Bumomo Bɔka 7:3 - Katɔti Ɔku Kedee

³ Na ala ani béti bátábla akpala béte Unwoti mmɔ ndi bapɔnkɔ kɛɛkɛ ɛku ku ɔmantɛ bakɔ leevu-inyɔ bani ndubo kɛɛkɛ lɛmmɔ butaani na ɔtɔnkune biala úte unwi na batɔnkune bammɔ inyɔ biala béte ɔpɔnkɔ kɛɛkɛ unwi. Ala amɛni na béti bésienku Unwoti Adi Kevo anumi.

Bumomo Bɔka 7:3 Iomraidhean Croise

Ala Kalɔ Buse 45:19

“Su-ma anii ami Ƒarao nnii beti kɛɛkɛ ɔni na bebuo baaní mmɔ ɔdi bada ɔ́si Egyipte mɛni. Nwuna kemmo na bana bebi ku beleku badubo bulieku bina ɔti ƒui na bakpanku-ma beboku.

Ala Kalɔ Buse 45:21

Ɔmmɔ ɔsu ni, Israel bebi bénu kalɔ ka babla ala ani na básu-ma mmɔ. Yoseƒ úte-ma kɛɛkɛ aani kalɛ na Ɔga Ƒarao ɔ́su. Na úte-ma ala lidu lidu lɛni na beti bada besie ulu.

Esra 2:68

Uwi ɔni na bekyuli bammɔ béduo Katɔti Kaduli na Yerusalem ni, lɛtɔ lɛmmɔ benengu badi béyi akpala ka badubuti ku kaƒɔ ƒaa bebunku Katɔti kaduli kammɔ bɔtu.

Israelƒuɔ Bɔlɛ 25:2

“Kɔ lɛsa te Israelƒuɔ na asu-ma na beti akpala beboku-mi. Na aƒɔ akpala ammɔ ɔdi biala kudɔ eboku-mi kalɛ na ɔ́si-nwu kayi kemmo kalɛ.

Yesaia 66:20

Na badubɔlɛku bina banwani bɔsiku kadi bekyuli ƒui kɔlɔ lɛlɔ beboku ami Unwoti aani akpala kalɛ na Yerusalem. Na badubulie bapɔnkɔ ku bebuo ala betine ku kɛɛkɛ lidu lidu ku bebuo ala betine ku keƒu lɛlɔ bebo. Badubo-ma bɔkpanku buboku aani kalɛ na Israelƒuɔ beeti bana kakpa edula etela taakya akyami ani na bédie bése sɛsɛɛ úte emeyi amɛni udu kemmo teeboku-mi na mina kakpakɔ.

Amos 2:13

“Anwuɔsu ndubo-mii etila butile na bɛƒɛ biwi kalɔ aani kalɛ na baatɛ ala teetuloku kɛɛkɛ na ɔɔƒɛ teewi kalɔ.

Bumomo Bɔka 7:4

Amu na Unwoti ɔ́su Mose ɔnini,