Ƒilipiƒuɔ 1:1 - Katɔti Ɔku Kedee

¹ Ami, Paulo ku Timoteo bani ndi Kristo Yesu kabla bablane ni, abu nénweni ɔku ɔmɛni. Na búti buute amii Kristo Yesu badi ƒui ku baƒɔtaadine lɛkpa batɔnkune ku bebunkune bani ƒui nkya Ƒilipi.

Ƒilipiƒuɔ 1:1 Iomraidhean Croise

Marko 13:34

Ɔdubuse aani ɔnana ɔni náta ɔ́lɛ ɔma ɔnii úsela ulu ɔdi, na ɔ́da nwuna kabla bablane ɔ́kya kaduli. Úte ɔdi biala nwuna kabla kani na ɔdubo bɔbla. Na nwuna kama ni, ɔ́su ukyuli ɔni nnye nwuna kayakun kenye ɔnii ɔgyumana kayakun kammɔ kaduɛ.

Yohane 12:26

Ukyuli biala ɔni mɔɔwia ka ɔbla-mi kabla ni, ɔdi ka ɔsiaku-mi. Na kesii kani na nlie ni, mmɔ na mina kabla ɔblane ɔmmɔ lɛnɔ welie. Na ukyuli biala ɔni mɔɔbla-mi kabla ni, mina Ɔti ɔdubute-nwu ɔbu.

Batalane Kabla 1:20

Amu na Petro ɔ́su lɛnɔ ɔnini, “Bénweni na Dawid kɔgya ɔku kemmo banini, “ ‘Bɛsia nwuna liku kɔnu bise, na ɔdi biala utelie mmɔ.’ Básɔ bénweni banii, “ ‘Bɛya na ukyuli bamba unye nwuna kalabla kenye.’

Batalane Kabla 20:28

Ɔmɛni ɔsu ni, binye lɛlɔ kagyumana. Katɔti Kɔyu nábla-mii batɔnkune ɔnii bɛda nwuna bebi bani na Katɔti úti úte-mii bɔda kɔkɔɔkɔ. Bɛda-ma kaduɛ, ɔsika Katɔti úwi Ubidi ubugya kalɔ úti udie-ma lili.

Batalane Kabla 9:13

Mmɔ na Anania údie kenye ɔnini, “Blɔti, línu na kesii biala kalala kani udu na ukyuli ɔmɛni ɔɔbla baƒɔtaadine na Yerusalem!

Romaƒuɔ 1:1

Ami Paulo, ɔni ndi Yesu Kristo kabla ɔblane na ndi ɔtalane ɔni na Katɔti ɔ́ƒuna ka lɛkɔ-nwu litemi buni lɛsa ni, ami muunweni ɔku ɔmɛni.

Romaƒuɔ 1:7

Ɔmɛni ɔsu na muunweni ɔku ɔmɛni lite amii bani ƒui nkya Roma na Katɔti ɔɔyɔ́-mii, na ɔ́lɔ-mii ka bɛbla nwuna badi. Katɔti ku Blɔti Yesu Kristo lɛƒɔndia ku keyi buɛɛ kasiaku-mii.

Korintoƒuɔ 1 16:10

Si Timoteo úbeduo-mii kudɔ ni, na bɛƒɔ-nwu kaduɛ. Ɔsika ɔɔbla kabla teete Blɔti aani kalɛ kani na ami lɛnɔ mɔɔbla.

Korintoƒuɔ 2 1:1

Ami Paulo ɔni nkɛnku Katɔti lɛƒɔyɔ lɛlɔ na ndi Blɔti Yesu Kristo ɔtalane ni, ami ku Ɔnwa Timoteo muunweni ɔku ɔmɛni bute amii Korintoƒuɔ bani néti lɛlɔ bíte Katɔti ku bekyuli bani ƒui mɔɔbla Katɔti kabla na Akaia kalɛkɛ lɛlɔ mmɔ.

Galatiƒuɔ 1:10

Na kabla kani na mɔɔbla mɛni ni, bɛɛkali bɛnii bekyuli bumwi na mɔɔwia? Munuu Katɔti bumwi na mɔɔwia? Munuu mɔɔbla-ka kalɛ na kaƒɔ kayɔ bekyuli? Na si bekyuli lɛyɔla kabla na mɔɔbla ni, nka lɛɛɛdi Kristo kabla ɔblane.

Galatiƒuɔ 3:26

Ɔkɛnku Kristo bɔƒɔtaadi kemmo ɔsu na bina ƒui bɛdi Katɔti bebi.

Galatiƒuɔ 3:28

Anwuɔsu kavumana kadi kasɔ keeebo Yudani iye Helani iye ukyuli ɔni mɔɔbla ukyuli ɔdi kabla iye ɔni nli nte lɛlɔ iye ɔnana iye uleku ɔdi ntɛ. Ɔsika bina ƒui bɛ́bla ku Kristo Yesu unwi.

Eƒesoƒuɔ 1:1

Ami, Paulo ɔni nkɛnku Katɔti lɛƒɔyɔ lɛlɔ ɔsu na ndi Kristo Yesu ɔtalane ni, ami muunweni ɔku ɔmɛni lite amii Katɔti baƒɔtaadine bani nkya Eƒeso na bɛ́blaku Kristo unwi na bɛɛdi nwuna etemila lɛlɔ.

Eƒesoƒuɔ 1:15

Ɔmɛni ɔsu ni, ɔ́si uwi ɔni na línu kalɛ na bɛ́ƒɔ Blɔti Yesu bɛ́di na bɛɛyɔ́ Katɔti bekyuli ni,

Eƒesoƒuɔ 6:24

Katɔti lɛƒɔndia lɛsiaku bekyuli bani ƒui mɔɔyɔ́ Blɔti Yesu Kristo ku kayi ƒui.

Ƒilipiƒuɔ 2:19

Si Katɔti ɔ́tunaku-mi ni, uwi klukui kama ndubɔtala Timoteo lɛkya-mii, kalɛ na lɛkɛ ɔlɔkplu si línu bina lɛlɔ lɛla lɛdi lɛsiku-nwu kudɔ.

Ƒilipiƒuɔ 2:5

Bina kasusu ɔlɛka kabla kenwi ku Kristo Yesu kadi.

Ƒilipiƒuɔ 3:12

Na ɔɔɔdi bɔsu na nda nnii lɛ́ɛdi lɛlɔ iye ami lɛ́ɛbla sɛɛn lɛ́wɔlɔ. Mmomu nnye kpakplaa ka lɛkɛ lɛyuƒɔla lɛni na Kristo Yesu ubo ute-mi. Na ani ndi ka ɔya na línwini nwuna ɔdi.

Ƒilipiƒuɔ 3:3

Abu ndi bekyuli bani mmomu nékulo ago, ɔsika buumwi Katɔti ɔkɛnku nwuna Kɔyu lɛlɔ na bɔɔkɛ́ ebiti ka abu ku Kristo Yesu bɔ́bla unwi ɔsu. Na búteti lɛlɔ bútasia ɔlɔna lɛlɔ ɔdi ala bɔbla lɛlɔ.

Ƒilipiƒuɔ 3:8

Na ɔɔɔdi ɔmmɔ lɛti. Mɔɔnu lɛla biala aani lɛla keeke si líti mɔɔkɔ́ku lɛla lɛni náƒɔ kuye geen mɛni, na ani ndi ka lɛ́ti Kristo Yesu ɔni ndi mina Ɔti. Na anwuɔsu ni, líbo lɛla biala líwiakun. Na lɛ́nu-nya aani kebu alakpi kalɛ na ami ku Kristo bɔbla unwi.

Tesalonikaƒuɔ 1 1:1

Ami Paulo ku Silivano ku Timoteo búnweni ɔku ɔmɛni buute amii bani ndi Katɔti ku Blɔti Yesu Kristo badi na Tesalonika. Na bɔɔkpali katɔ bɔnii Blɔti lɛƒɔndia ku keyi buɛɛ kasiaku-mii.

Tesalonikaƒuɔ 1 2:2

Na bɛgyi kalɛ na búbo abi na béwi-bu anumi kalɔ na Ƒilipi asa na búbedu bina kudɔ na Tesalonika mɛni. Nsu ina ka békpoku-bu mɛni lɛnɔ ni, Blɔti ɔ́kya-bu ɔkplu na bɔ́su-mii nwuna litemi buni.

Tesalonikaƒuɔ 2 1:1

Ami Paulo ku Silivano ku Timoteo búnweni ɔku ɔmɛni buute amii bani ndi bula Unwoti Katɔti ku Blɔti Yesu Kristo badi na Tesalonika.

Tesalonikaƒuɔ 2 1:10

Ala amɛni adubɔlɛ na limeyi libendi lɛni lɛlɔ na Yesu wasɔ webo. Na limeyi lɛmmɔ lɛlɔ ni, nwuna baƒɔtaadine ƒui badubɔsiaku-nwu ku bumwi kudu. Na amii lɛnɔ bɛdubɔkya-ma akɔ, ɔsika bɛ́ƒɔ nwuna litemi buni lɛni bɔ́su-mii mmɔ bɛ́di.

Timoteo 1 1:2

Na líti muute awɔ Timoteo. Agyi ka ubi na adi-mi na bɔƒɔtaadi kemmo. Na muuvele Unwoti Katɔti ku Blɔti Yesu nnii bana lɛƒɔndia lɛsiaku-ɔ na banu-ɔ kɔnyana na bete-ɔ keyi buɛɛ.

Timoteo 1 3:8

Na baƒɔtaadine kasala bebunkune ni, ama lɛnɔ ɔlɛka babla bekyuli bani nda udu buni, na bada kabla kammɔ lɛnɔ kpakplaa. Na badi bekyuli bani naaani ntɛ teekpi, na anumi elégyie-ma na egulabi lɛlɔ.

Tito 1:1

Ami Paulo ɔni ndi Katɔti kabla ɔblane ku Yesu Kristo ɔtalane ni, ami muunweni-ɔ ɔku ɔmɛni. Katɔti ɔ́ƒuna-mi na ɔ́tala-mi ɔnii mbunku nwuna bekyuli baƒunadi bɔƒɔtaadi na lɛtɔnku-ma na banu litemi geen lɛni na bula bɔƒɔtaadi ulu ɔɔtina bati.

Tito 1:7

Na ɔƒɔtaadine ɔtɔnkune ɔni mɔɔnu Katɔti kabla lɛlɔ ni, utalɛka litemi lɛdi lɛda-nwu iye utaakɔliku lɛlɔ katɔ iye uteeti kɔnyi buti buti. Na ɔɔɔdi ka utaani ntɛ teekpi, na ulekpo udi, iye anumi lɛnɔ elégyie-nwu na egulabi lɛlɔ.

Ƒilemon 1:1

Ami Paulo ɔni ntɛ aban ɔtɔ ka mɔɔkɔ́ Kristo Yesu lɛsa ɔsu ku Ɔnwa Timoteo muunweni ɔku ɔmɛni. Na líti muumene awɔ Ƒilemon bula kabla kamɛni ɔblane ɔkpana ɔni na bɔɔyɔ́ geen.

Hebriƒuɔ 13:23

Mɔɔyɔ́ ka lɛya bɛti ka bányonu bula ɔnwa Timoteo na aban ɔtɔ. Na si úyile mɛni búbeduo ni, ami ku-nwu bɔdubo bubanu-mii.

Yakobo 1:1

Ami Yakobo ɔni ndi Katɔti ku Blɔti Yesu Kristo kabla ɔblane muugyele amii Katɔti bekyuli ƒui bani négyingya bakya kayawi ekpo ekpo ƒui.

Petro 1 2:25

Bílie ngba dii ani baƒonu bani náyii ulu. Nsu ɔƒaani ni, Katɔti ɔ́sɔku-mii úboku bina ɔdane ɔni mɔɔgyumana-mii kɔyu kudɔ.

Petro 2 1:1

Ami Simon Petro ɔni ndi Yesu Kristo kabla ɔblane ku ɔtalane ni, ami muunweni ɔku ɔmɛni lite amii baƒɔtaadine ƒui bani na abu ku-mii ƒui bɔdi benwi ku Katɔti. Na ɔ́ya na bula ƒui bɔ́ƒɔ bula Ɔti ku Ɔƒɔne Yesu Kristo ɔni nse siin bɔ́di.

Yuda 1:1

Ami Yuda ɔni ndi Yesu Kristo kabla ɔblane na ndi Yakobo ɔnwani ni, muunweni ɔku ɔmɛni lite amii bani nénu Katɔti bɔlɔ. Na ka bɛ́siaku-nwu ɔsu ni, ɔɔyɔ́-mii. Na Blɔti Yesu Kristo lɛnɔ ɔɔgyumana-mii geen.

Budie Taatina 1:1

Ɔku ɔmɛni ndi ala ani na Katɔti údie ɔ́tina nwuna kabla bablane ɔkɛnku Yesu Kristo lɛlɔ ka adubo bɔlɛ na uwi klukui kemmo. Báti ɔmɛni ɔkɛnku Katɔti ɔtu ɔni na Kristo ɔ́tala ɔ́kya nwuna kabla ɔblane Yohane na ala ani na údie ɔ́tina-nwu kemmo.

Budie Taatina 1:20

Ayabi maatɛ ani na ánu na mina kɔdianu ku sika ugyiedi ligyii lɛmmɔ enye ete lɛla lɛdi. Na ana kalɔ na ndubo budie mɛni. Ayabi maatɛ ammɔ ndi Katɔti batu maatɛ ute baƒɔtaadine akpa maatɛ ammɔ. Na sika ugyiedi ligyii lɛmmɔ ndi baƒɔtaadine akpa maatɛ ammɔ.”

Budie Taatina 19:10

Mmɔ ni, lɛ́yu líbi kalɔ na nwuna lɛgba akɔ na límwi-nwu aani Katɔti kalɛ. Nsu ɔ́su-mi ɔnini, “Tabla lɛni! Ami lɛnɔ kabla ɔblane ɔkpana na ndi aani ƒula kalɛ ku ƒula banwa bakladi bani nsiaku Blɔti Yesu ala bɔtina kama. Katɔti kani na ɔlɛka emwi lɛni. Ɔsika ala ani na Yesu ɔ́tina ni, ana kenye budie ndi Kɔyu ɔyikun ɔni nákya Katɔti kenye bediene lɛlɔ kemmo.”

Budie Taatina 2:12

Na ɔ́su-mi ɔnini, “Nweni ɔku te Pergamo baƒɔtaadine lɛkpa ɔtu anii, “Ami Yesu mbo kewii kani bádɔ-ka lɛvi inyɔ mmɔ. Na ami mɔɔsu kenye kamɛni.

Budie Taatina 2:8

Na ɔ́su-mi ɔnini, “Nweni te Smirna baƒɔtaadine lɛkpa ɔtu anii, “Ami Yesu ndi Udeedi ku Ukplodi. Na líkpi, nsu lɛ́sɔ lɛ́ta líbo nli ngba. Na ami mɔɔsu kenye kamɛni.

Budie Taatina 22:9

Nsu ɔ́su-mi ɔnini, “Tabla lɛni! Ami lɛnɔ kabla ɔblane ɔkpana na ndi aani ƒula kalɛ ku ƒula banwa kenye bediene babambadi ku bakladi bani mɔɔda etemila ani nkya ɔku ɔmɛni kemmo ƒui kaduɛ. Katɔti kani na ɔlɛka emwi lɛni!”