Nehemia 8:6 - Katɔti Ɔku Kedee

⁶ Amu na Esra ɔ́su ɔnini, “Bɛya na bumwi Unwoti Katɔti ɔni nébomo!” Amu na bekyuli bammɔ ƒui bátalaku bana enu katɔ na básu banini, “Ɔsia lɛni! Ɔsia lɛni!” Na bálɛ akɔnkɔ na béti anumi bébi kalɔ.

Nehemia 8:6 Iomraidhean Croise

Ala Kalɔ Buse 14:22

Nsu Abram údie kenye na ɔ́su Sodom ɔga ɔnini, “Katɔti ɔni Ntulo Ƒui na anwu nédie katɔ ku kalɔ ni, anwu na lɛkɔliku mina enu lite. Na lɛ́kpali ala lɛ́lɔ-nwu lɛnyi lɛ́su nnini,

Ala Kalɔ Buse 24:26

Mmɔ ni, ɔnana ɔmmɔ úboku lili kalɔ na úmwi Katɔti.

Ala Alɛdi 1 16:36

Bimwi Unwoti ɔni ndi Israelƒuɔ Katɔti lɛnyi ɔsi ɔƒɛni úsela uwi ƒui. Mmɔ na ukyuli biala ɔ́su ɔnini, “Ɔsia lɛni,” ku “Bimwi Unwoti.”

Ala Alɛdi 1 29:10

Amu na Dawid údie ɔnu na úmwi Unwoti na bekyuli bammɔ ƒui anumi na ɔ́su ɔnini, “Mina Unwoti, muumwi-ɔ uwi ƒui! Ɔsika awɔ ndi Katɔti ɔni na nana ati Yakob ɔ́kpa.

Ala Alɛdi 1 29:20

Ɔmmɔ kama ni, Dawid ɔ́su bekyuli bammɔ ɔnini, “Ɔƒaani bina uwi údu ka bimwi Unwoti Katɔti ɔni na bula bati kuuku bákpa!” Anwuɔsu ukyuli biala úse kalɔ na bana ƒui beemwi Unwoti na béboku lɛlɔ kalɔ béte Unwoti ku ɔga ɔmmɔ.

Ala Alɛdi 2 20:18

Amu na Yehosaƒat úboku lɛlɔ kalɔ buɛɛ na ɔ́kya lili kalɔ úte Unwoti na bakladi ƒui lɛnɔ bábla lɛni kani.

Ala Alɛdi 2 29:10

Anwuɔsu lɛ́lɛ ugyii geen ka bɔsɔku abu ku Israel Unwoti Katɔti ntɛ bunyimi bɔbla ɔwɔdi. Ɔƒɛni kalɛ si bɔ́bla ɔmɛni ni, nwuna kɔnyi na bula lɛlɔ kɔdubɔyɔ-nwu.

Ala Alɛdi 2 29:30

Na Hesekia ku nwuna bakutine benengu bammɔ bébo Lewiƒuɔ bammɔ ɔda banii beteedie bumwi lɛnu lɛni na Ɔga Dawid ku Kenye Udiene Asaƒ bénweni bése mmɔ. Anwuɔsu béboku eli kalɔ na bédie bumwi lɛnɔ béte Unwoti ku lɛlɔyɔ.

Ala Alɛdi 2 6:4

Na ɔ́su-ma ɔnini, “Bemwi Unwoti Israel Katɔti! Kuuku ƒui ni, anwu nákpanku nwuna bekyuli ɔ́lɛku Egyipte kalɔ lɛlɔ. Na nwuna kama ni, ɔ́di nwuna linyese lɛlɔ ka wabla mina ɔti Dawid Israelƒuɔ ɔga. Na úse-nwu kenye lɛnɔ ka Yerusalem ndubɔbla nwuna ɔma unengudi kesii kani na badubɔtu nwuna kakpakɔ benyene. Na ɔƒaani ni, linyese lɛmmɔ líbo líte lɛni sɔsɔ.

Nehemia 5:13

Amu na lídie kɔdi kɔni nda-mi kavobi na lɛ́kuna-ku na lɛ́su nnini, “Lɛni na Katɔti ɔdubo bɔkuna bina akɔ ɔdi biala ɔni naaadi nwuna linyese lɛlɔ.” Na lɛ́sɔ lɛ́su nnini, “Katɔti ɔdubɔƒɔ bina kɔduli ku bina lɛla biala lise-mii ku lɛla lɛni nébu-mii.” Na ukyuli biala ɔni nése mmɔ ɔ́su ɔnii, “Ɔsia lɛni!” Na bana ƒui bémwi Unwoti. Na bekyuli bammɔ bábla aani kalɛ na básu.

Nehemia 8:7

Amu na bekyuli bammɔ báta bénye. Na Yesua ku Bani ku Serebia ku Yamin ku Akub ku Sabetai ku Hodia ku Maaseia ku Kelita ku Asaria ku Yosabad ku Hanan ku Pelaia bani ndi Lewiƒuɔ báya na bekyuli bammɔ ƒui benu etemila ammɔ kalɔ. Na ɔdi biala unye nwuna kenyekɔ.

Kɔgya 134:2

bɛkɔliku bina enu katɔ na nwuna kakpakɔ na bimwi Unwoti Katɔti.

Kɔgya 141:2

Ya na mina katɔ bɔkpali bunwini aani oloƒui ƒɛƒɛɛ ɔni baakyula na ƒula anumi. Na si lɛ́kɔliku mina enu katɔ ni, na ɔbla aani useyi uwi akpala ani na baabla teete-ɔ.

Kɔgya 28:2

Unwoti, mɔɔva taakpali-ɔ. Lɛ́kɔliku mina enu katɔ mɔɔtina ƒula kakpakɔ kedee kesii kani na elie, na muuvele-ɔ nnii bunku-mi.

Kɔgya 41:13

Bɛya na bumwi Unwoti ɔni ndi Israel Katɔti. Bɛya na bumwi-nwu ɔ́si ɔƒɛni úsela ƒui. Ɔsia lɛni na ɔsɔ ɔsia lɛni.

Kɔgya 63:4

Na ndubo-ɔ enu butaagya uwi biala na nli ngba. Na ndubɔtala enu katɔ na lɛkpali-ɔ.

Kɔgya 95:3

Ɔsika Unwoti ɔdi Katɔti ɔni na úbomo, na ɔdi ɔga unengudi ɔni na utulo baƒiɔ ƒui.

Israelƒuɔ Bɔlɛ 12:27

na bɛsu-ma bɛnini, ‘Unwoti Kukpi Lili Bɔvia Lɛkpa na bɔdi, ɔsika limeyi lɛmmɔ Unwoti ɔ́via Israelƒuɔ kɔduli na Egyipte kalɔ lɛlɔ na ɔ́du Egyipteƒuɔ, nsu útadu Israelni ɔdi ina unwi muedi.’ ” Amu ka Mose ɔ́su-ma ala amɛni ɔ́wɔlɔ ni, Israelƒuɔ benengu bammɔ bálɛ akɔnkɔ na bémwi Unwoti.

Israelƒuɔ Bɔlɛ 4:31

Na ka bánu akɔla ala budie taatina ammɔ ni, báƒɔ bádi. Na ka bénu ka Unwoti úbo-ma lɛlɔ kasusu na ɔ́nu kalɛ na bakya beebó abi ni, bana ƒui béboku lɛlɔ kalɔ béte-nwu na bémwi-nwu.

Yeremia 28:6

“Hanania, nka ɔdi-mi lɛnunsia ka Unwoti ɔbla lɛla lɛni na ásu mɛni lɛni kani. Na ɔya na basɔku lɛla biala na béti kakpakɔ mɛni bátɔlɔku beboku na bekyuli bani na béƒie lɛnɔ benwini bebo ɔma.

Kɔnyana Buwulo 3:41

Na si bɔ́kɔliku enu katɔ bɔɔkpali Katɔti ni, ɔlɛka buti bula kayi lɛnɔ bute-nwu na bɔsu bɔnini,

Lewiƒuɔ Ɔda Bubo 9:24

Na ogya ɔ́bwɛ ɔ́lɛ ɔ́si Unwoti Adi Kevo kemmo mmɔ úbakyula lɛla biala údie na lɛkpabi lɛmmɔ lɛlɔ kede kede. Na ka bekyuli bammɔ ƒui bánu ɔmɛni ni, báva momoomo ku lɛlɔyɔ na béti anumi bébi kalɔ.

Mateo 26:39

Amu ka úsie lɛtɔtɔ blii ni, ɔ́yu úbi kalɔ na ɔ́kpali katɔ ɔnini, “Mina Ɔti, si wadia ni, na aƒɔ lɛbibo ɔɔƒɛɛ ɔmɛni na mina kudɔ. Nsu ni, tabla mina lɛyɔla, mmomu bla ƒula lɛdi.”

Mateo 6:13

Taya na buduo bukpoku taanu kemmo, na edie-bu alɛku alaekpidi akɔ. Ɔsika lɛga bɔdi ku ɔyikun ku bukeye bɔdi awɔ ɔdi uwi ƒui. Ɔsia lɛni.’

Korintoƒuɔ 1 14:16

Na si enye aagyá Katɔti enu na ƒula kɔyu kemmo kani ni, dɛ na wabla asa na ukyuli ɔni nkya-a kudɔ unu lɛla lɛni na aasu asa na wasu ɔnii ƒula katɔ bɔkpali bɔsia lɛni aani kalɛ na aagyá Katɔti enu ka ulenu lɛla lɛni geen na aasu mmɔ kalɔ?

Eƒesoƒuɔ 1:3

Bɔɔgyá Katɔti ɔni ndi Blɔti Yesu Kristo Ɔti enu. Anwu muute-bu kɔyu kemmo kusɛ kusɛ ƒui ɔ́siku katɔ mmɔ ɔkɛnku Kristo lɛlɔ.

Timoteo 1 2:8

Na baƒɔtaadine kasalakɔ biala ni, mɔɔwia ka banana bataakpali katɔ ku kayi kedee kalɛ na si Katɔti ɔɔnu bina enu katɔ ni, na ɔti ka bɛ́da lɛlɔ bídie likpidi kemmo. Na kɔnyi iye unyeƒi ɔdi uuubo-mii akɔ.

Petro 1 1:3

Bɛya na bɔgya Katɔti ɔni ndi Blɔti Yesu Kristo Ɔti enu. Ka Katɔti ɔɔnu-bu kɔnyana geen ɔsu ni, ɔ́ya na bɔdubulie ngba bɔwɔdi na kɔyu kemmo, ɔsika ɔ́gyila Yesu Kristo ɔ́lɛku kekpine. Anwuɔsu na bubo lɛnunsia lɛni naaayii udu kudii.

Budie Taatina 7:11

Batu ƒui benye báka bámana lɛgaboku ku benengu ku ngba batu ine bani nnye mmɔ.