Nehemia 8:10 - Katɔti Ɔku Kedee

¹⁰ Na Nehemia ɔ́sɔ ɔ́su ɔnini, “Ɔlɛka biteesie kaduli, na bitánwa adila kaduɛ na bite ɔkpanadi ɔni neeebo ɔdi. Ɔsika ɔmwi limeyi lɛmɛni lɛdi limeyi kedee lite Unwoti. Bitadu kɔnyana, ɔsika Unwoti lɛlɔyɔ lɛdubute-mii lɛlɔkplu!”

Nehemia 8:10 Iomraidhean Croise

Baga 1 8:66

Na ka bádi limeyi lɛmmɔ báwɔlɔ kadi kegye ni, ɔ́ya na bekyuli bammɔ ƒui bátɔlɔ. Na bekyuli bammɔ béte ɔga kusɛ kusɛ ku kubiti ku lɛlɔyɔ ɔ́si ala abuni ani na Unwoti ɔ́bla úte nwuna kabla ɔblane Dawid ku nwuna bekyuli Israelƒuɔ ɔsu.

Ala Alɛdi 1 16:27

Unwoti úbomo geen na nwuna bukeye bɔ́ka bɔ́mana-nwu. Na nwuna ɔyikun ku lɛlɔyɔ bɔ́ƒɔ nwuna kakpakɔ kedee kammɔ kemmo.

Nehemia 8:11

Na Lewiƒuɔ bammɔ bákɛ bekyuli bammɔ lɛlɔ baasia-ma kɔnu ka betewulo limeyi kedee lɛmɛni udu lɛlɔ.

Nehemia 8:12

Anwuɔsu bekyuli bammɔ ƒui bátɔlɔ bésie kɔduli bátánwa, na bádi na báni na béte bakpanadi lɛnɔ. Ɔsika ɔda bubo etemila ani báka bátina-ma mmɔ ni, bénu-nya kalɔ.

Ester 9:19

Ɔmɛni náya na Yudaƒuɔ lɛma libliidi kemmo ni, kɔbuli kɔtɛdi limeyi leevu-linedi na ama baadi limeyi lɛmmɔ aani lɛlɔyɔ limeyi na beete bekyuli ala.

Ester 9:22

ku limeyi lɛni na Yudaƒuɔ békpo bana bekisine, na bákɛ bɔnwuna básiku-ma enu kemmo. Úte-ma bɔti ka badi limeyi lɛmmɔ ku ebiti na bete bana banwani etela ku adila, na batayiƒala bawabane.

Kɔgya 149:2

Israel, lɛlɔ lɛyɔ-mii, amii bani na Unwoti Katɔti údie. Na amii Sion bebi ku bawɔ ni, lɛlɔ lɛyɔ-mii na bina ɔga lɛlɔ.

Kɔgya 89:17

Ɔsika awɔ mɔɔyá na beekeye na baakɛ́ ɔyikun. Na ƒula lɛƒɔndia ɔsu na bɔɔdi lɛlɔ.

Agba 17:22

Ebiti bɔkɛ na kayi kemmo ɔdi kuvo ute ukyuli ɔmmɔ. Nsu kɔyu kɔni nsɔ neeebo lɛnunsia ɔɔyá na ɔyikun ɔɔsá ukyuli ɔmmɔ.

Etemila 11:2

Le lɛla lɛni na ákɛ te nkyuli maatɛ ku maane ƒaa, ɔsika aaagyi limeyi lɛni na ayaki adi adububo ebeyu-ɔ atu.

Etemila 2:24

Lɛla lɛni mɔɔnu ka ukyuli ɔkana bɔbla ndi ka unye nwuna kabla lɛlɔ, na ɔdi adila na ɔni na ɔkya lɛlɔ kubiti aani lɛla lɛni na Katɔti úte-bu.

Etemila 3:13

Ɔsika lɛla lɛni na Katɔti úte-bu ndi ka bunye bula kabla lɛlɔ na bɔkɛ adila bɔdi, na bɔni, na lɛlɔ lɛyɔ-bu.

Etemila 5:18

Lɛla lɛni kani na mɔɔnu ka ukyuli ɔlɛka ɔbla ndi ka bɔdi adila na bɔni lɛnɔ na ebiti ataada-bu na bula kabla lɛlɔ. Ɔmmɔ kani ndi lɛla lɛni na Katɔti ɔɔwia ka butaabla.

Etemila 9:7

Di adila na ani na akya lɛlɔ kubiti, ɔsika Katɔti nése ɔmɛni úse úte ukyuli ɔ́si kukuuku.

Lɛnu Ƒui Ɔnu 5:1

Ami ɔlati mina uleku uveledi, líbo-ɔ kudɔ aani ami ɔlati mina kemo na mbadi ala mini mini ammɔ. Ndubɔƒiɔ mina uwɔ kɔtakɛ na lɛni uwɔ ɔmmɔ. Ndubɔni mina ntɛ ku mina bebuo anyii ntu bɔmmɔ. Mina bakpana, bɛdi na bɛni utédu uwi ɔni na bɔyɔ bɔmmɔ búmo-mii.

Yesaia 49:5

Na Unwoti ɔni návɔ-mi na mina uni kaƒɔ kemmo ɔnii nnwini-nwu kabla ɔblane asa na badubɔwɔ-mi ni, anwu nátala-mi ɔnii nkpanku Yakob ku nwuna kadi bekyuli Israelƒuɔ mboku-nwu kudɔ, ɔsika Unwoti ɔɔbu-mi geen na anwu kani mɔɔkya-mi ɔyikun asa na mɔɔbla lɛla biala.

Yesaia 61:10

Lɛlɔ lɛɛyɔ́-mi na Unwoti lɛlɔ na ebiti aada mina kɔyu na lɛla lɛni na mina Katɔti ɔ́bla úte-mi ɔsu. Kalɛ na ɔ́ƒɔ-mi ngba use aani kalɛ na baaklibi uleku teesienku kawɛɛkɔ. Na lɛduni lɛni mɔɔtina ka ɔ́bla-mi siin lɛma-mi lili aani ɔkpane lɛduni lɛni na uubi lili.

Yoel 2:23

Amii bani nkya Sion ƒui lɛlɔ lɛyɔ-mii na ebiti ada-mii na Unwoti bina Katɔti lɛlɔ, ɔsika ɔ́ya na ɔƒɔwi ɔnantu ku ketudi ɔnantu ɔ́na úte-mii kaduɛɛ aani kuuku kalɛ.

Luka 11:41

Biti ala ani ƒui nkya bina akyami ku lɛɛƒɛɛ kemmo mmɔ bite bawabane kalɛ na bina lɛla biala lɛbla sɛɛn.

Korintoƒuɔ 2 8:2

Béduo bukpoku taanu kpakplaa kemmo na lɛbibo lɛni nébo-ma lɛlɔ ɔsu. Nsu ɔmɛni kemmo ƒui ni, ebiti áda-ma geen na lɛni kani na béte bekyuli ala pii ku kaƒɔ ƒaa ina ka badi bawabane geen.

Ƒilipiƒuɔ 3:4

Na si ukyuli ɔdi ɔɔkali ka ɔkana uti lɛlɔ ɔsia ɔlɔna lɛlɔ ɔdi ablala lɛlɔ ni, na nka ami mbo kuƒi kɔmmɔ ntulo.

Budie Taatina 11:10

Na bekyuli bani nlie kalɔ lɛlɔ badubo kubiti bɔkɛ na nkyuli inyɔ bammɔ kukpi ɔsu. Badubo limeyi bɔdi na bete lɛlɔ ala, ɔsika kenye bediene inyɔ bammɔ béti lɛbibo pii béboku kayawi bekyuli lɛlɔ.

Samuel 1 25:8

Na eye ƒula kabla bablane na badubɔsu-ɔ. Anwuɔsu na buvele kemmo ni, nu mina bakloƒu bamɛni kɔnyana ka lɛlɔyɔ uwi na ɔdi mɛni ɔsu. Na ete ƒula kabla bablane bamɛni lɛla lɛni na ƒula kɔnu kútuku na baƒɔ beboku ami ƒula ubi Dawid lɛnɔ.’ ”