Ƒilipiƒuɔ 1:13 - Katɔti Ɔku Kedee

¹³ Ɔmɛni ɔsu ni, lɛla biala lɛ́bla nwaa na ɔ́ya na bekpone bani ƒui mɔɔgyumana aban ɔtɔ mmɔ ku bani ƒui nkya mɛni bánu báti ka ɔni ndi Kristo Yesu kabla ɔblane ɔsu na ntɛ ɔtɔ.

Ƒilipiƒuɔ 1:13 Iomraidhean Croise

Batalane Kabla 26:29

Amu na Paulo údie kenye ɔnini, “Uwi klukui iye uwi gyɔlɔɔ ni, mɔɔkpali katɔ nnii ɔmwi ni, amii bani nkya mɛni ƒui binwini aani kalɛ na ami lɛnɔ nse. Nsu ɔɔɔdi aani kalɛ na kɔgba kɔmɛni kɔ́da-mi kalɛ!”

Batalane Kabla 26:31

Na ka bávi bálɛ mmɔ ni, bátɛmi básiku Paulo litemi lɛmɛni lɛlɔ básu banini, “Ukyuli ɔmɛni útabla lɛla lɛni na badu-nwu iye bakya-nwu ɔtɔ.”

Batalane Kabla 28:17

Amu na emeyi atɛ kama ni, Paulo ɔ́lɔ Yudaƒuɔ batɔnkune bani nkya mmɔ ƒui ɔ́sala. Ka bása ni, ɔ́su-ma ɔnini, “Banwa, Yudaƒuɔ bani nkya Yerusalem néƒie-mi na béti-mi béte Romaƒuɔ aban banii ɔtɛku-mi litemi ina ka ńtaƒiɔ ukyuli ɔdi iye bula bati kuuku ɔdi ala bɔbla bɔdi.

Batalane Kabla 28:20

Ɔmɛni ɔsu na lɛ́lɔ-mii. Ɔsika Ukyuli Ɔƒunadi ɔni lɛlɔ na Israelƒuɔ basia anu ni, nwuna lɛlɔ na mbo bɔƒɔtaadi ɔsu na kɔgba kɔmɛni kɔda-mi lɛni.”

Batalane Kabla 28:30

Amu na Paulo ɔ́kya mmɔ akwa anyɔ na kaduli kani na úvo kemmo, na útaaƒɔ bekyuli bani ƒui muubo-nwu kudɔ.

Eƒesoƒuɔ 3:1

Ɔmɛni ɔsu ni, ami Paulo ɔni ntɛ aban ɔtɔ ka mɔɔbla Kristo Yesu kabla na bina lili ɔsu ni,

Eƒesoƒuɔ 4:1

Anwuɔsu ka mɔɔbla Blɔti kabla na ntɛ ɔtɔ na anwu ɔsu ni, mɔɔlɛ-mii nnii bilie ngba bɔni námanku bɔlɔ bɔni na Katɔti ɔ́lɔ-mii.

Eƒesoƒuɔ 6:20

Na litemi lɛmmɔ ɔtalane na ndi, ina ka nkya kɔgba kemmo mɛni. Bivele na mina lili na lɛsu litemi lɛmmɔ kalɛ na ɔ́manku ku kayi buse!

Ƒilipiƒuɔ 1:30

Kekpo kani nnye muukpó mɛni ni, amii lɛnɔ bibunku-mi. Kekpo kamɛni kani na bɛ́nu ka lɛ́kya ńteekpo. Na aani kalɛ na bínu ni, aka kani na mmu nnye muukpó.

Ƒilipiƒuɔ 1:7

Bina ala akya-mi kayi kemmo geen uwi biala na ɔdi ulu lɛlɔ lɛnɔ ka use-mi lɛni. Ɔsika kuƒi kɔni na Katɔti úte-mi na ɔ́ya lɛ́kɛ nwuna litela ni, amii lɛnɔ bɛ́kɛ-nwu lɛlɔ kɔsia na uwi ɔni na ntɛ ɔtɔ mɛni ku uwi ɔni na mbo bɔnwuna ka likpo lite litemi lɛmmɔ na lidie-ni kenye lite bekyuli na baƒɔ-ni kpakplaa.

Ƒilipiƒuɔ 4:22

Katɔti bekyuli bani ƒui nkya mɛni beegyele-mii. Ɔni ntulo ndi bekyuli bani nkya Kaesare kaduli. Ɔsia lɛni.

Timoteo 2 2:9

Muubó abi na litemi buni lɛni mɔɔsu ɔsu. Na bébo-mi lɛkpu muedi aani ukyuli ɔni na ubo lɛkanta likpidi. Nsu Katɔti litemi ni, bétebo-ni lɛkpu!