Nehemia 7:3 - Katɔti Ɔku Kedee

³ Na lɛ́su-ma nnii bataya-nwu balɛmi Yerusalem kɔyakun utédu ka ɔƒɛ kenye kayu ɔkplu asa. Na si uwi ɔni na kɔyakun bagyumanane bammɔ benye bana kabla lɛlɔ ni, na baya na bakalɛ kɔyakun kɔmmɔ ƒui na babala-ku. Na lɛnɔ ni, na bedie Yerusalemƒuɔ bammɔ badi na bataagyumana kɔyakun kɔmmɔ. Na baya na badi besie ɔgyu, na badi lɛnɔ bataagyumana bana kɔduli amadɔ mmɔ kani.

Nehemia 7:3 Iomraidhean Croise

Nehemia 13:19

Ɔmɛni ɔsu líbo-ma ɔda ka bataakalɛ Yerusalem kɔyakun ƒui limeyi biala useyi ɔni na lɛnwunameyi liise kalɔ. Na batalɛmi-ku wetédu ka badi lɛnwunameyi lɛmmɔ bawɔlɔ. Na lídie mina bekyuli badi ka bataagyumana kɔyakun kɔmmɔ kalɛ na ukyuli ɔdi uleti lɛla lɛdi uleduoku ɔma ɔmmɔ kemmo lɛnwunameyi lɛlɔ.

Nehemia 3:23

Na ɔni nsɔ nsia ni, Benyamin ku Hasub nátu awodu ani nkya-ma kɔduli anumi. Na ɔni nsɔ nsia ni, Anania ubidi Maaseia ɔni ɔdi Asaria uwɔ nátu awodu ani nkya nwuna kaduli anumi.

Nehemia 7:2

Na líti mina ɔnwani ɔni baalɔ banii Hanani ku bana bekpone unengu Hanania ka bataanu Yerusalem lɛlɔ. Na Hanania ɔmmɔ ni, ɔdi ukyuli ɔni na ɔɔbla ala ulu lɛlɔ, na ɔɔyɔ́ Katɔti teetulo bekyuli bammɔ ketulodikɔ.

Nehemia 7:4

Ɔƒɛni Yerusalem ɔma Unengudi ɔmɛni ubomo, nsu bekyuli bani nkya ɔma ɔmmɔ kemmo beeemomo. Lɛni ɔsu ni, bátasɔku kɔduli pii bátatu tɔ.

Kɔgya 127:1

Si Unwoti Katɔti kɔnu kɔɔɔkya ɔtɔ ɔni na batune benye baatú kemmo ni, kekeeke na beebó abi. Na si Unwoti Katɔti útagyumana ɔma ɔni na bagyumanane benye baanu ni, kekeeke na belie benye baagyumana.

Kɔgya 147:13

ɔsika abuala na úti ɔ́kalɛ bina ɔba kenye kpakplaa. Na úte ƒula ɔma kemmo bebi kusɛ kusɛ.

Mateo 10:16

“Bɛnu! Mɔɔtala-mii aani baƒonu lɛkya begiti akɔ. Binye kagyumana aani balakpi kalɛ, nsu bɛda lɛlɔ aani babloduma.