APOCALIPSIS 1:5 - Lengua Sur (Enxet) Nuevo Testamento

⁵ tén han eleñama m'a Jesucristo, aptaha nak ekmámnaksoho agko' apxeyenma aptémakxa Dios, aptaha axta nahan apmonye apxátekhágwayam nepyeseksa apkeletsapma axta, aptaha nak han ekha kélyaheykekxoho nepyeseksa kelwese'e apkelwányam nak keso náxop. Egásekhayok negko'o Cristo, egmasésesek axta nahan mólya'asáxma, cham'a apyegkena axta éma apagkok,

APOCALIPSIS 1:5 Iomraidhean Croise

SAN MATEO 20:28

Hakte hawók aptémakxa m'a aptaha nak Apketche énxet, axta eweyk yakwayam yának kólpasmok, wánxa aksa apwaya yakwayam epasmok énxet, tén han ényók apyennakte yakwayam exámhok énxet apkelwagkaso teyp.

SAN MATEO 28:18

Apyepetchegwákxók axta Jesús xa énxet'ák nak. Aptahak axta apkeláneya s'e: —Egkések ko'o Dios yakwayam hetnehek selyaheykekxoho ekyókxoho aksok ma'a néten tén han keso náxop.

SAN JUAN 13:1

Apya'ásegkok axta Jesús ekwokmo ekhem yakwánxa kamaskok apha keso náxop, yakwayam enxoho exnakxak makham xamo' Apyap, amonye ekwayam ekhem melwagkayam axta énxet'ák judíos, cham'a apkeltéma axta Pascua. Apkelásekhayók axta cha'a Jesús ma'a énxet'ák ektaha axta apkelxegexma'a keso náxop, cháxa ektémakxa axta apkelásekhayo ekwokmoho néxa apha xa.

SAN JUAN 13:34

Eltennásek kéxegke s'e axnagkok seltémókxa nak kóltehek: Kólteme cha'a kélásekhamaxkoho. Kólteme cha'a kélásekhamaxkoho ekhawo ektémakxa nak ko'o selásekhayo kéxegke.

SAN JUAN 15:9

Elásekhayok ko'o kéxegke ekhawo ektémakxa nak seyásekhayo ko'o Táta; kóllenxanmoho kélteme selyaheykekxoho ko'o yakwayam enxoho alásekhohok ko'o kéxegke.

SAN JUAN 18:37

Aptahak axta apkelmaxneyeyncha'a Pilato s'e: —¿Wese' apwányam neyke exchep? Aptahak axta apchátegmowágko Jesús se'e: —Cháxa aptahakxa nak appeywa: ko'o sekteme Wese' apwányam. Ekteyekmek axta ko'o, ekwayak axta anhan keso náxop, yakwayam axének ma'a amya'a ektaha nak ekmámnaksoho agko'. Yeyxhok cha'a sekpeywa ko'o m'a apyókxoho énxet'ák ektaha nak apkelyaheykekxoho amya'a ekmámnaksoho.

SAN JUAN 3:11

Nenxénchek cha'a negko'o m'a negya'áseykegkoho nak, nenxénchek nahan cha'a m'a aksok negwetayo nak; kélya'áseykmek eyke kéxegke nentémakxa nak cha'a neltennaso kéxegke. Nakso' xa sektahakxa nak seyáneya exchep.

SAN JUAN 3:16

“Awanhek axta apkelásekhayo Dios énxet'ák apheykha nak keso náxop, apmések axta Apketche apwánxa xama apagko', yakwayam enxoho megyetsepek ma'a ektahakxa enxoho apteme mey'áseyam, wánxa aksa étak ma'a ekyennakte apnenyek megkatnegwayam enéxa nak.

SAN JUAN 3:32

exének nahan ma'a aksok apwetaya nak, tén han ma'a aplegaya nak; wánxa agkok, kólya'asók eyke m'a ektahakxa enxoho aksok apxeyenma.

LOS HECHOS 20:28

Kólleyxmakha kéxegke, kóltakmelches ma'a ekyókxoho apchakneykekxexa nak, cham'a aptemésesamakxa nak kéxegke Espíritu Santo kélláneykegkaxa, yakwayam enxoho kóltakmelchesek Dios énxet'ák apagkok, aptaha axta anhan apkelma eñama m'a apyenkenma axta éma apagkok.

LOS HECHOS 26:23

cham'a apkelxeyenma axta ekmáheyo yetsapok Mesías, tén han etnehek apmonye apxátekhágwayam ma'a natámen apketsapma, keñe anhan eltennasha ektémakxa elseyexma segwagkasamo teyp ma'a nelenyémeyo xamo' nak negko'o tén han ma'a pók énxet'ák nak.”

ROMANOS 3:25

Aptemésesek axta Dios Cristo yakwayam etnehek apmaseso mólya'asáxma, cham'a apyegkena axta éma apagkok, hegwetaksohok cha'a megkólyakmagkáseykekxa nentémakxa mólya'asáxma xa, eñama m'a magya'áseyam nak. Enxekmósek axta Dios ektaha ekpéwomo aptémakxa, cham'a apkelana axta xa, metnésesamók axta cha'axma Dios énxet'ák apkeláneyak melya'asáxma nano' axta,

ROMANOS 8:37

Nelmalanchek eyke cha'a negko'o neyseksa ekyókxoho xa aksok nak, eñama senteméseso m'a aptaha axta segásekhayo.

1 CORINTIOS 6:11

Cháxa apkeláneykegko axta nápakha énxet'ák apkeleñama kélnepyeseksa kéxegke xa, wánxa agkok, kéltemésesegkek eyke kaxwo' kéláxñeyo kéxegke, kéltemésesegkek nahan kéxegke Dios apkelpagkanma, kéltemésesegkek nahan kélpéwomo eñama apwesey m'a Jesucristo Wese' egegkok tén han eñama m'a Espíritu apkeñama nak Dios egagkok.

GÁLATAS 2:20

háwe ko'o kaxwo' sekha ahagko', Cristo eyke aphak ewáxok ko'o. Keso sektémakxa nak ko'o neyseksa sekha makham, ektemegkek cha'a ko'o m'a ektémakxa nak may'áseyam Dios Apketche, aptaha axta seyásekhayo, apchahayók axta anhan apmatñama ko'o eñamakxa.

EFESIOS 2:4

Wánxa agkok, awanhek eyke segemleykekxoho Dios, awanhek nahan segásekhayo,

EFESIOS 5:2

kóllenxanmoho kélteme kélásekhamaxkoho, ekhawo m'a ektémakxa axta segásekhayo Cristo, apyenyawákpók axta apagko' yakwayam etnehek segyanmaga negko'o ektémol'a aksok ektekyawa kélméso Dios, tén han ma'a ektémol'a aksok ekwatnamáxche ekmátsal'a etekhánek ekpakneyam Dios.

COLOSENSES 1:18

Cristo nahan apteme apkemha apmonye nepyeseksa Dios énxet'ák apagkok, ektaha nak han apyókxa. Aphegkek axta Cristo sekxo' agko', apmonye axta anhan apxátekhágwayam nepyeseksa énxet'ák apkeletsapma nak, yakwayam enxoho etnehek Cristo apkemha apmonye neyseksa m'a ekyókxoho aksok nak.

1 TIMOTEO 6:13

Ekmések ko'o sekpeywa exchep nápakto' Dios, aptaha nak apméso elyennakte ekyókxoho aksok ekhágko nak, tén han nápakto' ma'a Jesucristo, cham'a appékáso axta appeywa nápakto' Poncio Pilato apxénákpekxoho apagko', eltamhok ko'o

1 TIMOTEO 6:15

Esawhohok sat elának Dios xa, cham'a ekwokmo sat ekhem, hakte Dios apteme apwánxa xama Wese' aptakmalma, apteme nahan Wese' apwányam nepyeseksa m'a kelwese'e apkelwányam nak keso náxop.

HEBREOS 10:29

¿Yagkaxénak kélwáxok kéxegke peya kayeykhágwomhok kéllegasáseykegkoho ekyentaxno agko' ma'a ektaha nak apwanyeykha Dios Apketche, cham'a aptaknagko nak Cristo éma apagkok, tén han ma'a apyemneykha nak Dios Espíritu apagkok, cham'a Dios aptaha nak apkelásekhayo xa énxet'ák nak? Hakte cháxa ektaha nak ekteméseso ekmámnaksoho nelpakhetchásamáxkoho Dios xa Cristo éma apagkok nak, cháxa ektaha nak han ekteméseso apkelpagkanamap énxet xa.

HEBREOS 9:14

Nakso' agkok ektéma xa ektaha nak, keñe ekyagwánxa agko' katnehek ekha ekmowána m'a Cristo éma apagkok nak. Espíritu memassegwayam axta keñamak apmeyásamákpoho apagko' Cristo m'a Dios ektémol'a aksok kélméso Dios meyke ekyepetche xama aksok ekmaso, káxñeksohok nahan Cristo éma apagkok ma'a ekteyapmakxa nak ekpakmeteykha egwáxok eñama nenlané aksok segya'asamo nak nétsapmakxa, yakwayam enxoho agkegwának anlának ma'a apkeltémókxa nak anlának Dios memassegwayam nak.

1 SAN PEDRO 1:19

wánxa m'a Cristo éma apagkok ektaha nak ektakmela agko' kélmésama axta Dios ektémol'a nekkések apketkok apmatña meyke ektemegweykmohoxma apyempehek, cham'a aptakmalmal'a.

1 SAN JUAN 1:7

Negheyk agkok negko'o neyseksa elseyexma, ekhawo m'a ektémakxa nak Dios apha neyseksa elseyexma, antehek nahan negko'o móxpánchásamáxche, hegmasésesek nahan ekyókxoho nentémakxa mólya'asáxma m'a Jesucristo éma apagkok, aptaha nak Dios Apketche.

1 SAN JUAN 4:10

Keso ektémakxa negásekhayo s'e: háwe negko'o eñama negásekhayo Dios, Dios akke keñamak segásekhayo negko'o, apcháphásek axta Apketche yakwayam enxoho meyakmagkásekxék Dios nentémakxa mólya'asáxma eñama m'a apmeyásamákpoho apagko' axta yakwayam emátog, negko'o segyanmaga.

APOCALIPSIS 11:15

Siete axta apwokmok Dios apkelásenneykha appawaso apchakkahaso, keñe axta eklegáxko ekyennakte agko' kélpeywa eñama néten. Entahak axta amya'a s'e: “Wese' egegkok kaxwo' aptahak Wese' apwányam keso náxop, tén han ma'a Mesías apkeñama nak Dios. Etnahagkok sat Kelwese'e apkelwányam megkatnegwayam enéxa.”

APOCALIPSIS 11:3

Aláphaksek sat ko'o apkánet ektaha nak ekmámnaksoho apkelxeyenma amya'a ahagkok, yetlo apkelántaxno apáwa sẽlwáxakxamo nak, ellegaksek sat nahan ko'o sekpeywa ekweykmoho mil doscientos sesenta ekhem.”

APOCALIPSIS 17:14

Elnapakpok sat Nekkések Apketkok xa kelwese'e nak, emalánek sat eyke Nekkések Apketkok nepyeseksa xa kelwese'e apkelwányam nak, yetlo apkelxegexma'a Nekkések Apketkok ma'a ektaha axta Dios apkelwóneykha, cham'a ektaha axta anhan Dios apkelyeseykha, cham'a meyenseyam nak han apteme melya'áseyam, hakte Nekkések Apketkok apteme Wese' nepyeseksa m'a kelwese'e nak, apteme nahan Wese' apwányam nepyeseksa kelwese'e apkelwányam nak.”

APOCALIPSIS 19:11

Ekwet'ak axta ko'o aptepa yatnáxeg apmopé ekmayhekxo m'a néten. Enxet ekmámnaksoho meyenseyam apyetlo Dios axta apwesey m'a ektaha axta apchánte, hakte ekpéwomo agko' axta m'a ektémakxa axta apyekpelchémo énxet'ák, tén han ma'a ektémakxa axta apkelané kempakhakma.

APOCALIPSIS 19:16

Yetnegkek axta nahan kéltáxeso apchaklamap, tén han ma'a apyók ektéma nak se'e: “Wese' apwányam nepyeseksa m'a kelwese'e apkelwányam nak, apteme nahan Wese' nepyeseksa m'a kelwese'e nak.”

APOCALIPSIS 2:13

Ekya'ásegkok ko'o apha exchep ma'a ektémakxa nak wese' Satanás; wánxa agkok apkelenxáneykmok eyke exchep apxeyenma sekwesey. Axta anhan elwáteseykmok apteme mehey'áseyam ko'o, cham'a apmatña axta Antipas, aptaha axta meyenseyam aplegaso sekwesey. Axta payhok apmatñamakxa m'a tegma apwányam ektémakxa nak wese' Satanás.

APOCALIPSIS 3:14

“Etáxéses nahan Dios apchásenneykha nak ma'a apchakneykekxexa nak énxet tegma apwányam Laodicea: ‘Keso aptahakxa nak appeywa aptaha nak apmámnaksoho s'e, aptaha nak han meyeykháseykegkoho appeywa, ekmámnaksoho agko' nahan etnehek appeywa, aptaha nak han eñamakxa ekyókxoho aksok ektaha axta Dios apkelané:

APOCALIPSIS 7:14

“Wese', xép apya'ásegko'”, axta ektahak seyátegmowágko ko'o. Keñe axta aptaha seyáneya s'e: “Cháxa énxet'ák ektaha axta apkelyeykhé ekyawe apkellegeykegkoho xa, apkelyenyések axta apkelántaxno Nekkések Apketkok éma apagkok xa, kelmopeyásekxók axta anhan.