Bumomo Bɔka 6:3 - Katɔti Ɔku Kedee

³ ɔlɛka ɔda lɛlɔ udie ntɛ bɔni mbo ɔkplu bɔni kemmo. Na utalɛka ɔni egyiibi ntɛ bɔni na bébulo, na utalɛka ɔni lɛla lɛni mɔɔda kenye, iye egyiibi lidu biala ntu bɔni na bámana ebi ammɔ bédie iye ɔdi-nya muedi.

Bumomo Bɔka 6:3 Iomraidhean Croise

Lewiƒuɔ Ɔda Bubo 10:9

“Ɔkpane ɔdi biala, awɔ ku ƒula bebi bananabi ɔdi utani ntɛ bubulodi bɔni kemmo na bɔnyii bɔkya iye bɔbambadi bɔdi biala udu na uduo Unwoti Adi Kevo kammɔ kemmo, si ɔɔɔdi lɛni bɛdubo bukpi. Na bunyimi bɔmɛni lɛlɔ na bɛdubɔdi úti úsela uwi ƒui amii ku bina kaba kaba ƒui bekyuli.

Amos 2:11

Lɛ́bla bina bebi bananabi badi na badi mina kenye bediene. Na lídie bana badi líse sɛsɛɛ úte mina kabla na baalɔ-ma Nasareƒuɔ. Ala amɛni ƒui amii Israelƒuɔ bɛgyi ka adi litemi geen. Ami Unwoti násu!

Amos 2:12

Nsu bítile kenye bediene bammɔ kuƒi ka batasu mina kenye. Na bínye Nasareƒuɔ bammɔ lɛlɔ ka bataani ntɛ bɔni na lítile-ma kuƒi ka batani.

Bumomo Bɔka 6:4

Uwi ɔni na ɔmu ɔdi Nasareni mɛni ni, utalɛka uti lɛla lɛni nási egyiibi kemmo aani ntɛ utuku kenye, ina nwuna ebi iye egyiibi lɛna lɛmmɔ muedi.

Luka 1:15

Ɔdubo ukyuli ubendi bɔbla na Katɔti anumi. Útalɛka ɔni ntɛ kpakplaa iye bɔbambadi bɔdi udu lɛnɔ. Na ɔ́si nwuna bɔwɔ uwi ni, Katɔti kɔyu kɔdubɔƒɔ-nwu lɛlɔ kemmo.

Luka 21:34

“Bɛnu kaduɛ na bileti bina uwi bilete bɔdi ku bɔni ebiti sɔɔn. Na ɔdi uléteekpoku nwuna lɛlɔ na kayawi kamɛni ala lɛlɔ. Si ɔɔɔdi lɛni ni, limeyi lɛmmɔ lɛdubo-mii buyu bɔtu.

Eƒesoƒuɔ 5:18

Bitekpi ntɛ, ɔsika ɔmɛni mɔɔyá na bɛɛyii udu. Mmomu Katɔti Kɔyu kɔƒɔ-mii lɛlɔ kemmo ƒui.

Tesalonikaƒuɔ 1 5:22

Bɛda lɛlɔ bidie likpidi ulu biala lɛlɔ.

Timoteo 1 5:23

Na ƒula kaƒɔ ɔlɛ ɔsu ni, tasu anii ataani ntu lɛti. Ɔdia ka ataani ntɛ blii blii kuvo kalɛ.

Hebriƒuɔ 9:10

Ɔsika ala ammɔ ƒui adanku bɔdi ku bɔni ku lɛlɔ bɔƒɔ ɔdi na lilu bun bun lɛlɔ. Na adi ɔlɔna lɛlɔ ɔda bubo bɔni ndubɔbla kabla ɔƒɛni wetédu ka ulu ɔwɔdi ɔmmɔ úbo.

Litemi Batɛne 13:14

Na anya ndi ka útalɛka ɔdi lɛla biala na bébulo iye ɔni ntɛ kpakplaa iye ntɛ bɔdi biala iye ɔdi adila ani muusé lɛlɔ biala. Na ɔlɛka ɔdi ɔda ɔni ƒui líbo-nwu lɛlɔ.”

Litemi Batɛne 13:4

Ɔƒɛni mɔɔsu-ɔ ka tani ntɛ kpakplaa iye ntɛ biala, na anu lɛnɔ ka atadi adila ani muusé lɛlɔ.