Kéxegke kélteme elseyexma keso náxop, apyetneyk agkok xama tegma apwányam néten egkexe, makhawók kólwetho'.

SAN MATEO 5:15

Megkólálewaksek nahan chálewaso yakwayam kólpekkenek kóneg yántéseksek; wánxa aksa kólchexnek ma'a néten, yakwayam enxoho kalsaksexma aphágkaxa énxet kañe' tegma.

SAN MARCOS 12:9

“¿Háxko ektahakxa ekxeyenma kélwáxok kéxegke yakwánxa etnésesek ektaha nak apagkok anmen yámet kélcheneykekxa xa énxet'ák nak? Ey'ótak sat, ennahapwatak sat xa énxet'ák apkeltamheykha nak, keñe sat egkeyásekxak pók énxet'ák apkeltamheykha m'a anmen yámet kélcheneykekxa nak.

SAN LUCAS 1:17

Wese' egegkok apmonye sat exog xa Juan, exhok sat ma'a Elías aptaha axta Dios appeywa aplegaso, cham'a ektémakxa axta apmopwána tén han ekha apyennakte, yakwayam enxoho yásekhasásekxohok apketchek ma'a énxet'ák, yakwayam enxoho kaltámeyagkok apkelyaheykekxoho m'a énxet'ák meyke apkelyaheykekxoho nak. Sat etnésesek apkeláneseykekxa apkeltémakxa énxet'ák yakwayam emok takha' Wese' egegkok xa ektaha nak.

SAN LUCAS 20:16

Ey'ótak sat ennahapwatak xa énxet'ák apkeltamheykha. Pók énxet'ák sat nahan egkeyásekxak xa kélcheneykekxexa nak anmen yámet.” Xama axta apkelleg'a énxet'ák xa, aptahak axta apkelpakmeta s'e: —¡Megkatnehek xa!

GÁLATAS 5:4

Kéxegke kélmámenyého nak exének Dios kéltaha kélpéwomo eñama kéllané m'a eltémókxa nak antehek segánamakxa, massék kéltaha kélyepetcheyo Cristo, kélyenyókek nahan kéxegke m'a memyagweykekxa nak segméso Dios ma'a segásekhayo nak.

FILIPENSES 2:15

yakwayam enxoho megkataxchék ekyetna kéxegke kélsexnánemaxche tén han eyesógwayam kéllané xama aksok enxoho. Kólteme kéxegke Dios apketchek meyke elenchahamaxche kéltémakxa nepyeseksa xa énxet'ák elmasagcha'a nak apkeltémakxa, cham'a apkelxegányam nak. Máxa yaw'a kéltahak kélápogwata kéxegke nepyeseksa xa énxet'ák nak, keso náxop ekyaktésamakxa nak exma,

HEBREOS 10:32

Wánxa agkok, kaxén kélwáxok kéxegke m'a nano' axta, cham'a sekxo' axta kélxawáya elseyexma, kélenmáxamáxkók axta kéxegke yetlo kélwaskápeykekxoho kéllegeykegkoho eñama m'a kélenxáneykmoho kélagko' axta.

2 SAN PEDRO 3:17

Elyáxeg selásekhayo, kólawho kéxegke xa, yakwayam enxoho megkalmehek ma'a ektémakxa nak sẽlyexancháseykha énxet'ák elmasagcha'a nak apkeltémakxa, yakwayam enxoho megkaweywenték ma'a ektémakxa nak ekyennakwayam kélteme megkólya'áseyam, hakte nano' kélya'áseyak kéxegke ekmáheyo katnehek xa.

SAN JUDAS 1:24

Yetneyk apmopwána Dios yakwayam eltakmelchesek kéxegke, yakwayam enxoho megkólpalegme', yakwayam enxoho anhan enaklakxak meyke ekyepetche xama aksok, yetlo ekyawe ekpayheykekxa kélwáxok ma'a aphamakxa nak yetlo apcheymákpoho, cham'a Dios aptaha nak wánxa xama apagko', aptaha nak han segwagkasamo teyp. Apcheymákpoho sat cha'a kóltemésesek Dios, tén han kóltemésesek meyke ekhémo, ekha apmopwána, tén han ekha kélyaheykekxoho, eñama m'a Jesucristo Wese' egegkok, eyeynamókxa m'a nano' axta, ekwokmoho s'e kaxwo' nak, megkamassegwomek nahan cha'a. Katnahagkok sat.

APOCALIPSIS 1:20

Cháxa aksok ekyexamaxche xa apwet'a exchek aphágko yaw'a émek ekpayhókxa nak selya'asamakxa, tén han ma'a apwet'a exchek siete chálewaso sawo ekyátekto elyenma; cham'a siete yaw'a nak, ekyetchesamaxkoho m'a Dios apkelásenneykha eláneykha nak ma'a siete apchakneykekxexa nak, keñe m'a siete chálewaso nak ekyetchesamaxkoho m'a kélakneykekxexa.

APOCALIPSIS 16:9

Apsawhekpók axta énxet'ák élmeta apyempe'ék, wánxa agkok, axta eyke kalya'aweykxak apwáxók ma'a Dios, axta anhan elpeykásawók Dios. Kenmexáha axta aksa cha'a apkelpeywa Dios aptaha neykhe apmopwána emagkok xa aksok elmasagcha'a nak.

APOCALIPSIS 2:16

Ey'ókxa makham Dios. Sat agkok etnahak xa, kaxwo' sat ay'óta' xép yakwayam ataknawagwata', sókwenakte ekteyapmol'a ahátog sat amha yakwayam annapaxchek xa énxet'ák nak.

APOCALIPSIS 2:19

Ekya'ásegkok ko'o ekyókxoho aksok apkelané nak xép; ekya'ásegkok ma'a ektémakxa nak apchásekhayo, tén han ma'a ektémakxa nak mey'áseyam, tén han ma'a ektémakxa nak aptamheykha, tén han ma'a ektémakxa nak apkelenxáneykmoho, ekya'ásegkok nahan ekxáma aksok apkelané kaxwo' nak, megkaxnawok ma'a sekxo' axta.

APOCALIPSIS 2:2

Ekya'ásegkok ko'o ekyókxoho aksok apkelané nak xép, ekya'ásegkok nahan ma'a ektémakxa nak aptamheykha ekyentaxno, ekya'ásegkok nahan ma'a ektémakxa nak apkelenxányam, ekya'ásegkok nahan megkalcha apwáxok xép ma'a énxet'ák ekmaso nak apkeltémakxa, ekya'ásegkok nahan apkelanawo apkeltémakxa exchep ma'a énxet'ák apkeltemesásamap nak seykha amya'a, wánxa agkok háwe eyke nakso', apwet'ak axta exchep aptaha apkelmopwancha'a amya'a xa énxet'ák nak.

APOCALIPSIS 3:19

Agkéshok cha'a ko'o sekpeywa apyókxoho ektaha nak selásekhayo, altennásekxohok nahan cha'a ekyetna enxoho megyakhémo aptahakxa. Etne exchep ekmáheyo agko' apwáxok, eyakmagkas apwáxok, ey'ókxa Dios.