APOCALIPSIS 10:11 - Lengua Sur (Enxet) Nuevo Testamento

¹¹ Keñe axta ektaha amya'a seyáneyáxko s'e: “Eltennaha sat makham ma'a aptémakxa nak apxeyenma Dios apyókxoho énxet'ák, cham'a pók aptémakxa énxet'ák nak, tén han ma'a mók ektémakxa nak apkelpakmeyesma, tén han ma'a kelwese'e apkelwányam nak.”

APOCALIPSIS 10:11 Iomraidhean Croise

APOCALIPSIS 10:10

Ekmeyk axta ko'o xa weykcha'áhak étkok apmeyncha'a axta Dios apchásenneykha, ektókek axta anhan; máxa axta aksok ekmátsa entahak ahátog ektémol'a yanyawhéna apyegmenek, xama axta eyke seksawha sekto xa, askehek axta entahak ewáxok.

APOCALIPSIS 11:1

Ekxakak axta ko'o yámet ekyakwaté negmeykha nelyetsáteyak, máxa axta yampa'at la'a, entahak axta amya'a seyáneyáxko s'e: “Etnamha, elyetseták ma'a Dios tegma appagkanamap apagkok nak, tén han ma'a ekwatnamáxchexa nak cha'a aksok, elyetset nahan ekwánxa apyókxoho m'a ektaha nak apkelpeykesamo m'a.

APOCALIPSIS 11:9

Antanxo ekhem náxet mók sat katnehek apweté aphopák ma'a pók aptémakxa énxet'ák nak, tén han ma'a mók ektémakxa nak apkelpakmeyesma, cham'a apkeleñama nak ekyókxoho yókxexma, megyohok sat nahan kólatawónek.

APOCALIPSIS 14:6

Ekwet'ak axta ko'o pók Dios apchásenneykha apkempeyncha'a neyseksa yaphopé, apsókha axta nahan amya'a megkamassegwayam, yakwayam eñeksek ma'a ektaha nak apheykha keso náxop, cham'a apyókxoho pók aptémakxa énxet'ák nak, tén han ma'a mók ektémakxa nak apkelpakmeyesma, tén han ma'a apkeleñama nak mók yókxexma.

APOCALIPSIS 17:10

Cinco nahan apyókxoho apkeletsapma xa kelwese'e apkelwányam nak, aptamháha nahan kaxwo' xama xa kelwese'e apkelwányam nak, keñe mew'a makham ma'a pók. Apwa'ak sat agkok ma'a pók ektaha nak axayók apteyapma, megkawegkók sat eyke apteme wese' m'a.

APOCALIPSIS 17:12

“Cham'a diez egkepet'ák apwet'a exchek xép, cháxa ekyetchesamaxkoho diez kelwese'e apkelwányam melma nak makham apkeltamheykha; yakwatakxoho agko' sat eyke elmok apkeltamheykha, yetlo m'a aksok nawhak eklo ekha nak kélyaheykekxoho, ekhawo m'a ektémakxa nak kélyaheykekxoho kelwese'e apkelwányam nak.

APOCALIPSIS 17:15

Aptahak axta nahan Dios apchásenneykha seyáneya s'e: “Yegmen apwet'a exchek xép ekha néten kelán'a ekyakmagkáseyak nak pók énxet ekpathetéyak ektegye selyakye, ekteme ekyetchesamaxkoho m'a pók aptémakxa énxet'ák nak, tén han ma'a mók ektémakxa nak apkelpakmeyesma, tén han ma'a apkeleñama nak ekyókxoho yókxexma.

APOCALIPSIS 5:9

Axta anhan apkelmeneykmásak negmeneykmaso axnagkok ektéma nak se'e: “Xép payhawók emok xa weykcha'áhak kélpexteteykekxoho nak, xép nahan payhawók elkok ma'a yampápa kélapma nak, hakte apmatñegkek axta exchep ekyanmaga mólya'asáxma, yegkenamaxchek axta nahan éma apagkok apkelmoma m'a apyókxoho pók aptémakxa énxet'ák nak yakwayam etnésesek Dios énxet'ák apagkok, cham'a mók ektémakxa nak apyempe'ék, tén han ma'a mók ektémakxa nak apkelpakmeyesma.