APOCALIPSIS 19:3 - Lengua Sur (Enxet) Nuevo Testamento

³ Tamhákxeyk axta makham kélpeywa s'e: “¡Apcheymákpoho sat cha'a kóltemésesek Wese' egegkok! Megkamassegwomek sat nahan cha'a ekmaheyak néten éten agkok xa Babilonia.”

APOCALIPSIS 19:3 Iomraidhean Croise

SAN JUDAS 1:7

Hawók axta ektémakxa Sodoma tén han Gomorra, tén han nátegma apheyak axta nepyáwa tegma apwányam apkeltémakxa xa Dios apkelásenneykha apkeleñama axta néten, hakte apkeláneykegkek axta ekmaso nentémakxa mansexta, apchahayók axta elmoma apwáxók ma'a ekmaso nentémakxa enmexma nak negyókxa. Ekeso eñamakxa apkellegágkoho nak neyseksa táxa megkatnegwayam enéxa, keñe ekyetna kélésakxa m'a apyókxoho énxet'ák nak.

APOCALIPSIS 14:11

Néten cha'a kamhagkok éten agkok kéllegasáseykegkoho ekmaso agko' xa énxet'ák nak, megkatnegwayam enéxa, megkalyetyapagkek nahan cha'a kéllegasáseykegkoho énxet'ák apkelpeykesamo nak aksok nawhak eklo, tén han ma'a apkelpeykesamo nak kéleykmáseso kélheyáseykegkoho nak, cham'a énxet'ák kélkaháseyak nak ekwesey aksok nawhak eklo, yókxoho ekhem, tén han yókxoho axta'a cha'a katnehek kéllegasáseykegkoho.”

APOCALIPSIS 18:18

Xama axta apkelwet'a ekpakna éten apmeta m'a tegma apwányam nak, aptahak axta apkelyennaktésawo apkelpeywa s'e: “Magweteyk makham pók tegma apwányam aphawo xa.”

APOCALIPSIS 18:9

Ellekxagwaha sat kelwese'e apkelwányam apkeleñama náxop apwet'a enxoho ekpakna éten apmeta xa tegma apwányam nak, ektaha nak ekyetchesamaxkoho kelán'a ekmaso ektémakxa, cham'a apyakmagkáseykegko axta pók appatheteykegko, cham'a ekweykekxoho axta anhan ma'a ektémakxa nak ektakmelmo ekha.

APOCALIPSIS 19:1

Ekleg'ak axta ko'o kélpeywa ekxámokma ekyennakte agko' ma'a néten natámen xa. Entahak axta kélpeywa s'e: “¡Apcheymákpoho sat cha'a kóltemésesek Wese' egegkok! Dios egagkok apagkok ma'a nelwagkásamáxche teyp nak, tén han ma'a apcheymákpoho nak, tén han ma'a apmopwána nak,

APOCALIPSIS 19:4

Apkelháxahánteyk axta náxop veinticuatro apkelámha apmonye'e tén han ma'a hawók nápakha énxet apkeleñama nak néten, apkelpeykásawók axta Dios apha nak néten aptaháno ektakmalma. Aptahak axta apkelpakmeta s'e: “¡katnahagkok sat! ¡Apcheymákpoho sat cha'a kóltemésesek Wese' egegkok!”