Bumomo Bɔka 9:2 - Katɔti Ɔku Kedee

² “Kɔ lɛsa na asu Israelƒuɔ ƒui anii badi Kukpi Lili Bɔvia Limeyi na uwi ɔni na líbo-ma ɔda lɛlɔ.

Bumomo Bɔka 9:2 Iomraidhean Croise

Baga 2 23:21

Na ɔmmɔ kama ni, Ɔga Yosia úbo bekyuli bammɔ ɔda ka badi Kukpi Lili Bɔvia Limeyi bete Unwoti aani kalɛ na bénweni bákya ɔda bubo ɔku kemmo mmɔ.

Ala Alɛdi 2 35:1

Na uwi ɔmmɔ ni, Yosia úbo ɔda ka badi Kukpi Lili Bɔvia Limeyi na Yerusalem na beti babu Unwoti. Anwuɔsu na kɔbuli kudeedi limeyi leevu-linedi lɛlɔ ni, bádu baƒonu bakɔdi béte limeyi lɛmmɔ bɔdi.

Esra 6:19

Na Yudaƒuɔ kɔbuli kudeedi limeyi leevu-linedi lɛlɔ ni, bekyuli bani na béƒie bátɔlɔku mmɔ bádi Kukpi Lili Bɔvia Limeyi.

Lewiƒuɔ Ɔda Bubo 23:5

Kɔbuli kudeedi kɔni ndi Abib limeyi leevu-linedi lɛlɔ useyi uwi si ɔƒɛ úsela kanukɔ ni, na bise kalɔ bitaadi Unwoti Kukpi Lili Bɔvia Limeyi.

Bumomo Bɔka 28:16

“ ‘Na limeyi leevu-linedi biala na kɔbuli kudeedi lɛlɔ ni, ɔlɛka badi Unwoti Kukpi Lili Bɔvia Limeyi.

Bumomo Bɔka 9:3

Na badi limeyi lɛmmɔ useyi uwi. Na kɔbuli kudeedi limeyi leevu-linedi lɛlɔ. Na badi limeyi lɛmmɔ basiaku kalɛ na líbo-ma ɔda pɛpɛɛpɛ.”

Marko 14:12

Na limeyi lideedi na Bodobodo Ɔni Néteƒu Limeyi bɔdi kemmo uwi ɔni na baadú Kukpi Lili Bɔvia koƒonubi bakpa na bana ɔdi kenye ni, Yesu batɛyane béye-nwu banini, “Wɛ na aayɔ́ ka butáklibi bula limeyi lɛmɛni bɔdi buse bute-ɔ?”

Luka 22:7

Ɔmmɔ kama ni, limeyi lɛni na badu baƒonu bebi bete Kukpi Lili Bɔvia Limeyi líbedu na bodobodo ɔni néteƒu emeyi bɔdi kemmo.

Yosua 5:10

Uwi ɔni na Israelƒuɔ bamu bakya Gilgal na kalɔ kani nwi ƒiaa na Yeriko kudɔ ni, bádi Kukpi Lili Bɔvia limeyi useyi ɔmmɔ na kɔbuli kɔmmɔ limeyi leevu-inedi lɛlɔ.