Bumomo Bɔka 15:3 - Katɔti Ɔku Kedee

³ na ɔdi ɔɔyɔ́ ka uti ebuo ɔdi ɔsiku nwuna bebuo lidu akɔ ɔbla bɔkyula akpala ƒɛƒɛɛ ani mɔɔyɔ́ ami Unwoti kaƒɔ, iye kenye kadi na úse na ɔnii ɔɔbla akpala iye kayi ƒaa akpala iye akpala ani ndanku emeyi bɔdi ni,

Bumomo Bɔka 15:3 Iomraidhean Croise

Ala Kalɔ Buse 8:21

Na Unwoti ɔ́ƒɔ akpala ammɔ ku kayi ƒui na ɔ́su ɔnini, “Nsɔ lɛɛɛdubo kalɔ kamɛni buwida na ukyuli ɔsu ina ka likpidi kasusu káƒɔ-nwu lɛlɔ kemmo ƒui ɔ́si nwuna lɛnamu uwi. Na nsɔ lɛɛɛdubo bebweyi ƒui udu bɔyila aani kalɛ na lɛ́bla.

Esra 7:17

Na ada egulabi ani búti búte-ɔ mmɔ kaduɛ. Na eti eye ɔmantɛ bakɔ ku bakɔ bakɔdi ku baƒonu bakɔdi ku kakpa ku ntɛ na eti abla akpala na Katɔti kakpakɔ lɛkpabi lɛni nkya Yerusalem mmɔ lɛlɔ.

Kɔgya 54:6

Unwoti ndubuti kaƒɔ ƒaa etela liboku-ɔ. Na ndubunwi-ɔ lɛnyi, ɔsika adia geen.

Israelƒuɔ Bɔlɛ 29:18

Na akyula koƒonu kɔmmɔ ƒui na lɛkpabi lɛmmɔ lɛlɔ na ɔdubɔbla akpala bɔkyula ƒui uyɔ ɔnyi ƒɛƒɛɛ ɔni mɔɔyɔ́ ami Unwoti kaƒɔ.

Israelƒuɔ Bɔlɛ 29:25

Ɔmmɔ kama na aƒɔ akpala ammɔ asiku bana enu kemmo akyula na lɛkpabi lɛmmɔ lɛlɔ ete-mi, na nwuna uyɔ ɔnyi ƒɛƒɛɛ ɔdubɔyɔ-mi kaƒɔ.

Israelƒuɔ Bɔlɛ 29:41

Na adu kunyɔdi useyi uwi na ebunku ɔlaaƒɔ ku ntɛ aani ɔtanta ɔdi kalɛ kani na ɔbla ɔnyi ƒɛƒɛɛ akpala bɔkyula ute ami Unwoti.

Lewiƒuɔ Ɔda Bubo 10:13

Bɛdi-nya na kesii kani nse kedee mmɔ, ɔsika ɔmmɔ ndi awɔ ku ƒula bebi bananabi kadikɔ, na akpala ani na bákyula lɛkpabi lɛlɔ béte Unwoti mmɔ kemmo. Na ɔmmɔ ndi ɔda ɔni na Unwoti úbo-mi,

Lewiƒuɔ Ɔda Bubo 27:2

“Kɔ lɛsa na asu Israelƒuɔ anini, ‘Si ɔdi úti ukyuli úte Unwoti ɔkɛnku kenye kani na úse ɔsu ni, ɔkana ɔsɔ ɔƒɔ-nwu uye ku kayu kani námanku.

Lewiƒuɔ Ɔda Bubo 7:16

“ ‘Nsu is akpala ammɔ adi lili budie iye kaƒɔ ƒaa akpala ni, bakana bakun lɛna lɛmmɔ na limeyi lɛmmɔ. Na si lítasa ni, bakana bakun-ni kadi kégye.

Bumomo Bɔka 28:27

Na bɛwia bakɔ bakɔdi inyɔ ku koƒonu kɔgyani kɔkɔdi kunwi ku baƒonu bebi maatɛ bani náakɛ lɛkwa linwi na biti bɛbla bɔkyula akpala, na uyɔ ɔmmɔ ɔnyi ƒɛƒɛɛ ɔyɔ Unwoti kaƒɔ.

Bumomo Bɔka 29:8

Biti akɔ unwi ku koƒonu kɔgyani kunwi ku baƒonu bagyani bakɔdi maatɛ bani nákɛ lɛkwa linwi na bɔsɔ bɔdi buuubo-ma lɛlɔ bɛbla akpala bite Unwoti na uyɔ ɔmmɔ ɔnyi ƒɛƒɛɛ ɔyɔ-nwu kaƒɔ.

Bumomo Bɔka 6:15

Na si ɔdubo ubabla akpala ammɔ ni, ɔlɛka uboku edula ebi ku nwuna lɛlɔ ntɛ akpala ku bodobodo kagyigyɛ ɔni kemmo na bɔnyii buuubo na bábla-nwu ku ɔlaaƒɔ ɔni nse sɛɛn na básala-nwu ku nnɔ ku bodobodo bɛbɛ ɔni na bésusu nnɔ nwuna lɛlɔ.

Mateo 3:17

Na bénu Katɔti lɛdi ka lɛ́si katɔ lɛnini, “Ɔmɛni ndi mina Ubi Ɔyɔne ɔni mɔɔƒɔ́-mi anu geen.”

Korintoƒuɔ 2 2:15

Buse bute Katɔti aani ɔnyi ƒɛƒɛɛ ɔni nási Kristo lɛlɔ. Na ɔkɛ ɔɔví bekyuli bani nkɛ ulu buni lɛlɔ bésela ngba bɔƒɔ ƒui kemmo ku ama bani nkɛ ulu ukpidi lɛlɔ bésela bɔyii ƒui kemmo lɛnɔ.

Korintoƒuɔ 2 2:16

Bekyuli bani naaadubo bɔkɛ ngba bɔƒɔ ni, ɔnyi ɔmɛni ɔɔtina ka badubɔyii ku udu. Na bekyuli bani ndubɔkɛ ngba bɔƒɔ ama ni, ɔnyi ɔmɛni ɔɔtina ka badubɔkɛ ngba ƒui. Na ɔma geen ndubɔkana na ɔbla kabla kamɛni si ɔɔɔdi kuƒi na béte-ɔ?

Eƒesoƒuɔ 5:2

Na bɛsiaku Kristo ɔbladu kama na bɛyɔ lɛlɔ aani kalɛ na ɔɔyɔ́-bu na úti lɛlɔ ɔ́kpa na bula lili aani akpala ƒɛƒɛɛ úte Katɔti. Na adi akpala ani mɔɔyɔ́ Katɔti kaƒɔ.

Lɛkpa Ulu 12:11

Na Unwoti ɔlati ɔdubudie kesii kadi use na bitaakpa-nwu. Na mmɔ na bɛdubuti bina akpala ani ƒui na úbo-mii ɔda biboku. Na akpala ammɔ ndi akpala akyuladi ku akpala bamba ku bina akɛla lɛkpa leevudi ku bina etela ku etela ani bíse kenye ka bɛdubute Unwoti.

Lɛkpa Ulu 12:17

Na ɔdi utadi lɛla lɛni na ɔdubuti ɔkpa ute Unwoti na kesii kani na ulie. Bitadi bina edula lɛkpa leevudi iye bina ntɛ bɔwɔdi iye bina nnɔ iye bina ɔmantɛ bakɔ ku baƒonu ku bese bebi bedeedi iye etela ani bíse kenye ka bɛdubuti bite Unwoti iye bina kaƒɔ ƒaa etela iye etela biala na bina kuliekɔ mmɔ.

Lɛkpa Ulu 12:6

Na mmɔ na bɛdubuti bina akpala akyuladi ku akpala bamba ku bina etela ku bina akɛla lɛkpa leevudi ku etela ani bíse kenye ka bɛdubute Unwoti ku bina kaƒɔ ƒaa etela ku bina ɔmantɛ bakɔ ku baƒonu ku bese bebi bedeedi biboku na bɛkpa bite-nwu.

Ƒilipiƒuɔ 4:18

Na bɛ́ƒɔ-mi kabla kayu ƒui. Na kayu kammɔ kétulo kalɛ na ɔ́manku muedi. Etela ani ƒui bíti bímene Epaƒrodito mɛni ni, émo-mi! Etela ammɔ ese aani akpala ƒɛƒɛɛ ani béti bákpa béte Katɔti, na áyɔ-nwu kaƒɔ, na aada-nwu kubiti.