Ƒilipiƒuɔ 4:3 - Katɔti Ɔku Kedee

³ Na amii lɛnɔ aani mina kabla bablane bakpana ni, mɔɔyɔ́ ka bibunku beleku bamɛni. Ɔsika báblaku-mi kabla na bɔ́kana na búgyingya litemi buni lɛmmɔ. Bɔ́bla ala amɛni ku Klement lɛnɔ ku banwa kabla bablane bakladi bani anyi na bénweni bakya Katɔti Ngba Ɔku kemmo.

Ƒilipiƒuɔ 4:3 Iomraidhean Croise

Kɔgya 69:28

Nine bana anyi die ƒula ngba ɔku kemmo. Na taƒɔ-ma takya ƒula bekyuli babuni akɔ.

Israelƒuɔ Bɔlɛ 32:32

Nsu buvele na nda-a nnii ti bana ekpidi kyiɛ-ma. Mmomu si éni-ma buti bɔkyiɛ bɔdi ni, na akpa ada-mi lɛnyi edie ƒula ɔku kemmo.”

Yesaia 4:3

Na bani ƒui nébu na Sion na bése-ma likpo na Yerusalem mmɔ ka belie ngba ni, badubɔlɔ-ma bekyuli kedee.

Esekiel 13:9

Ndubɔta linye-ma lɛlɔ na nsɔ lɛɛɛdubo bɔya na babla mina bekyuli lɛnɔ. Na basɔ baaadubo lɛnyi bɔdi muedi banii Israelƒuɔ lɛnɔ iye bakya kalɔ kammɔ lɛlɔ muedi. Na badubɔnu bati ka ami ndi Unwoti Katɔti.

Daniel 12:1

“Uwi ɔmmɔ kemmo ni, ƒula kadi bekyuli ɔgyumanane unengu ƒui, Mikael ɔni na Katɔti ɔdubɔtala ni, ɔdubɔta ubo. Na lɛbibo kpakplaa lɛni udu nétebo tɔ kudii ɔ́si kalɔ kesekɔ lɛdubɔlɛ. Na ukyuli biala ɔni na nwuna lɛnyi lɛkya ngba ɔku kemmo ni, ɔdubo-nwu bɔgyumana.

Luka 10:20

Nsu ni, lɛlɔ litayɔ-mii ka ayu ekpidi eenú-mii litemi ɔsu. Mmomu ebiti ada-mii ka Katɔti únweni-mii anyi ɔ́kya Katɔ Ɔga Ɔma.”

Romaƒuɔ 12:1

Anwuɔsu ni, mina banwa, ka Katɔti ɔ́bla-bu kaƒɔ buni geen ɔsu ni, muuvele-mii geen nnii biti bina lɛlɔ bite Katɔti aani akpala ani nse kedee na aayɔ́-nwu kaƒɔ lɛnɔ bɛda na bina ngba bulie kemmo mɛni. Ɔmmɔ ndi bina kɔyu kemmo akpala kabla.

Romaƒuɔ 16:12

Bigyele beleku bani ndi Triƒaina ku Triƒosa bani nábla kabla na Blɔti kemmo. Na bigyele mina ɔkpana ɔyɔne Persi ɔni ndi uleku ɔbambadi ɔni lɛnɔ nábla kabla kpakplaa na Blɔti kemmo.

Romaƒuɔ 16:9

Na bigyele Urbana ɔni ndi bula kabla ɔblane ɔkpana na Kristo kemmo. Na bigyele mina ɔkpana ɔyɔne Staki.

Ƒilipiƒuɔ 1:12

Banwa, mɔɔyɔ́ ka lɛ́su-mii ka ala ani nálɛku-mi ni, ébunku na litemi buni lɛmmɔ lísie anumi líbu.

Ƒilipiƒuɔ 1:16

Na bani mɔɔsu-ni ku kasusu kabuni mmɔ ni, baasu-ni ku bɔyɔ. Ɔsika bagyi ka Katɔti néti kabla kamɛni ɔ́kya-mi lɛkɔkɔ ka likpo na lɛgyumana litemi buni lɛmmɔ.

Ƒilipiƒuɔ 1:27

Ɔƒɛni lɛla lɛni ntulo ndi ka bina ngba bulie bɔbla aani kalɛ na litemi buni lɛmmɔ lɛɛtina ɔsika ɔmɛni na Kristo ɔɔwia. Na si líbo ḿbanu-mii iye línu-mii kɔku ni, ndubunu ka binye kpakplaa na kɔyu kemmo biikpó ku kasusu kenwi na bina bɔƒɔtaadi kemmo teete litemi buni lɛmmɔ.

Ƒilipiƒuɔ 1:5

ɔ́si kalɛ na bíbunku-mi ɔ́si limeyi lideedi lɛni na líti litemi buni lɛmmɔ líboku-mii úbedu ɔƒɛni ɔsu.

Ƒilipiƒuɔ 1:7

Bina ala akya-mi kayi kemmo geen uwi biala na ɔdi ulu lɛlɔ lɛnɔ ka use-mi lɛni. Ɔsika kuƒi kɔni na Katɔti úte-mi na ɔ́ya lɛ́kɛ nwuna litela ni, amii lɛnɔ bɛ́kɛ-nwu lɛlɔ kɔsia na uwi ɔni na ntɛ ɔtɔ mɛni ku uwi ɔni na mbo bɔnwuna ka likpo lite litemi lɛmmɔ na lidie-ni kenye lite bekyuli na baƒɔ-ni kpakplaa.

Ƒilipiƒuɔ 4:2

Muuvele Euodia ku Sinteke lɛnɔ ka benu lɛlɔ kalɔ na basɔ belie aani banwa belekubi na Blɔti kemmo.

Koloseƒuɔ 1:7

Bula ɔnwa Epaƒra ɔni náƒɔ-bu kuye na anwu lɛnɔ ɔdi kabla ɔblane geen ute Kristo na bula kabla kamɛni kemmo nábasu-mii Katɔti kɔnyana bɔnu litemi lɛmmɔ.

Budie Taatina 13:8

Na bekyuli bani ƒui nlie kalɔ lɛlɔ badubɔlɛ akɔnkɔ bete-nwu, ntu bekyuli bani anyi na bénweni bákya ngba ɔku kemmo bése asa na Katɔti údie kayawi. Ngba ɔku ɔmmɔ ɔdi Koƒonu Ubi ɔni na béti bákpa ɔdi.

Budie Taatina 17:8

Eƒiebuo ɔmmɔ ni, úlie ngba dii, nsu ɔsɔ uuubo. Na ɔdubo bɔlɛ bɔsi kasuudikɔ ubu bonwu ɔmmɔ kemmo, na usie na Katɔti ɔyila-nwu udu ƒui. Na bekyuli bani nli kayawi lɛlɔ na bétenweni-ma anyi bátakya ngba ɔku kemmo asa na Katɔti údie kayawi ni, ɔdubo-ma bɔbla kalɛ kadi si banu eƒiebuo ɔmmɔ. Ɔsika úlie ngba dii, nsu ɔsɔ uuubo, na ɔsɔ ɔdubo bɔda bɔlɛ.

Budie Taatina 20:12

Na lɛ́nu ka bekpine ƒui benye lɛgaboku lɛmɛni anumi, banamu ku benengu, na bébimi lɛku lɛdi béwi. Na básɔ bébimi ɔku ɔbambadi ɔni ndi ngba ɔku lɛnɔ béwi. Na lɛku lɛmɛni kemmo na baanu taatɛku bekpine ƒui litemi ɔkɛnku ala ani na bábla na bénweni bákya lɛku lɛmmɔ kemmo lɛlɔ.

Budie Taatina 20:15

Na ukyuli ɔni na bétenweni-nwu lɛnyi bátakya ngba ɔku ɔmɛni kemmo ni, béti-nwu bébo bákya lɛgyavonku lɛmmɔ kemmo.

Budie Taatina 21:27

Nsu lɛla biala muusé lɛlɔ lileduo mmɔ kudii. Na bani ƒui mɔɔbla ala ani muusé lɛlɔ iye ala ani muukpó kɔƒa iye ala ani mɔɔtɔ́lɔ bekyuli ni, beleduo mmɔ. Mmomu bani anyi na bénweni bákya Koƒonu Ubi ɔmmɔ ngba ɔku kemmo kani ndubuduo mmɔ.

Budie Taatina 3:5

Ukyuli ɔni madi ekpidi lɛlɔ ni, ɔdubɔda ala aƒualadi aani bana kalɛ. Na lɛɛɛdubo-ma anyi bɔda budie ngba ɔku kemmo. Na ndubudie-ma kenye na mina Ɔti ku Katɔti batu ƒui anumi ka badi ami badi.