Nehemia 8:1 - Katɔti Ɔku Kedee

^1-2 Na ɔni na uteedu kɔbuli maatɛdi kawɔlɔkɔ ni, ɔdi biala ɔ́tɔlɔ úsie nwuna ɔma. Na limeyi lideedi na kɔbuli kɔmmɔ lɛlɔ ni, Israelƒuɔ ƒui bása na Yerusalem na kesii kani balɔ banii Ntu Kayakun. Na básu Ɔkpane Esra ɔni ndi ɔku unwenine ka udie Mose Ɔda Bubo Ɔku ɔni Unwoti úti úte Israelƒuɔ uboku. Anwuɔsu Esra úsie na útéti ɔda bubo ɔku ɔmmɔ úboku na kesii kani na básala béli. Na banana ku beleku ku banamu bani beenú ala kalɔ násala mmɔ.

Nehemia 8:1 Iomraidhean Croise

Baga 2 23:2

na ɔ́ya bésie na bátása na kakpakɔ. Mmɔ mmɔ na bakpane ku kenye bediene ku bekyuli bakladi ƒui ku balakɛne ku bawabane ƒui bébo bábasala. Na bekyuli bammɔ ƒui anumi ni, ɔga ɔmmɔ úti ɔda bubo ɔku ɔni na bánu na kakpakɔ mmɔ na ɔ́ka ɔku ɔmmɔ úte-ma na bénu.

Ala Alɛdi 2 34:15

Na Hilkia úti ɔku ɔmmɔ úte unengu Saƒan na ɔ́su-nwu ɔnini, “Nu! Lɛ́nu Ɔda Bubo Ɔku na Katɔti kakpakɔ.”

Ala Alɛdi 2 34:30

Na anwu ku Yuda ku Yerusalem bekyuli bɔmmɔ ƒui ku bakpane ku Lewiƒuɔ bétéduo kakpakɔ mmɔ. Amu na kawɔlɔ ƒui uwi ɔni na bana ƒui báasa buduo ni, ɔ́ka Katɔti ɔda bubo ɔku ɔni na bánu na kakpakɔ mmɔ kemmo etemila momoomo na bénu.

Esra 7:1

Na ala amɛni kama ni, uwi ɔni na Ɔga Artasasta ɔɔdi lɛga na Persia ni, okloƒu ɔdi ɔkya na baalɔ banii Esra. Na nwuna ɔti ndi Seraia ɔni ɔti ndi Asaria ɔni ɔti ndi Hilkia

Esra 7:10

Ɔsika Esra úti lɛlɔ úte Unwoti ɔda bubo bɔtɛya ku kalɛ na badi-mu lɛlɔ, na ɔɔtina ala ammɔ na Israel.

Esra 7:11

Na ɔku ɔni na Ɔga Artasasta únweni úte Esra ɔni ndi ala ɔtinane ku ɔkpane ku okloƒu ɔni ngyi Unwoti ɔda bubo ku ala ani ƒui na únyimi úte Israelƒuɔ kemmo kaduɛ na búdie mɛni.

Esra 7:6

Na Esra ɔmɛni lɛnɔ ɔ́si Babilon úbo. Na ɔdi ala ɔtinane ɔni ngyi Mose ɔda bubo etemila ani Israelƒuɔ Katɔti úti úte-ma kaduɛ. Na lɛla biala na úye ɔga ɔmmɔ ni, uuti-ni teete-nwu, ɔsika nwuna Unwoti Katɔti ɔsiku-nwu geen.

Nehemia 12:26

Na bamɛni nábla kabla béte Yosadak ku ubidi Yesua ku ubidi Yoiakim. Na bábla kabla na uwi ɔni na Nehemia ɔdi kalɔ kammɔ lɛlɔ ɔnune, na Ɔkpane Esra ɔdi ɔku unwenine.

Nehemia 12:37

Na ka bédu Ntu Kalɛkɔ Kayakun ni, bátásia ulu ɔni ntɛ úsie Dawid Ɔma na bákɛ Dawid kaduli katɔ kakɛ, na bésie bétédu Ntu Kayakun na Yerusalem ɔƒɛ katukɔ kakɛ.

Nehemia 3:26

Na kakpakɔ kabla bablane bani nli Oƒel Kɔbi lili lɛnɔ báklibi ekpo ekpo bétédu ɔƒɛnyi ɔni nkya ntu kayakun si éti ésela katutaasia ɔtɔ gyɔlɔɔ ɔni nlɛ úsie ɔƒɛ katukɔ.

Nehemia 8:16

Anwuɔsu bekyuli bammɔ báta na bátáwia egyii kɔgba na bátu nvuo adi bálɛ bana kɔduli lɛsa eli ku kɔduli amadɔ ku Katɔti kakpakɔ amadɔ ku kesii kani kadi beelie taasiaku Ntu Kayakun ku Eƒraim Kayakun amadɔ ƒui.

Nehemia 8:3

Na kayakun kammɔ kenye ni, Esra ɔ́ka ɔku ɔmmɔ úte bekyuli bammɔ ɔ́si lɛdigye utédu ɔƒiiwi uwi. Na bekyuli bammɔ bése atu na bénu kaduɛ.

Yesaia 8:20

Bɛnu bɛti ka si bana ala aaakɛnku mina litemi lɛni ndanku ɔda bubo ku bunyimi bɔmɛni ni, na bukeye bɔdi buuubo-ma kemmo.

Lewiƒuɔ Ɔda Bubo 9:5

Anwuɔsu béti ala ani na Mose úbo-ma ɔda mmɔ béboku Unwoti Adi Kevo kaduli kammɔ anumi, na Israel kadi bekyuli bammɔ bábasa mmɔ na Unwoti anumi.

Malakai 4:4

“Bitayiƒala mina ɔda bubo ku ala bɔtina bɔni na líte mina kabla ɔblane Mose na Sinai kɔbi lɛlɔ.

Mateo 13:52

Na Yesu ɔ́su-ma ɔnii, “Amu ni, ala ɔtinane biala ɔni mɔɔtɛya Katɔti lɛga bɔdi lɛlɔ ala ni, use aani ɔtɔlati ɔni mbo ala awɔdi ku ala akukudi lɛnɔ. Na uudie-nya keyi.”

Mateo 23:13

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛ́kalɛ Katɔ Ɔga Ɔma ulu bɛ́da bekyuli. Na amii alati biléduo, na biléte bekyuli bamba bani mɔɔkya ɔkplu lɛnɔ ulu na beduo.

Mateo 23:2

Ɔ́su ɔnini, “Ɔda bubo ala batinane ku Ƒarisiƒuɔ ama ni, benye Mose kenye na bebo kuƒi kɔni na bedie Katɔti ɔda bubo bɔmmɔ kalɔ.

Mateo 23:34

Ɔmɛni ɔsu ni, ndubɔtala Katɔti kenye bediene ku banundane ku Katɔti ɔda bubo ala batinane lɛkya-mii akɔ. Na ka biikisi-ma ɔsu ni, bɛdubɔkana badi bɔmana ugyii lɛlɔ na bekpi, na bibo badi kugyiimi na kasalakɔ, na bɛbɔku badi lɛnɔ bɛsiku ɔma unwi bisienku ɔma unyɔdi kemmo.

Lɛkpa Ulu 31:11

bɛka ɔku ɔmɛni kemmo etemila momoomo bite Israelƒuɔ kasala na kesii kani na bina Unwoti ɔ́su úse ka bitaakpa-nwu mmɔ.

Litemi Batɛne 20:1

Amu na Israelƒuɔ kaba ƒui bekyuli ɔ́si Dan kɔdua lɛlɔ utédu Beer-Seba ku Gilead kalɔ bekyuli bábasa lisu na Unwoti anumi na Mispa.

Litemi Batɛne 20:8

Na bana ƒui báta na bédie kenye kenwi aani ukyuli unwi pɛ muutemi, na básu banini, “Ukyuli biala útesela kaduli, ina ukyuli unwi utenwini utesie nwuna kaduli!