Nehemia 8:12 - Katɔti Ɔku Kedee

¹² Anwuɔsu bekyuli bammɔ ƒui bátɔlɔ bésie kɔduli bátánwa, na bádi na báni na béte bakpanadi lɛnɔ. Ɔsika ɔda bubo etemila ani báka bátina-ma mmɔ ni, bénu-nya kalɔ.

Nehemia 8:12 Iomraidhean Croise

Ala Alɛdi 1 29:22

Bekyuli bammɔ bákɛ ebiti geen na bádi na báni na Unwoti lɛkpabi kudɔ mmɔ. Amu na limeyi lɛmmɔ kani lɛlɔ ni, bése Salomo lɛga na bébi-nwu kagabwa. Bádi limeyi ku lɛlɔyɔ na béti nnɔmii béwi Salomo lili béti bátina ka anwu ndubɔdi lɛga na ɔti kenye. Na Sadok lɛnɔ béwi-nwu nnɔmii lili bátina ka anwu ndi bana ɔkpane.

Nehemia 8:10

Na Nehemia ɔ́sɔ ɔ́su ɔnini, “Ɔlɛka biteesie kaduli, na bitánwa adila kaduɛ na bite ɔkpanadi ɔni neeebo ɔdi. Ɔsika ɔmwi limeyi lɛmɛni lɛdi limeyi kedee lite Unwoti. Bitadu kɔnyana, ɔsika Unwoti lɛlɔyɔ lɛdubute-mii lɛlɔkplu!”

Nehemia 8:11

Na Lewiƒuɔ bammɔ bákɛ bekyuli bammɔ lɛlɔ baasia-ma kɔnu ka betewulo limeyi kedee lɛmɛni udu lɛlɔ.

Nehemia 8:13

Na limeyi lɛni nsia ni, kɔduɔti biala ku bakpane ku Lewiƒuɔ bésie Esra kudɔ ka bátátɛya ɔda bubo etemila ammɔ.

Ester 9:22

ku limeyi lɛni na Yudaƒuɔ békpo bana bekisine, na bákɛ bɔnwuna básiku-ma enu kemmo. Úte-ma bɔti ka badi limeyi lɛmmɔ ku ebiti na bete bana banwani etela ku adila, na batayiƒala bawabane.

Hiob 23:12

Na ńtalɛ nwuna ɔda bubo bɔdi lɛnɔ kama. Mmomu bɔ́ƒɔ-mi kuye geen, na nsiaku-mu kama lɛnɔ siin.

Kɔgya 119:111

Ƒula ɔda bubo bɔɔyɔ́-mi kaƒɔ na bɔdi mina kese uwi ƒui.

Kɔgya 119:127

Ami mɔɔyɔ́ ƒula ɔda bubo teetulo sika ugyiedi.

Kɔgya 119:130

Ala ani kalɔ na ƒula etemila eedie adi bukeye, na ɔɔyá na bekyuli bani naaagyi lɛla lɛdi baadá anu.

Kɔgya 119:14

Na ndubɔsia ƒula ɔda bubo kama ku ebiti litulo kalɛ na ukyuli ɔɔsiaku lɛkɛ bonwu kama ku ebiti.

Kɔgya 119:16

Lɛlɔ lɛdubo-mi butaayɔ na ɔda bubo bɔmɛni lɛlɔ. Na lɛɛɛdubo ƒula etemila amɛni bɔyiƒala kudii.

Kɔgya 119:171

Ndubo mina kenye bubimi na limwi-ɔ, ka awɔ nátina-mi ƒula ɔda bubo ɔsu.

Kɔgya 119:174

Unwoti, nnye ngya-a ka abáƒɔ-mi. Ɔsika ƒula ɔda bubo mɔɔyɔ́-mi kaƒɔ.

Kɔgya 119:72

Na ƒula ɔda bubo bubo-mi kɔsia utulo lɛla biala ku sika ugyiedi ku ɔƒualadi ƒui.

Kɔgya 119:97

Nu kalɛ sɔɔn na mɔɔyɔ́ ƒula litemi. Na mɔɔbla kasusu taasiku-ni lɛlɔ uwi biala.

Yeremia 15:16

Uwi ɔni na átɛmiku-mi ni, ebiti áda-mi geen ka lɛbla lɛsiaku lɛni kani, ɔsika awɔ Unwoti Ɔyikune Ƒui ɔdi na ndi.

Luka 24:32

Amu na básu lɛlɔ banii, “Uwi ɔni na ɔkya ɔɔtɛmiku-bu na uudie Bunweni Kedee Ɔku etemila kalɔ teete-bu na ulu lɛlɔ ni, ebiti adi udu áda-bu kayi kemmo.”

Romaƒuɔ 7:18

Na ngyi ka na mina lɛlɔ kemmo ni, lɛla lɛbuni lɛdi biala liiibo. Na mɔɔsu ɔmɛni taasiku mina ɔlɔna udu ɔkukudi ɔmmɔ lɛlɔ. Ɔsika mɔɔyɔ́ geen ka nka lɛbla lɛbuni, nsu naaakana-ni bɔbla.

Budie Taatina 11:10

Na bekyuli bani nlie kalɔ lɛlɔ badubo kubiti bɔkɛ na nkyuli inyɔ bammɔ kukpi ɔsu. Badubo limeyi bɔdi na bete lɛlɔ ala, ɔsika kenye bediene inyɔ bammɔ béti lɛbibo pii béboku kayawi bekyuli lɛlɔ.