APOCALIPSIS 12:3 - Lengua Sur (Enxet) Nuevo Testamento

³ Keñe axta ektepékxo makham mók aksok sempelakkaso nak agweta' ma'a néten: yéwa ekwányam ekyexwasé axta m'a, siete axta akkatkók, diez axta ekyókxoho m'a kepet'ák, étcheso akkátek axta nahan eghak ekyókxoho akkátek.

APOCALIPSIS 12:3 Iomraidhean Croise

APOCALIPSIS 12:1

Tekkek axta néten aksok sempelakkaso agko' nak agweta': xama kelán'a eyaklamaxche ekhem axta m'a ektémol'a apáwa, keñe axta apyetna pelten ma'a kóneg amagkok, keñe axta étcheso akkátek elyenma aphágko doce yaw'a.

APOCALIPSIS 12:13

Xama axta ekwet'a kélyenyento náxop xa yéwa ekwányam nak, kelanak axta m'a kelán'a ektegkeso axta étche apkenna.

APOCALIPSIS 12:17

Ekeso eñamakxa ektaknókoho agko' axta kelán'a m'a yéwa ekwányam nak, keñe axta elnápexko aksa m'a apkeleymomap nak atawan'ák natámen xa kelán'a nak, axta kelenmexak ma'a énxet'ák ektaha nak apkelyaheykekxoho apkeltémókxa nak antehek Dios tén han ma'a meyenseyam nak apkelxeyenma apwesey Jesús.

APOCALIPSIS 12:4

Epakyek axta kelyenyawásak nápakha yaw'a m'a néten, kexeyntek axta náxop. Yakwa'ak axta yakwánxa kategkesek étche kelán'a xa yéwa ekwányam nak, kelhaxneyk axta yakwayam kanaksapok ekmanyehe agko' sakcha'a kaxwé aptéyam.

APOCALIPSIS 12:7

Tekkek axta kempakhakma néten natámen xa: Miguel, Dios apchásenneykha apkeñama néten axta apkempakha'ak yetlo apkelxegexma'a, axta apkenmexak xa yéwa ekwányam nak, kennápeyxchek axta nahan xa yéwa ekwányam nak, yetlo nahan elxegexma'a,

APOCALIPSIS 12:9

Kéltekkesek axta yéwa ekwányam ma'a néten, cham'a nano' yéwa eltamhomaxko nak kelyekhama', ekwesey nak Satanás, cham'a elyexancháseykencha'a nak cha'a apyókxoho énxet'ák keso náxop. Kélyenyenteyk axta yéwa ekwányam keso náxop yetlo elásenneykha.

APOCALIPSIS 13:1

Ekwet'ak axta ko'o ektepa aksok nawhak eklo neyseksa wátsam ekwányam, siete axta ekyókxoho akkatkók keñe axta diez ekyókxoho m'a kepet'ák. Etcheso akkátek axta cha'a eghak ma'a ekyókxoho kepet'ák nak, yetnegkek axta nahan kéltáxeso ekwanyémo Dios ma'a akkatkók nak.

APOCALIPSIS 13:2

Máxa axta yánneptána xa aksok nawhak eklo sekwet'a axta ko'o, keñe axta máxa tamayawhan amagkok ma'a amagkok, keñe axta máxa méwa átog ma'a átog. Yéwa ekwányam axta ekméso ekmowána xa, tén han ma'a ektaháno ektakmela nak, mések axta nahan ekyawe kélyaheykekxoho.

APOCALIPSIS 13:4

Apkelpeykásawók axta yéwa ekwányam, hakte mések axta ekmowána m'a aksok nawhak eklo nak. Apkelpeykásawók axta nahan ma'a aksok nawhak eklo nak. Entahak axta amya'a ekxénáxko s'e: “Méko ekhawo s'e aksok nawhak eklo nak. Méko nahan kawának kanmexek.”

APOCALIPSIS 15:1

Ekwet'ak axta makham ko'o mók aksok sempelakkaso agko' nak agweta' ma'a néten, cham'a aksok segyegwakkasamo nak agweta'; siete Dios apkelásenneykha axta m'a, yetlo m'a siete ektemegwánxa nak néxa aksok elmaso senlegasáseykegkoho. Cháxa ektahakxa axta ektemegwokmo néxa Dios aplo xa.

APOCALIPSIS 16:13

Ekwet'ak axta ko'o ektepa aksok ekmaso ekhó napnekteg átog yéwa ekwányam, axta anhan ekwet'ak ektepa átog ma'a aksok nawhak eklo, axta anhan ekwet'ak ektepa apátog ma'a seykha amya'a apmopwána amya'a nak. Antanxo axta ekyókxoho xa aksok elmasagcha'a ekhó nak napnekteg.

APOCALIPSIS 17:12

“Cham'a diez egkepet'ák apwet'a exchek xép, cháxa ekyetchesamaxkoho diez kelwese'e apkelwányam melma nak makham apkeltamheykha; yakwatakxoho agko' sat eyke elmok apkeltamheykha, yetlo m'a aksok nawhak eklo ekha nak kélyaheykekxoho, ekhawo m'a ektémakxa nak kélyaheykekxoho kelwese'e apkelwányam nak.

APOCALIPSIS 17:16

Keñe m'a diez egkepet'ák apwet'a exchek xép tén han ma'a aksok nawhak eklo nak, cháxa peya nak kataknók ma'a kelán'a ekyakmagkáseyak nak pók énxet ekpathetéyak ektegye selyakye, kayenyók sat nahan axakko', meyke apáwa sat nahan katnésesek, katókasek sat nahan ápetek ekyókxa, kawatnekxak sat nahan neyseksa táxa.

APOCALIPSIS 17:7

Keñe axta aptaha seyáneya Dios apchásenneykha s'e: “¿Yaksak ektaha ekpelakkasa nak apwet'a? Altennaksek sat xép ektémakxa nak megkólya'áseyak ektémakxa xa kelán'a nak, altennaksek sat nahan ektémakxa xa aksok nawhak eklo eyánte nak xa kelán'a nak, cham'a siete akkatkók nak, tén han ma'a diez kepet'ák nak.

APOCALIPSIS 19:12

Máxa axta táxa elálewe m'a apakta'ák, xámok axta nahan apkelatcheso apkátek eltakmela ekhágko m'a apkátek, yetnegkek axta nahan kéltáxeso xama kélwesey meyke ekya'áseyak, wánxa axta aksa apya'áseykegkoho apagko' ma'a ektaha axta apchánte yatnáxeg.

APOCALIPSIS 20:2

Apmágkek axta yéwa ekwányam xa Dios apchásenneykha nak, cham'a nano' yéwa ektaha nak kelyekhama' agko' ekwesey nak Satanás, aptetchek axta nahan ekweykmoho mil apyeyam.