Bumomo Bɔka 3:7 - Katɔti Ɔku Kedee

⁷ Na ama ndubo kabla butaabla teebunku-nwu, na bataabla bana kadi bekyuli ƒui kabla teete-ma na Kasakɔ Kevo mmɔ na Unwoti Adi Kevo kemmo.

Bumomo Bɔka 3:7 Iomraidhean Croise

Ala Alɛdi 1 26:20

Amu na báƒuna bana lɛlɔ bekyuli bani ndi Lewiƒuɔ bamba ka bataanu kakpakɔ kammɔ egulabi kesekɔ lɛlɔ ku etela ani bédie bése sɛsɛɛ béte Katɔti mmɔ lɛlɔ.

Ala Alɛdi 1 26:22

Na Yehieli ɔmɛni náwɔ Setam ku Yoel na ama mɔɔgyumana egulabi kesekɔ kammɔ.

Ala Alɛdi 1 26:26

Selomot ɔmɛni ku nwuna lɛlɔ bekyuli mɔɔnu etela ani na bédie sɛsɛɛ béte Unwoti mmɔ lɛlɔ. Na ala amɛni adanku Ɔga Dawid ku atɔƒi benengu ku bekpone benengu ku bekpone kenye benyene etela ani bédie bése sɛsɛɛ béte Unwoti.

Lewiƒuɔ Ɔda Bubo 8:35

Na ɔlɛka bɛsɔ bɛkya Unwoti Adi Kevo kaduli kammɔ kayakun kenye emeyi maatɛ usien ku ɔƒɛ. Na bɛbla ala ani ƒui na Unwoti ɔɔwia ka bɛbla kalɛ na bilekpi, ɔsika lɛni na Unwoti ɔɔwia.”

Bumomo Bɔka 1:50

mmomu ya na Lewi kaba bekyuli bammɔ bataabla Unwoti kakpakɔ kabla, na bataanu kakpakɔ kammɔ lɛla biala lɛlɔ. Na ama ndubuteeti Katɔti Adi Kevo kammɔ ku nwuna lɛlɔ ala ƒui. Na ama ndubo-ka lɛlɔ butaanu na bataagyumana-ka taamana.

Bumomo Bɔka 1:53

Na Lewiƒuɔ bammɔ ama ni, belie bamana Katɔti Adi Kevo kammɔ na bataagyumana-ka kalɛ na ɔdi uláni uléde-mi na mina kɔnyi kubo Israelƒuɔ bammɔ lɛlɔ.”

Bumomo Bɔka 3:32

Na Lewiƒuɔ bammɔ ɔtɔnkune ƒui ndi Aaron ubidi Eleasar ɔni ndi ɔkpane. Na anwu báƒuna bése ka utaanu bekyuli bani mɔɔnu kakpakɔ kammɔ lɛlɔ lɛlɔ.

Bumomo Bɔka 3:8

Na ama ndubo ala ani ƒui nkya mmɔ lɛlɔ butaanu. Na benye bana kadi Israelƒuɔ kenye bataabla ala ani lɛlɔ ɔda na Unwoti úbo-ma na Unwoti Adi Kevo kammɔ kemmo.

Bumomo Bɔka 31:30

Na lɛkpa lɛni lɛdi kadi bekyuli bammɔ ɔdi ni, bedie unwi na liti biala na báka na ala ammɔ ɔdi biala kemmo na badi bekyuli ku ɔmantɛ bakɔ ku bebuo ala betine ku baƒonu ku bese iye bebuo bamba. Na biti-ma bite Lewiƒuɔ bani mɔɔbla kabla na Unwoti Adi Kevo Kemmo mmɔ.”

Bumomo Bɔka 8:11

Na Aaron ɔdubuti Lewiƒuɔ bammɔ ɔkya Unwoti enu aani kadi bammɔ akpala ani na bákɔliku katɔ bátina-mi bébo-nya kudu.

Bumomo Bɔka 8:15

“Uwi ɔni na ábla-ma sɛɛn ɔdi ɔmmɔ áwɔlɔ na éti-ma ákya-mi kɔnu aani kudu bubo akpala kama ni, na aya bebo mina Adi Kevo kemmo babataabla bana kabla.