Ƒilipiƒuɔ 4:1 - Katɔti Ɔku Kedee

¹ Anwuɔsu ni, mina banwa bayɔne ɔni na naaanu-mii ni, kɔyɔ kúwi-mi! Bɛɛkya-mi kubiti geen na mɔɔtalaku lɛlɔ katɔ na amii ɔsu. Banwa bayɔne geen, lɛni na ɔdi ka binye kpakplaa na Kristo kemmo.

Ƒilipiƒuɔ 4:1 Iomraidhean Croise

Hiob 31:36

Na ndubuti bɔƒiɔ bɔmmɔ lɛsia lɛmangba na liti libi lili aani kagabwa na ukyuli biala ɔnu-mu nwaa.

Kɔgya 125:1

Bekyuli bani néti bana anu básia Unwoti lɛlɔ ni, bese aani Sion Kɔbi kɔni naadubo bɔta kesii kani na kɔlɛ kudii. Ɔsika mmɔ kani na kɔdubɔlɛ uwi biala kemmo.

Kɔgya 27:14

Kya ɔkplu na ataanu Unwoti ulu. Enu ataƒɛ-ɔ taanu-nwu anumi.

Mateo 10:22

Ukyuli biala ɔdubukisi-mii na ami ɔsu. Nsu si bínye bina bɔƒɔtaadi kemmo kpakplaa bitédu kawɔlɔkɔ ni, Katɔti ɔdubɔƒɔ-mii ngba.

Yohane 8:31

Amu na Yesu ɔ́su Yudaƒuɔ bani náƒɔ-nwu bádi mmɔ ɔnini, “Si bɛɛbla taasiaku mina ala ani na lɛ́tina-mii lɛlɔ ni, na bɛdi mina basiakune sɔsɔ.

Batalane Kabla 11:23

Ka útéduo mmɔ na ɔ́nu kalɛ na Katɔti úbunku-ma ni, ebiti áda-nwu geen na ɔ́kya-ma ogya úbu ɔnii benye Blɔti kama kpakplaa ku bana kayi ƒui.

Batalane Kabla 14:22

Mmɔ na bákya baƒɔtaadine bani nkya mmɔ ɔkplu banii benye kpakplaa na bana bɔƒɔtaadi kemmo. Na básu-ma lɛnɔ banini, “Ɔlɛka bubo abi pii asa na bɔkɛ lɛlɔyɔ na Blɔti lɛga bɔdi kemmo.”

Batalane Kabla 2:42

Amu na béti bana uwi ƒui béte batalane bammɔ, na baatina-ma ala, na baakpali katɔ, na baadi taasala lɛnɔ.

Romaƒuɔ 2:7

Bekyuli bani mɔɔkya lɛbuni bɔbla ɔkplu na basiaku bukeye ku bumwi ku ngba bɔnii nsɔ naaadubo bɔsa kudii kama ni, Katɔti ɔdubɔya na bakɛ ngba ƒui bɔmmɔ.

Korintoƒuɔ 1 15:58

Anwuɔsu ni, banwa, binye kpakplaa na bitagbanta. Na binye Blɔti kabla lɛlɔ uwi biala. Ɔsika bɛgyi ka lɛla lɛdi liiibo na bɛdubɔbla na Blɔti kabla kemmo na wabla keeke.

Korintoƒuɔ 1 16:13

Binye kagyumana na binye kpakplaa na bɔƒɔtaadi bɔmmɔ kemmo. Bise kayi na bɛyu ɔkplu.

Korintoƒuɔ 2 1:14

aani kalɛ na bínu ekpo adi kalɔ. Na bɛdubunu kalɔ ka bɛkana bɛkun lɛmɛnɛ na bula lɛlɔ, na abu lɛnɔ bɔkun lɛmɛnɛ na bina lɛlɔ na limeyi lɛni na Blɔti Yesu Kristo wasɔ webo lɛlɔ.

Galatiƒuɔ 5:1

Kristo úte-bu bɔnwuna kalɛ na bɔkɛ bɔnwuna sɔsɔ. Anwuɔsu binye kpakplaa na bɛsɔ bitete kuƒi na ɔdi unye-mii lɛlɔ na bitaabla ukyuli ɔdi kabla lɛnɔ.

Ƒilipiƒuɔ 1:27

Ɔƒɛni lɛla lɛni ntulo ndi ka bina ngba bulie bɔbla aani kalɛ na litemi buni lɛmmɔ lɛɛtina ɔsika ɔmɛni na Kristo ɔɔwia. Na si líbo ḿbanu-mii iye línu-mii kɔku ni, ndubunu ka binye kpakplaa na kɔyu kemmo biikpó ku kasusu kenwi na bina bɔƒɔtaadi kemmo teete litemi buni lɛmmɔ.

Ƒilipiƒuɔ 1:8

Na Katɔti ɔlati nnye-mi kama ka litemi geen na mɔɔsu nnii bina ala akya-mi kayi kemmo geen aani kalɛ kani na Yesu Kristo ɔɔyɔ́-mii kalɛ.

Ƒilipiƒuɔ 2:16

Na bɛda ngba litemi lɛmmɔ kaduɛ. Na si bɛ́kana na bɛ́bla ɔmɛni ni, ndubɔkɛ kenyekɔ na lɛkun lɛmɛnɛ na limeyi lɛni lɛlɔ na Yesu wada walɛ. Ɔsika ɔdubɔtina ka ńtekeli usi ɔmmɔ keeke iye ńtebo abi ńtewiakun.

Ƒilipiƒuɔ 2:26

Anwu lɛnɔ unye kpakplaa ka ɔnu-mii. Na ɔdi lɛla lɛni muukpóku-nwu geen ɔsika ɔ́ti ka bínu ka úbeƒi.

Koloseƒuɔ 4:12

Epaƒra ɔni ndi Kristo kabla ɔblane na ɔdi bina lɛkpa lɛmmɔ baƒɔtaadine kemmo unwi lɛnɔ uugyele-mii o-o! Ɔnwa ɔmɛni úti ɔ́sia lɛlɔ kpakplaa na ɔɔkpali katɔ na bina lili kalɛ na binye kpakplaa na bɛlɛ lili bɛwɔlɔ na bina bɔƒɔtaadi kemmo na bɛdi Katɔti litemi biala lɛlɔ.

Tesalonikaƒuɔ 1 3:13

Ɔmɛni ndubɔya na Unwoti Katɔti ɔkya-mii ɔkplu na uveli-mii lɛlɔ ekpidi ƒui na ɔbla-mii kedee na nwuna anumi ute limeyi lɛni na Blɔti Yesu Kristo wasɔ webo kayawi kamɛni ku nwuna badi kedee.

Tesalonikaƒuɔ 2 2:15

Ɔmɛni ɔsu ni, banwa, binye kpakplaa na biƒie etemila ani na bɔ́tina-mii na bula lɛku bunweni ku bɔtɛmi kemmo bɛda.

Timoteo 2 2:1

Na awɔ, mina ubi, kya ɔkplu na bula unwi bɔbla ku Kristo na nwuna lɛƒɔndia lɛni na ubo ute-bu kemmo.

Hebriƒuɔ 10:23

Na bɛya na bunye bɔƒɔtaadi bɔni kenye na buudie lɛlɔ kpakplaa. Ɔsika ukyuli ɔni nése-bu kenye kammɔ ni, ɔɔbla ala ulu lɛlɔ.

Hebriƒuɔ 3:14

Bubo kadikɔ ɔkɛnku Kristo lɛlɔ si búƒie-nwu bɔ́da kpakplaa na búti bula lɛlɔ ƒui bɔ́sia-nwu lɛlɔ útédu kawɔlɔkɔ.

Hebriƒuɔ 4:14

Anwuɔsu ka bubo ɔkpane unengudi ɔbuni ƒui ɔni ndi Katɔti Ubidi Yesu ɔni nkya-nwu kudɔ na katɔ mmɔ ɔsu ni, bɛya na buƒie bɔƒɔtaadi bɔni kenye na buudie mɛni bɔda kpakplaa.

Petro 2 3:17

Nsu ni, mina bayɔne, bɛgyi ɔmɛni bise. Anwuɔsu bɛti lɛlɔ bɔda kalɛ na bekyuli bekpidi balátɔlɔ-mii ku bana ekpidi ablala na bideyi ulu geen ɔmmɔ lɛlɔ. Naaawia ka bina bɔƒɔtaadi bɔyuɛ!