Ƒilipiƒuɔ 1:10 - Katɔti Ɔku Kedee

¹⁰ kalɛ na bidie lɛla lɛni ndia ntulo. Mmɔ na bɛdubudie lɛlɔ na ala ani muusé lɛlɔ ƒui kudɔ na baládu-mii kɔtɔ na uwi ɔni kemmo na Kristo wasɔ webo.

Ƒilipiƒuɔ 1:10 Iomraidhean Croise

Ala Kalɔ Buse 20:5

Ɔɔɔdi Abraham ɔlati násu-mi ɔnini, ‘Mina ɔnwani ulekubi na ɔdi’? Lɛla lɛni na lɛ́bla ni, mina kayi kaladu-mi kɔtɔ. Na aanu-mi enu na katɔ.”

Hiob 12:11

Atu na buuti teenu, na unyemi na buuti taati adila emini.

Hiob 34:3

Ɔsika atu na beeti teenu etemila taati-nya unu aani kalɛ na unyemi uutú adila kenye taati-nya emini.

Mika 3:2

Nsu bɛ́ƒuna ka bitaabla likpidi bitulo lɛbuni. Na use aani kalɛ na beedie bekyuli ɔku ku ngba ku ngba. Na baanwí bana ɔlɔna taamami ekubi lɛlɔ.

Mateo 16:23

Yesu únwini kɔnakunwi ɔ́su Petro ɔnini, “Satan! Gyu tɔlɔ-mi lɛlɔ! Éti lɛlɔ eenwíni ukisine na mina lɛlɔ. Aayɔ́ akpanku-mi atákya likpidi kemmo! Kasusu kani na éti mɛni kátasi Katɔti kudɔ. Mmomu bekyuli kasusu kadi.”

Mateo 26:33

Amu na Petro ɔ́su Yesu ɔnini, “Si ina bakladi ƒui béni-ɔ muedi ni, ami lɛɛɛdubo-ɔ kama bɔlɛ kudii!”

Yohane 1:47

Ka bákpɛ beedé na Yesu ɔ́nu ka Natanael ɔdubo ni, ɔ́su-nwu lɛlɔ kɔtɛ ɔnini, “Bɛɛnu ka ukyuli ɔdi ɔdubo na ulatɔlɔ bekyuli. Ɔdi Israelni geen!”

Yohane 3:20

Ukyuli biala ɔni mɔɔbla likyulikpi ala ni, ukisi bukeye na ulakpɛ teede-mu. Ɔsika ɔɔyia ka nwuna ablala adubɔlɛ keyi na Katɔti ɔdubɔni-nwu kɔtu.

Batalane Kabla 24:16

Na ɔ́si ɔmɛni ɔsu ni, mɔɔkya ɔkplu ka lɛbla mina kasusu kemmo nwaa na Katɔti ku bayawine ƒui anumi.

Romaƒuɔ 12:2

Bɛsɔ bitabla unwi ku kayawi kamɛni lɛlɔ ala bɔbla. Mmomu bɛya na Katɔti ɔvumana-mii kasusu ƒui na binwini bekyuli bawɔdi. Ɔmmɔ ndubɔya na bɛnu lɛla lɛni na Katɔti ɔɔyɔ́ bɛti, na bɛbla lɛla lɛni ndia na lɛɛyɔ́-nwu kaƒɔ na lise sɛɛn lɛ́wɔlɔ.

Romaƒuɔ 12:9

Bɛya na bina bekyuli bɔyɔ bɔbla bɔyɔ geen. Bikisi likpidi na biƒie lɛla lɛbuni bɛda.

Romaƒuɔ 16:17

Banwa, mɔɔlɛ-mii kpakplaa nnii binye kagyumana na bekyuli bani muuti bule taakya bekyuli ntɛ lɛlɔ. Na beeti ala bamba ani náta énye bula ala ani na bɔɔtina lɛlɔ teetile-mii kuƒi. Bɛda lɛlɔ bɛmami-ma lɛlɔ.

Romaƒuɔ 2:18

Bɛɛsu lɛnɔ bɛnii bɛgyi lɛla lɛni mɔɔyɔ́ Katɔti kaƒɔ, na bɛ́tɛya ala abuni ani na ɔdi ka bɛƒuna na ɔda bubo bɔmmɔ kemmo.

Romaƒuɔ 7:16

Na si ala ani na naaayɔ ka lɛbla na mɔɔbla ni, na ɔɔtina ka lɛ́tuna ka ɔda bubo bɔmmɔ bɔdia.

Romaƒuɔ 7:22

Nka na mina kayi kemmo geen ni, Katɔti ɔda bubo bɔɔda-mi ebiti geen.

Romaƒuɔ 8:7

Na ukyuli ɔni kasusu nsia ɔlɔna ala kani lɛlɔ ni, ɔdi ukisine ute Katɔti, ɔsika uládi Katɔti ɔda bubo lɛlɔ. Na sɔsɔ geen ni, ulakana-mu lɛlɔ bɔdi lɛnɔ kudii.

Korintoƒuɔ 1 1:8

Na ɔdubɔgyumana-mii na bɛda bina bɔƒɔtaadi kaduɛ utédu kawɔlɔkɔ. Anwu ndubɔya na si Blɔti Yesu Kristo úbo ubatɛku bayawine litemi ni, kɔtɔ bɔdu bɔdi bulebo-mii lɛlɔ.

Korintoƒuɔ 1 10:32

Bitabla lɛla lɛni maya na Yudaƒuɔ iye bani naaadi Yudaƒuɔ iye baƒɔtaadine belebo Katɔti kudɔ.

Korintoƒuɔ 1 8:13

Anwuɔsu si adila ani na mɔɔdi adubɔya na mina ɔnwani ɔbla likpidi ni, nsɔ lɛɛɛdubo adila ani na béti bákpa béte baƒiɔ bɔdi kudii kalɛ na mina ɔnwani weduo likpidi kemmo.

Korintoƒuɔ 2 1:12

Lɛla lɛni ɔsu na bɔɔkun lɛmɛnɛ ndi ka bula kayi kaladu-bu kɔtɔ, ɔsika bɔ́da bula lɛlɔ kaduɛ na bekyuli ƒui akɔ. Na abu ku-mii kelie kakɛ Katɔti ulu lɛlɔ, na katɔlɔ keeebo-nwu kemmo. Ɔɔɔdi kayawi kamɛni kemmo lɛnunda na búti bulieku-mii lɛni, mmomu Katɔti lɛƒɔndia ku nwuna ɔyikun lɛlɔ na bɔ́sia.

Korintoƒuɔ 2 2:17

Abu buuuse aani bekyuli babambadi pii bani nkɛ bada litemi lɛmmɔ baadi kuye. Mmomu Katɔti úte-bu kenyekɔ na bɔɔkɔ́ litemi lɛmmɔ lɛsa na nwuna anumi aani Kristo kabla bablane kalɛ. Bulatɔlɔ bekyuli.

Korintoƒuɔ 2 6:3

Bulayɔ ka ɔdi udie-bu bɔƒiɔ bɔdi na bula kabla kemmo. Ɔmɛni ɔsu bulabla lɛla lɛni maya na bekyuli belebo Katɔti kudɔ.

Korintoƒuɔ 2 8:8

Ɔɔɔdi ɔda na muubó-mii, mmomu líti ogya ɔni nkya badi lɛlɔ kemmo mɔɔkɔ́ku amii bɔdi kalɛ na bɔnu si bina bekyuli bɔyɔ lɛnɔ bɔdi bɔyɔ geen.

Galatiƒuɔ 5:11

Banwa, na mina kakɛ ni, si bɔsu na mmu mɔɔsu bekyuli ka ɔlɛka bekulo ago ni, na nka bi ɔsu na bekyuli beekpóku-mi? Na ɔɔtina ka nka Kristo kukpi na ugyii lɛlɔ lɛsa lɛni mɔɔkɔ́ ni, ɔsɔ ulékpoku Yudaƒuɔ.

Eƒesoƒuɔ 4:15

Mmomu si bɔ́su litemi geen na bɔyɔ kemmo ni, bɔdubɔlɛ lili aani Kristo ɔni ndi bula ƒui lili mmɔ ɔlati na ulu biala lɛlɔ.

Eƒesoƒuɔ 5:10

Na lɛnɔ ni, bɛtɛya lɛla lɛni mɔɔyɔ́ Katɔti kaƒɔ.

Eƒesoƒuɔ 5:27

Na ɔ́klibi anwu ɔni ndi nwuna baƒɔtaadine lɛkpa kedee lɛni muukeye na bɔƒiɔ bɔdi buuubo-ni lɛlɔ, ɔsika likpidi iye bɔsɔ bɔdi bɔɔɔma-ni lɛlɔ.

Eƒesoƒuɔ 6:24

Katɔti lɛƒɔndia lɛsiaku bekyuli bani ƒui mɔɔyɔ́ Blɔti Yesu Kristo ku kayi ƒui.

Ƒilipiƒuɔ 1:16

Na bani mɔɔsu-ni ku kasusu kabuni mmɔ ni, baasu-ni ku bɔyɔ. Ɔsika bagyi ka Katɔti néti kabla kamɛni ɔ́kya-mi lɛkɔkɔ ka likpo na lɛgyumana litemi buni lɛmmɔ.

Ƒilipiƒuɔ 1:6

Na lɛ́ƒɔ lɛ́di ka Katɔti ɔni nése kabla kabuni kamɛni kalɔ na bina akɔ ni, ɔdubɔnu ka kabla kamɛni katáwɔlɔ na uwi ɔni na Kristo Yesu wasɔ webo.

Ƒilipiƒuɔ 2:16

Na bɛda ngba litemi lɛmmɔ kaduɛ. Na si bɛ́kana na bɛ́bla ɔmɛni ni, ndubɔkɛ kenyekɔ na lɛkun lɛmɛnɛ na limeyi lɛni lɛlɔ na Yesu wada walɛ. Ɔsika ɔdubɔtina ka ńtekeli usi ɔmmɔ keeke iye ńtebo abi ńtewiakun.

Tesalonikaƒuɔ 1 3:13

Ɔmɛni ndubɔya na Unwoti Katɔti ɔkya-mii ɔkplu na uveli-mii lɛlɔ ekpidi ƒui na ɔbla-mii kedee na nwuna anumi ute limeyi lɛni na Blɔti Yesu Kristo wasɔ webo kayawi kamɛni ku nwuna badi kedee.

Tesalonikaƒuɔ 1 5:21

Mmomu bɛwia lɛla biala kalɔ binu na bɛsiaku lɛbuni kama.

Tesalonikaƒuɔ 1 5:23

Na buuvele Katɔti ɔni muute-bu keyi buɛɛ bɔnii ɔbla-mii kedee na ulu biala lɛlɔ. Na ɔgyumana bina kɔyu ku kasusu ku ɔlɔna ƒui kalɛ na bɛlɛ kɔtɔ bɔdu kemmo uwi ɔni na Blɔti Yesu Kristo wasɔ webo.

Yosua 24:14

Amu na Yosua úse anumi na ɔ́sɔ ɔ́su-ma ɔnini, “Bɛyia Unwoti na bitaabla-nwu kabla ulu lɛlɔ. Na bɛda baƒiɔ bani na bina bati kuuku bákpa na ketu ɔvi ku Egyipte mmɔ bidie bina akɔ. Na bitaabla Unwoti kabla kani.

Yohane 1 4:1

Banwa bayɔne, bitaƒɔ kɔyu biala muulie ukyuli lɛlɔ bitadi. Mmomu bɛkɔku ɔdi biala bɛnu si kɔyu kɔmmɔ kɔ́si Katɔti kudɔ. Ɔsika ɔkɔ kenye bediene béegyingya bakya kayawi ekpo ƒui.

Budie Taatina 2:2

“Ngyi lɛla lɛni na bɛɛbla. Na ngyi kalɛ na binye kabla kammɔ lɛlɔ kpakplaa ku kalɛ na bɛ́kya ɔkplu. Ngyi ka biléte bekyuli bekpidi kuƒi ku kalɛ na bɛ́kɔku-ma bɛ́nu. Ama ndi bani mɔɔtɔ́lɔ bekyuli banii badi batalane, nsu baaadi batalane. Na bɛ́nu-ma bɛ́ti ka badi ɔkɔ banyine.