Nehemia 8:9 - Katɔti Ɔku Kedee

⁹ Ka bekyuli bammɔ bénu ala ani na ɔda bubo bɔmmɔ bɔwia bɔsiku-ma kudɔ ni, ɔ́bla-ma kalɛ kadi na bése kalɔ beewulo. Ɔmmɔ ɔsu Israelƒuɔ ɔtɔnkune Nehemia ku Ɔkpane Esra ɔni ndi Ɔku Unwenine ku Lewiƒuɔ bani nkya muudie ɔda bubo etemila ani báka mmɔ kalɔ básu-ma banini, “Ɔmwi limeyi lɛmɛni lɛdi limeyi kedee lite Unwoti, bina Katɔti. Ɔmmɔ ɔsu bitewulo na bitadu kɔnyana.”

Nehemia 8:9 Iomraidhean Croise

Baga 2 22:11

Uwi ɔni na Ɔga Yosia únu etemila ammɔ ni, ɔ́ta na ɔ́ni nwuna adala ɔ́bwɛ.

Baga 2 22:19

Na ávumana kayi na éboku lɛlɔ kalɔ éte-mi. Na áni ƒula adala ábwɛ na akya eewulo uwi ɔni na énu ásiku ɔku ɔmmɔ kemmo ka ndubo Yerusalem ku bekyuli bammɔ ƒui kɔtu bɔni na lɛbla-ma aani ewida lɛla. Anwuɔsu línu ƒula katɔ bɔkpali.

Ala Alɛdi 2 15:3

“Ɔsika uwi gyɔlɔɔ ɔdi mɛni ni, Israelƒuɔ béni na basɔ balakpa Katɔti geen ɔmmɔ na iye benu bakpane bani na nka badubɔkana na batina-ma ala basiku Katɔti ɔmmɔ lɛlɔ. Na béni na baladi Unwoti ɔda bubo lɛlɔ.

Ala Alɛdi 2 30:22

Hesekia ɔ́gya Lewiƒuɔ bammɔ enu na kabla kabuni kani na bábla ɔsu ku kalɛ na bátɔnku lɛkpa na emeyi ammɔ bɔdi kemmo. Bekyuli bani nébo mmɔ bábakpa lɛnɔ bádi limeyi lɛmmɔ emeyi maatɛ sɔɔn na béteeboku etela ani na béti bákpa na baadi adila kedee na baagyá bana bati kuuku Unwoti Katɔti enu.

Ala Alɛdi 2 34:19

Na ka Yosia únu ala ani na akya Katɔti Ɔda Bubo Ɔku ɔmmɔ kemmo ni, ɔ́ni nwuna awu ɔni na ɔkya ɔ́bwɛ ku kɔnyana.

Ala Alɛdi 2 34:21

“Mɔɔnu ka Katɔti úti kɔnyi ɔ́kya-mi ku ukyuli biala na ɔkya Israel ku Yuda kalɔ kammɔ ƒui lɛlɔ, ɔsika bula bati kuuku bátadi ɔda bubo bɔni nkya ɔku ɔmɛni kemmo lɛlɔ. Anwuɔsu bisie na bitáwia lɛla lɛni ka Katɔti ɔɔwia ka bɔbla.”

Ala Alɛdi 2 35:3

Na Lewiƒuɔ bani mɔɔbla Unwoti kabla na baatina bekyuli Unwoti ɔda bubo bɔmmɔ etemila ni, ɔ́lɔ-ma ɔ́sala na ɔ́su-ma ɔnini, “Bɛsɔ bɛɛɛdubo Katɔti Bunyimi Adaka ɔmmɔ buteeti taavinku ekpo ƒui ɔƒɛni amu. Mmomu ɔdubuse Katɔti kakpakɔ kani na Ɔga Salomo ɔni ndi Dawid ubidi ɔ́tu mɛni kemmo kesii kani na amii ku nwuna kadi bekyuli Israelƒuɔ bɛdubo nwuna kabla butaabla.

Esra 2:63

Na kalɔ lɛlɔ ɔnune úbo-ma ɔda ka ɔdi biala utadi adila ani nse kedee ntulo útédu ka bákɛ ɔkpane ɔni mɔɔbla kabla na ɔɔda ala ani baalɔ Urim ku Tumim.

Esra 7:11

Na ɔku ɔni na Ɔga Artasasta únweni úte Esra ɔni ndi ala ɔtinane ku ɔkpane ku okloƒu ɔni ngyi Unwoti ɔda bubo ku ala ani ƒui na únyimi úte Israelƒuɔ kemmo kaduɛ na búdie mɛni.

Nehemia 10:1

Na bekyuli bani nákya bunyimi bɔmmɔ kɔnu kalɔ ndi bamɛni. Kalɔ lɛlɔ ɔnune Nehemia ku Hakalia ubidi Sedekia

Nehemia 12:26

Na bamɛni nábla kabla béte Yosadak ku ubidi Yesua ku ubidi Yoiakim. Na bábla kabla na uwi ɔni na Nehemia ɔdi kalɔ kammɔ lɛlɔ ɔnune, na Ɔkpane Esra ɔdi ɔku unwenine.

Nehemia 7:65

Na ɔkɛnku ɔmmɔ ɔsu, Israelƒuɔ ɔtɔnkune úbo-ma ɔda ka batadi adila ani nse kedee ntulo utédu ka bakɛ ɔkpane ɔni mɔɔbla kabla na ɔɔda ala ani baalɔ Urim ku Tumim ɔni kalɔ ndi ɔnii Bukeye ku Litemi Geen.

Nehemia 7:70

Na kɔduli benengu bammɔ badi béyi ala adi bébunku kabla kammɔ. Na aban ɔmmɔ úte bana egulabi ani ndi sika ugyiedi atabi 1,000 ku sika ɔƒualadi akyami 50 ku bakpane lɛwu 530.

Etemila 3:4

Uwi ɔni na beewulo ɔkya, na uwi ɔni na baamá lɛnɔ ɔkya. Na uwi ɔni na beewulo kɔnyana ɔkya, na uwi ɔni na baatɔ́ lɛnɔ ɔkya.

Yesaia 61:3

Na lɛƒɔ lite bani nkya Yerusalem, na lɛya na bana anumi eteekeye ku lɛlɔyɔ ku lɛma na bana kɔnyana buwulo kenye. Na beteedie bumwi lɛnu, na kɔnyana lɛnu kenye. Na babla aani egyii ani na Unwoti ɔlati ɔ́lɛ, na aalɛ́ lili siin, na batina kalɛ na Unwoti uukeye.

Hosea 4:6

Amii bani na bɛdi bakpane bíni-mi, na mina bekyuli baayii udu ka béni mina ɔda bubo ɔsu. “Na ɔƒaani ni, ami lɛnɔ ndubo-mii buni na lɛyiƒala bina bebi ɔsika amii bɛ́yiƒala mina ɔda bubo.

Lewiƒuɔ Ɔda Bubo 23:24

“Kɔ lɛsa na asu Israelƒuɔ anini, ‘Na limeyi lideedi na kɔbuli maatɛdi kemmo ni, biti limeyi lɛmmɔ bɛbla bina bɔnwuna limeyi na bɛsa bɔsa kedee na mina lɛnyi lɛlɔ si uwi ɔni na bínu ka kɔkpɛɛ kɔɔku.

Malakai 2:13

Na lɛla bamba lɛni na bɛsɔ bɛɛbla ndi keku kani na biiwulo teewi nwuna lɛkpabi ka Unwoti úni ɔnii uláƒɔ bina akpala ka átaƒɔ-nwu anu ɔsu.

Romaƒuɔ 3:20

Anwuɔsu ni, ɔɔɔdi ɔda bubo bɔmmɔ kama bɔsiaku mɔɔyá na ukyuli ɔbla siin na Katɔti anumi. Mmomu ni, ɔda bubo bɔmɛni bɔɔyá na bekyuli baatí ka baabla likpidi.

Romaƒuɔ 7:9

Ami ɔlati líilie ngba bɔmɛni udu dii, ɔni na lɛɛɛgyi ɔda bubo bɔmmɔ. Nsu uwi ɔni na líbo ḿbanu ɔda bubo bɔmmɔ lɛ́ti ka buléte-mi kuƒi ka lɛbla ala pii ni, likpidi bɔbla lɛnɔ bɔ́ta búnye-mi anumi na lɛ́nu lɛ́ti ka ndubo bukpi.

Lɛkpa Ulu 12:12

Na amii ku bina bebi ku bina kabla bablane banana ku beleku ku Lewiƒuɔ bɛdi limeyi na mmɔ na lɛlɔ litaayɔ-mii na Katɔti anumi. Na binyimo ka Lewiƒuɔ bammɔ beeebo kadikɔ kadi na mmɔ.

Lɛkpa Ulu 12:7

Na bina Unwoti Katɔti ɔni néte amii ku bina bebi kusɛ kusɛ ɔsu na bɛ́kɛ ala ani na bíti bina enu bɛ́bla mɛni ni, bitaadi ala ammɔ na nwuna anumi mmɔ ku kubiti ku lɛlɔyɔ.

Lɛkpa Ulu 16:11

Na si bísela ni, biti bina bebi ku bina kabla bablane banana ku beleku ku baƒɔ bani nkya-mii akɔ ku Lewiƒuɔ ku bekpinebi ku bekpinele bani nkya bina lɛma kemmo ƒui bɛda. Na biti kubiti bɛdi limeyi lɛmmɔ na Katɔti anumi.

Lɛkpa Ulu 26:14

Na asɔ asu anini, “Ńtadi ala ammɔ adi uwi ɔni mɔɔbla kekwa iye lídie ɔdi uwi ɔni na liiise sɛɛn iye líti ɔdi líte ukpine ɔdi. Mmomu lɛ́di mina Unwoti Katɔti litemi lɛlɔ. Na lɛ́bla lɛ́siaku ala ani ƒui na ásu-mi anii mbla na ala lɛkpa leevudi lɛlɔ.

Yakobo 4:9

Na biteewulo kɔnyana. Amii bani mɔɔmá ni, bina lɛma linwini keku. Na bina lɛlɔyɔ linwini kɔnyana buwulo.