Ƒilipiƒuɔ 3:3 - Katɔti Ɔku Kedee

³ Abu ndi bekyuli bani mmomu nékulo ago, ɔsika buumwi Katɔti ɔkɛnku nwuna Kɔyu lɛlɔ na bɔɔkɛ́ ebiti ka abu ku Kristo Yesu bɔ́bla unwi ɔsu. Na búteti lɛlɔ bútasia ɔlɔna lɛlɔ ɔdi ala bɔbla lɛlɔ.

Ƒilipiƒuɔ 3:3 Iomraidhean Croise

Kɔgya 105:3

Amii bani ƒui mɔɔwia Unwoti ni, lɛlɔ lɛyɔ-mii na bimwi-nwu lɛnyi kedee na bɛkɔliku-nwu katɔ.

Yesaia 45:25

Ami Unwoti ndubo bɔya na Israelƒuɔ badi lɛlɔ na lɛya na baƒɔ lɛnyi geen.”

Yeremia 4:4

Biti bina kayi ƒui biƒie lɛla lɛna na línyimiku-mii ƒui bɛda. Nsu si bítada bina atuɔkplu bítaya na bɛmu binye bɛɛbla ekpidi ni, mina kɔnyi kɔdubo-mii lɛlɔ aani kalɛ na ogya ɔɔkyula lɛla lɛdi na balakana-nwu bunine.”

Malakai 1:11

Ɔ́si ɔƒɛ katukɔ útédu ɔƒɛ kanukɔ ni, bekyuli badubumwi-mi lɛnyi na bakyula oloƒui na kadi biala bekyuli akɔ na kalɔ lɛlɔ, na badubɔbla akpala ani námanku bete-mi.

Romaƒuɔ 1:9

Katɔti ɔni kabla na mɔɔbla ku mina kayi ƒui na litemi buni lɛni lɛsa mɔɔkɔ́ ɔkɛnku ubidi lɛlɔ ni, ani ndubudie-mi kenye ɔ́si kalɛ na naaayiƒala-mii uwi biala kemmo si mɔɔkpali katɔ.

Romaƒuɔ 15:17

Ɔmɛni ɔsu na mɔɔkun lɛmɛnɛ na lɛla lɛni na Yesu Kristo ɔ́bla ɔkɛnku kabla kani na mɔɔbla teete Katɔti ɔsu.

Romaƒuɔ 7:6

Nsu ɔƒɛni ni, ka búkpi na bɔ́lɛ ala ani nényimi-bu mmɔ kalɔ ɔsu ni, ɔda bubo bɔmmɔ bɔsɔ buládi-bu lɛlɔ. Ɔmmɔ ɔsu bɔsɔ bulábla lɛla lɛdi na ulu ɔkukudi lɛlɔ. Mmomu ulu ɔwɔdi ɔni nkɛnku Katɔti Kɔyu lɛlɔ na bɔɔbla kabla.

Romaƒuɔ 8:15

Katɔti útete-mii kɔyu kɔni náya na binwini liƒu ala kabla bablane. Mmomu úte-mii Kɔyu kɔni náya na binwini nwuna bebi. Na ɔkɛnku Kɔyu kɔmmɔ lɛlɔ ɔsu na bɔɔkpali Katɔti bɔnii, “Abba” ɔni kalɔ ndi mina Ati.

Romaƒuɔ 9:6

Ɔɔɔdi bɔsu na nda nnii Katɔti kenye kani na úse ni, útadi-ka lɛlɔ. Ɔsika ɔɔɔdi Yudaƒuɔ ƒui ndi bekyuli bani na Katɔti ɔ́ƒuna aani nwuna badi.

Korintoƒuɔ 2 11:18

Nsu ka bekyuli pii baakun lɛmɛnɛ na kayawi ala lɛlɔ ɔsu ni, bɛya na ami lɛnɔ lɛkun lɛmɛnɛ lɛdi blii.

Galatiƒuɔ 5:25

Na ka ɔkɛnku Kɔyu kɔmmɔ lɛlɔ ɔsu na bulie ngba ni, bɛya na Kɔyu kɔmmɔ kɔtɔnku-bu.

Galatiƒuɔ 6:16

Na ama bani mɔɔsia ala amɛni anu na bana ngba bulie kemmo ni, keyi buɛɛ ku kɔnyana bɔnu kɔsiaku-ma kama, ama ku Katɔti bekyuli ƒui.

Eƒesoƒuɔ 6:18

Na Katɔti Kɔyu kɔkya-mii lɛlɔ kemmo na bitaakpali katɔ uwi biala teevele Katɔti kebunku aani kalɛ na Kɔyu kɔmmɔ kɔ́tina-mii. Ɔmɛni ɔsu ni, binye kagyumana na enu ataƒɛ-mii. Na bitaakpali katɔ teete Katɔti bekyuli ƒui lili.

Lɛkpa Ulu 10:16

Anwuɔsu bɛda likpidi biala bidie bina kayi kemmo na bɛda atuɔkplu bɔbla bɛya.

Lɛkpa Ulu 30:6

Bina Unwoti Katɔti ɔdubɔya na binu lɛlɔ kalɔ na bina kayi kemmo amii ku bina bawɔ kalɛ na biteenu-nwu litemi na bitaayɔ-nwu ku bina kayi ƒui. Na ɔmɛni ndubɔya na bilie kalɔ kammɔ lɛlɔ bítu uwi.

Ƒilipiƒuɔ 1:1

Ami, Paulo ku Timoteo bani ndi Kristo Yesu kabla bablane ni, abu nénweni ɔku ɔmɛni. Na búti buute amii Kristo Yesu badi ƒui ku baƒɔtaadine lɛkpa batɔnkune ku bebunkune bani ƒui nkya Ƒilipi.

Ƒilipiƒuɔ 3:12

Na ɔɔɔdi bɔsu na nda nnii lɛ́ɛdi lɛlɔ iye ami lɛ́ɛbla sɛɛn lɛ́wɔlɔ. Mmomu nnye kpakplaa ka lɛkɛ lɛyuƒɔla lɛni na Kristo Yesu ubo ute-mi. Na ani ndi ka ɔya na línwini nwuna ɔdi.

Ƒilipiƒuɔ 3:14

Anwuɔsu muukeli usi na likulo kabuli kalɛ na lɛkɛ lɛyuƒɔla lɛni na Katɔti ɔ́lɔ-mi ka libo mbaƒɔ na katɔ na Kristo Yesu ɔsu.

Koloseƒuɔ 2:11

Ka bɛ́blaku Kristo unwi ɔsu ni, Katɔti úti nwuna Kɔyu úse-mii likpo ka bɛdi nwuna badi. Nsu ɔɔɔdi aani kalɛ na Yudaƒuɔ baabla ago bukulo ɔdi kalɛ. Mmomu Kristo ɔlati nábla-mii ɔmɛni úti úkulo ekpidi udu údie-bu lɛlɔ.

Yuda 1:20

Nsu ni, mina banwa, biti lɛlɔ bɛsia Kristo kalɛ na bina bɔƒɔtaadi kedee bɔyu ɔkplu, na bitaakpali katɔ na Kɔyu kemmo na ɔkya-mii ɔyikun.