Bumomo Bɔka 13:4 - Katɔti Ɔku Kedee

⁴ Na bekyuli bani bátala mmɔ anyi ndi amɛni. Ruben kaba kemmo ukyuli ndi Sakur ubidi Samua.

Bumomo Bɔka 13:4 Iomraidhean Croise

Ala Kalɔ Buse 35:22

Uwi ɔni na Israel ku anwu badi bakya kalɔ kammɔ kemmo ni, ubidi Ruben ku ɔti ulekudi Bilha bátɛ na ɔti úbenu lɛla lɛmɛni. Bebi leevu-inyɔ na Yakob ɔ́wɔ.

Ala Kalɔ Buse 35:23

Lea bebi bani na ɔ́wɔ úte Yakob ndi Ruben ɔni ndi Yakob ubi unengudi. Nwuna kama báwɔ Simeon ku Lewi ku Yuda ku Isakar asa na Sebulon.

Ala Alɛdi 1 2:1

Israel bebi anyi ndi Ruben ku Simeon ku Lewi ku Yuda ku Isakar ku Sebulon

Esekiel 48:1

Unwoti ɔnini, “Kalɔ kani nwi kási Israel kalɔ ɔmii ɔni ntɛ ɔƒɛ katukɔ kakɛ ɔ́yu útédu Mediterenia Ɛpu na ɔƒɛ kanukɔ ni, kɔdua biala bekyuli badubo kalɔ kammɔ bule lɛkpa lɛdi bɔkɛ. Na ɔmii ɔni ntɛ katɔ kakɛ ɔdubɔsia Hetlon ku Hamat lɛma na útáwɔlɔ na Hasar-Enan ɔni nkya Damasko ku Hamat lɛga kadikɔ kalɔ ntɛ ɔmii lɛlɔ. Na ndubɔtina-a ulu ɔni lɛlɔ na badubo kalɔ kammɔ bule bute adua ammɔ, Dan ku Aser ku Naƒtali ku Manase ku Eƒraim ku Ruben ku Yuda. Na ɔdubɔsi katɔ útédu kada.”

Bumomo Bɔka 13:3

Ɔmmɔ ɔsu Mose ɔ́di ɔda bubo bɔni na Unwoti úte-nwu mmɔ lɛlɔ, na ɔ́tala-ma uwi ɔni na bákya Paran ketele kalɔ kakwiidi kemmo mmɔ. Na bekyuli bani Mose ɔ́tala mmɔ ƒui badi Israelƒuɔ batɔnkune.

Bumomo Bɔka 13:5

Simeon kaba kemmo ukyuli ndi Hori ubidi Saƒa.

Bumomo Bɔka 14:36

Ɔmɛni ɔsu bekyuli bani na Mose ɔ́tala ka besie na bátávi kalɔ kammɔ kemmo bánu mmɔ, na bénwini bébedie kenye kekpidi básu bekyuli bammɔ ɔsu na baadɔ bana lɛlɔ kemmo kalɔ kalɔ na Unwoti lɛlɔ ni,

Bumomo Bɔka 32:7

Bi ɔsu na bɛɛyɔ́ ka bɛƒɛ Israelƒuɔ enu ka besie betéti kalɔ kani na Unwoti úti uute-ma mmɔ?

Bumomo Bɔka 34:19

Na kaba batɔnkune bammɔ anyi ndi amɛni. Yuda kaba ɔdi ndi Yeƒune ubidi Kaleb.

Budie Taatina 7:5

Nkyuli mpim leevu inyɔ bási Yuda kaba kemmo. Na mpim leevu-inyɔ bási Ruben kaba kemmo. Na mpim leevu-inyɔ bási Gad kaba kemmo.