Nehemia 9:1 - Katɔti Ɔku Kedee

¹ Na limeyi aavlanyɔ-ine na kɔbuli kɔmmɔ lɛlɔ kani kemmo ni, Israelƒuɔ básala lisu na bényimi kenye, na béti adikpi adi bényimi lɛlɔ, na béti ntɔ báwɛɛ bana eli.

Nehemia 9:1 Iomraidhean Croise

Samuel 2 1:2

Na limeyi lɛtɛdi lɛlɔ ni, ɔnana ɔdi ɔ́si kesii kani na Saul ɔ́da keliekɔ na belie úbo Dawid kudɔ, na nwuna adala ábwɛ na ɔtumu uwi-nwu lili. Na úboku lɛlɔ kalɔ na ɔ́kya lili kalɔ úte Dawid.

Ala Alɛdi 2 20:3

Amu na Yehosaƒat ɔ́kpali Unwoti na úvele-nwu ɔnii ɔtina-nwu lɛla lɛni na ɔlɛka ɔbla, ɔsika ɔ́yia geen.

Ala Alɛdi 2 7:10

Ɔmmɔ kama kɔbuli maatɛdi limeyi aavlanyɔ-lɛtɛdi lɛlɔ ni, Salomo údie ɔdi biala ulu na ɔ́sɔ únwini úsie nwuna ɔma. Na lɛlɔ lɛ́yɔ-ma geen uwi na bakɛ ulu bésela na ala abuni ani na Unwoti ɔ́bla úte Dawid ku Salomo ku nwuna kadi bekyuli Israelƒuɔ ƒui ɔsu.

Esra 8:21

Amu uwi ɔni na búdu Ahawa Ketu kudɔ ni, mmɔ na líbo ɔda na ɔ́ya na búnyimi kenye kalɛ na buboku lɛlɔ kalɔ na Katɔti anumi na buvele-nwu ka ɔgyumana abu ku bula bebi ku bula ala ani ƒui na bɔdanku kalɛ na bula ulu busie bɔbla buɛɛ.

Esra 8:23

Anwuɔsu búnyimi kenye na búti etemila ammɔ bɔ́va Katɔti anumi na únu bula bɔkpali.

Ester 4:16

“Sala Yudaƒuɔ bani ƒui nkya Susa ɔma kemmo lisu, na binyimi kenye emeyi atɛ usien ku ɔƒɛ na ami ɔsu, na ɔdi utadi lɛla lɛdi. Ami ku mina beleku kabla bablane bani mɔɔnu-mi lɛlɔ lɛnɔ bɔdubɔbla lɛni kani. Na si bɔ́wɔlɔ ɔmɛni ni, ndubusie ɔga kudɔ ina ka kuƒi kuuubo lɛni. Na si kukpi na ɔdi ka likpi lɛnɔ ni, na likpi ƒaa.”

Ester 4:3

Na kalɛkɛ biala lɛlɔ na báka ɔku ɔmmɔ ni, Yudaƒuɔ bani nkya mmɔ keku kani na beewulo na baaƒɛ́ enu, na badi béti adikpi bényimi na báyu béwi ntɔ akɔ.

Hiob 2:12

Ka bakɛ ɔgyu bésela na bánu-nwu bémene ni, béteyile-nwu bɔnu bɔti banii anwu na ɔdi mmɔ. Na litemi lɛmmɔ lɛ́bla-ma kɔnyana, anwuɔsu báni bana lɛwu bábwɛ na báma ɔtumu béwi eli na beewulo momoomo na anwu ɔsu.

Yesaia 22:12

Uwi ɔmmɔ ni, Unwoti Katɔti Ɔyikune Ƒui ɔ́lɔ-mii ɔnii biwulo keku ku kɔnyana geen, na bikpeyi bina eli na biti adikpi binyimi,

Yoel 2:12

Unwoti ɔnini, “Útakpɛ tɔ kama útavili. Bɛkana na binwini bibo-mi kudɔ ku bina kayi ƒui. Bise keku kalɔ ku buwulo ku kɔnyana! Na binyimi kenye.

Lewiƒuɔ Ɔda Bubo 23:34

“Kɔ lɛsa na asu Israelƒuɔ anini, ‘Na kɔbuli maatɛdi limeyi leevu-lɛlɔndi lɛlɔ ni, Kevo Kemmo Bulie Emeyi bɔdi buusé kalɔ, na ɔdi emeyi maatɛ limeyi bɔdi.

Lewiƒuɔ Ɔda Bubo 23:39

“ ‘Anwuɔsu ɔsi limeyi leevu-lɛlɔndi na kɔbuli maatɛdi lɛlɔ uwi ɔni bɛ́ƒɛ bina edula bɛ́wɔlɔ ni, na bɛdi limeyi lɛmmɔ emeyi maatɛ bite Unwoti. Na biti limeyi lideedi ku limeyi maanedi bɛbla lɛnwuna emeyi.

Yosua 7:6

Amu na lɛla lɛni nálɛ mɛni ɔsu ni, ɔ́bla Yosua ku Israelƒuɔ benengu kalɛ kadi. Na báni bana lɛwu bábuɛ na báyu bébi kalɔ na Unwoti Bunyimi Adaka anumi. Na bébi kalɔ mmɔ úti útédu useyi uwi. Na béti ɔtumu bewi lili úti ɔɔtina kalɛ baadu kɔnyana.

Budie Taatina 11:3

Ndubute mina kenye bediene inyɔ ɔyikun na bedie-mi kenye na emeyi apim unwi ku emeyi eti alɔ ku leevu kemmo. Badubunyimi adala ani mɔɔtina ka beewulo kɔnyana na bekyuli alaekpidi ɔsu.”

Litemi Batɛne 20:26

Mmɔ na Israelƒuɔ ƒui bésie Betel na bátáyu bélie Unwoti anumi na beewulo. Na limeyi lɛmmɔ bátadi lɛla biala útédu useyi uwi. Na bábla bɔkyula ku unwi bɔbla akpala béte Unwoti.

Samuel 1 4:12

Limeyi lɛni kani lɛlɔ na Eli bebi békpi mmɔ ni, ɔnana ɔdi ɔ́si Benyamin kɔdua kemmo úkeli ɔ́si kekpokɔ mmɔ úsie Silo. Nwuna adala áduli ƒui na ɔtumu uwi-nwu kuli.

Samuel 1 7:6

Amu uwi ɔni na Israelƒuɔ bammɔ básala lɛlɔ na Mispa ni, Samuel únye aani Israelƒuɔ ɔtɔnkune kalɛ na Mispa, na bédu ntu na libiɔ kemmo na beebó-mu teewi kalɔ teete Unwoti aani lɛlɔ buti teete-nwu akpala. Na bélie kɔka limeyi lɛmmɔ lɛlɔ, na bédie bana alaekpidi kalɔ básu Unwoti banini, “O Unwoti, bɔ́bla likpidi bɔ́ƒiɔ-ɔ.”