Bumomo Bɔka 10:9 - Katɔti Ɔku Kedee

⁹ Na si bɛ́ta bɛnii biikpóku bina bekisine bani na banii babaƒɔ-mii kalɔ ni, na bɛvwi kakpɛɛ kammɔ kɔnakunwi. Na bina Unwoti Katɔti ɔdubo-mii bunyimo na ukpo ɔƒɔ-mii na bina bekisine enu kemmo.

Bumomo Bɔka 10:9 Iomraidhean Croise

Ala Kalɔ Buse 8:1

Nsu Katɔti anu asia Noa ku beƒiebuo ku ɔmantɛ bebuo bani nkya-nwu kudɔ na ɔkɔlɔ ɔmmɔ kemmo lɛlɔ. Anwuɔsu ɔ́ya na ɔƒɛƒɛɛ ɔdi úkpo ɔ́vi ntu bɔmmɔ anumi na ɔ́ya na ntu bɔmmɔ bɔ́kpɛ.

Ala Alɛdi 2 13:12

Ɔmmɔ ɔsu na Katɔti unye-bu kama na ɔdubo-bu bɔtɔnku na kekpo kamɛni kemmo na bɔdubɔta bukpo-mii uwi ɔni na bula bakpane bávwi bana ese ammɔ na béte-bu kati. Israelƒuɔ, kɔsia kɔdi kuuubo-nwu kemmo kuuute-mii, ɔsika bɛdubo lili bute, ɔsika ulu biala uuubo na bɛdubɔkana Unwoti Katɔti ɔni na bina bati kuuku bátaakpa lɛlɔ bɔdi.”

Ala Alɛdi 2 13:14

Yudaƒuɔ bekpone bánu báti ka bana bekisine báaka-ma bákya, anwuɔsu bákpali Unwoti na bévele-nwu banii ubunku-ma. Mmɔ na bakpane bammɔ bávwi bana kekpo kati bute ese,

Kɔgya 106:4

Unwoti, tayiƒala-mi uwi ɔni na adubɔbla lɛbuni ete bekyuli bani na áƒuna. Nyimo-mi uwi ɔni na adubɔƒɔ-ma.

Kɔgya 106:42

Bana bekisine bamɛni baanya-ma taakya uwi biala kemmo ɔni na beeebo lɛla lɛdi na babla.

Kɔgya 136:23

Únyimo-bu uwi ɔni bɔkya lɛbibo kemmo. Ɔsika ɔɔyɔ́-bu uwi ndi uwi.

Yesaia 18:3

Amii bayawine ƒui, ku amii bani na bilie kalɔ lɛlɔ mɛni, bɛdubo bɔnu aƒlaga ɔdi si bákɔliku-nwu katɔ na abi lɛlɔ, na binu kakpɛɛ kadi kɔku si bávwi-ka.

Yesaia 58:1

“Kɔ litemi lɛmmɔ lɛsa na tebile kenye tasɔ telie. Na asu mina kadi bekyuli Israelƒuɔ bana ekpidi ku kalɛ na báta bénye-mi lɛlɔ.

Yeremia 4:19

Naaakana lɛbibo lɛmɛni kenye bunye! Mina utu uubó momoomo geen, na muususu lɛlɔ ku kɔnyana bonwu. Muunú ka bekisine bekpone baavwi kekpo kati bute lise na naaakana kenye bubile bɔsɔ bulie kpoo.

Yeremia 4:21

Uwi ɛlɛ sɔɔn na ndubunye ntaanu bekisi aƒlaga ku bana ese ani na bada baavwi?

Yeremia 4:5

Unwoti ɔ́su ɔnini, “Bɛvwi ese na bɛkɔ lɛsa momoomo na Yuda ku Yerusalem ƒui na bɛsu-ma bɛnini, ‘Bikeli bisie lɛma linengudi lɛni na bátu bámana kemmo na bɛkɛ bɔƒɔ!’

Yeremia 49:2

Ndubo bekpone badi buti bumene-mii limeyi lɛdi na bebekpo-mii na bina ɔma unengudi ɔni ndi Raba na babwɛ-nwu ƒui kede kede. Na badubo lɛma lɛkladi lɛni na amadɔ bɔkyula bunwini ntɔ. Bɛ́ƒɔ Israelƒuɔ kalɔ kadi, nsu limeyi lɛmmɔ lɛlɔ ni, Israel ɔdubɔƒɔ awɔ kadi!

Yeremia 6:1

Unwoti ɔ́su ɔnini, “Amii Benyamin kɔdua bekyuli, bikeli bɛlɛ Yerusalem na bɛƒɔ bina ngba. Na bɛvwi lise na Tekoa ɔma kemmo na bɛsala ogya ɔni madi kati bute ogya na Bet-Hakerem. Uwi ɔsɔ uletu asa na ɔgbankpi ɔdubɔsi kalɔ kammɔ katɔ kakɛ ubeyu-mii ɔtu.

Yeremia 6:17

Na lɛnɔ ni, lɛ́tala kenye bediene lɛ́kya-mii nnii babalɛ-mii kpakplaa na ɔgbankpi ɔni ndububo-mii lɛlɔ lɛlɔ. Nsu uwi ɔni na beebó kudu ka binu-ma kenye kani na badanku ni, bítese atu.

Esekiel 7:14

Bávwi lise béte-mii bɔti ka báaklibi ekpola bése béte kekpo. Nsu bina ɔdi ɔɔɔdubo kekpo kammɔ busie ɔsika lɛ́kɛku Israelƒuɔ ƒui kɔnyi.

Hosea 5:8

“Vwi kakpɛɛ na alɛ-ma kpakplaa ete-ma bɔti na benu kekpo kɔku na Gibea kalɔ lɛlɔ ku Rama ku Betel kesii kani na likpidi bɔbla bɔ́ƒɔ mmɔ ƒui. Na bibo kudu na Benyamin kadi bekyuli bavi batɔ!

Lewiƒuɔ Ɔda Bubo 23:24

“Kɔ lɛsa na asu Israelƒuɔ anini, ‘Na limeyi lideedi na kɔbuli maatɛdi kemmo ni, biti limeyi lɛmmɔ bɛbla bina bɔnwuna limeyi na bɛsa bɔsa kedee na mina lɛnyi lɛlɔ si uwi ɔni na bínu ka kɔkpɛɛ kɔɔku.

Amos 3:6

Lɛlɔ lɛɛtɔ́ ukyuli biala na ɔma kemmo si bávwi kekpo lise. Na ɔgbankpi ulalɛ na ɔma ɔdi kemmo si Unwoti útatuna.

Seƒania 1:16

Na badubo kekpo kɔkpɛɛ butaavwi na beteedie kekpo lɛnu taaka taamana lɛma lɛni na bátu awodu bámana ku kɔgyumanakɔ kpakplaa bényene.

Bumomo Bɔka 31:6

Mose ɔ́tala-ma na bésie bétékpo, na ɔkpane Eleasar ubidi Pinehas nákpanku-ma. Na anwu néti Unwoti Kevo kemmo ala kedee ku kɔkpɛɛ kɔni baavwi teete kati kadi ɔ́da.

Korintoƒuɔ 1 14:8

Na si ukyuli ɔni mɔɔvwi kakpɛɛ ulávwi-ka taalɔ ala ammɔ kaduɛ ni, dɛ na wabla asa na bekyuli baklibi lɛlɔ bete kekpo?

Lɛkpa Ulu 20:1

Si bísela bitékpoku bina bekisine badi na bɛ́nu ka bekyuli bammɔ belie bapɔnkɔ ku kɛɛkɛ ɔni na bapɔnkɔ baaní lɛlɔ ni, na bɛ́nu bekyuli bumomo bɔni ntulo amii ni, bitanu-ma bitayia. Ɔsika bina Unwoti Katɔti ɔni náda-mii údie Egyipte kalɔ lɛlɔ ni, anwu ndubukpo ute-mii.

Yosua 6:5

Na si béti kɔkpɛɛ kɔmmɔ na bédie kɔku momoomo kɔdi ni, na bekyuli bammɔ ƒui bebo kudu. Na ɔma ɔmmɔ awodu ƒui adubo bɔƒɛ buwi kalɔ. Na bekpone bammɔ ƒui beduo ɔma ɔmmɔ kemmo.”

Litemi Batɛne 10:12

ku Sidonƒuɔ ku Amalekƒuɔ ku Maonƒuɔ bánya-mii bakya na baabla-mii kalala ni, bíwulo bɛ́kpali-mi na lɛ́ƒɔ-mi lɛ́lɛku bana enu kemmo.

Litemi Batɛne 10:8

Na akwa leevu-maane sɔɔn bekyuli bamɛni bakya baanya Israelƒuɔ bani nlie bésie Yordan ɔƒɛ katukɔ na Gilead, na Amoriƒuɔ kalɔ lɛlɔ taakya, na baabla-ma kalala.

Litemi Batɛne 2:18

Uwi biala na Unwoti ɔ́ya na litemi ɔtɛne ɔdi ɔ́kɔ ɔ́lɛ Israelƒuɔ akɔ ni, uunye litemi ɔtɛne ɔmmɔ kama nwuna ngba kemmo ƒui, na uukpó taaƒɔ-ma taalɛku bana bekisine enu kemmo. Na Unwoti ɔɔnu-ma kɔnyana si beedumo na ɔgbankpi ɔni kemmo na bana bekisine béti-ma bákya ɔsu.

Litemi Batɛne 3:27

Ɔni na údu Eƒraim abi kalɔ lɛma lɛmmɔ kemmo ni, ɔ́vwi nwuna kakpɛɛ, na Israelƒuɔ bammɔ bálɛ bábasiaku-nwu. Na ɔ́tɔnku-ma na báyu bási abi ammɔ lɛlɔ.

Litemi Batɛne 6:34

Amu na Unwoti Kɔyu kɔ́ƒɔ Gideon lɛlɔ kemmo na úti kakpɛɛ na ɔ́vwi momoomo ɔ́kpali Abi-Eserƒuɔ ka batu akpagya bábasiaku-nwu.

Litemi Batɛne 6:9

Ami náƒɔ-mi lɛ́lɛku Egyipteƒuɔ enu kemmo ku bekyuli bani nékpoku-mii na kalɔ kani bilie lɛlɔ mɛni enu kemmo. Na uwi ɔni bísie bísela anumi ni, na mɔɔbɔku-ma na liti bana kɔlɔ lite-mii.

Samuel 1 10:18

Ɔ́su-ma ka Unwoti Israel Katɔti ɔnini, “Lídie Israelƒuɔ ƒui lɛ́lɛku Egyipte kalɔ lɛlɔ ku bana ɔyikun kalɔ ku lɛgakɔdikɔ bamba bani baga mɔɔnya-mii taakya enu kemmo.