Nehemia 6:9 - Katɔti Ɔku Kedee

⁹ Na liƒu na baayɔ́ ka bakya-bu ku kasusu ka enu aƒɛ kabla bablane bammɔ, na kabla kammɔ kelebo kawɔlɔkɔ. Nsu ɔƒɛni lɛ́kpali Katɔti muuvele-nwu ka ɔkya-mi ɔlɔkplu.

Nehemia 6:9 Iomraidhean Croise

Ala Alɛdi 2 15:7

“Anwuɔsu ɔlɛka bise kayi. Na bitete lili! Katɔti ɔlati ɔdubɔbu-mii na ɔkɔliku-mii katɔ si bɛɛdi nwuna ɔda bubo lɛlɔ.”

Ala Alɛdi 2 32:18

Na ala amɛni ƒui ni, Yudaƒuɔ lɛdi kemmo na Asiria benengu bammɔ benye baasu-nya kalɛ na si Yerusalemƒuɔ bani na bakya ɔma unengudi ɔmmɔ kemmo na awodu ammɔ kemmo bénu ni, na bayia na bete lili.

Esra 1:6

Na bana liku bekyuli béte-ma sika ɔƒualadi ku ugyiedi ku ala ku bebuo ku ala abuni abambadi úbunku kaƒɔ ƒaa etela ani na béte-ma.

Nehemia 6:14

Amu na lɛ́kpali katɔ lɛ́su nnini, “O mina Katɔti, nyimo Tobia ku Sanbalat ɔ́si lɛla lɛni bábla mɛni ɔsu. Na enyimo Kenye Udiene Noadia ku Katɔti kenye bediene bakladi bani naayɔ́ ka baƒɔ-mi badi lɛnɔ.”

Kɔgya 138:3

Limeyi lɛni na líwulo lɛkpali-ɔ ni, énu-mi bɔkpali na ákya-mi kayi na áya na mina kɔyu kɔ́kɛ ɔyikun.

Kɔgya 56:3

O Unwoti Katɔti, si uwi ɔni na liƒu lítulo-mi muedi ni, ƒula lɛlɔ kani na mina anu asia.

Kɔgya 68:35

Katɔti lɛlɔ libo líƒu na nwuna keliekɔ kedee kemmo. Na anwu ndi Israel Katɔti. Anwu muute nwuna bekyuli ɔyikun na ɔ́ya na bebo kenyekɔ. Bimwi Katɔti!

Kɔgya 71:1

Unwoti, awɔ na líkeli ḿbatamiku. Taya na linwini ku kɔƒa uwi ƒui!

Yesaia 40:29

Anwu mɔɔsɔku ɔlɔkplu teete bekyuli bani na lɛlɔ lítu na bese kpɛtɛ kpɛtɛ.

Yesaia 41:10

Bitayia, nliku-mii. Liƒu lɛsɔ litada-mi na bitaatɔ kpakpaakpa. Ami ndi bina Katɔti. Ndubɔya na bɛkɛ ɔyikun, na libunku-mii. Ndubɔtalaku-mii katɔ ku mina ɔyikun ablala ani nse siin.

Yeremia 38:4

Anwuɔsu bana ine bammɔ bésie ɔga kudɔ na bátásu-nwu banini, “Ɔdi ka adu Yeremia, ɔsika ɔɔkya bekpone bammɔ ku bekyuli ƒui liƒu, na ɔ́ya na baayia ɔni na basɔ beeebo lɛnunsia lɛdi munu munu. Ulebunku bula kadi bekyuli na ulu biala lɛlɔ, mmomu uubile-ma na ɔɔkya-ma ɔlɛ lɛlɔ.”

Esekiel 30:24

“ ‘Na ndubo Babilonƒuɔ ɔga ɔyikun bɔkya bubu na liti mina kewii lite-nwu na uti-ka ukpo Egyipteƒuɔ. Na lɛya na Egyipteƒuɔ ɔga ɔyikun ɔyii udu na uteedumo na lɛlɛ lɛni na ɔ́ƒɔ ɔsu. Na ɔdubunu ɔlɛ geen útédu ka ukpi na Babilonƒuɔ ɔga anumi. Na kalɔ lɛlɔ bekyuli ƒui badubɔnu ka ami ndi Unwoti.

Sakaria 10:12

Ndubo mina bekyuli ɔyikun bɔkya na ukyuli ɔni udu na ndi ɔsu, na lɛya na basiaku-mi. Ami Unwoti násu!”

Korintoƒuɔ 2 12:9

Mmomu ɔ́su-mi ɔnini, “Mina lɛƒɔndia lɛdubɔda-a, ɔsika mina ɔyikun ɔɔbla ala ebendi na bekyuli bani násɔ lɛlɔ teetulo.” Ɔmɛni ɔsu lɛlɔ lɛdubɔyɔ-mi litulo si mɔɔkun lɛmɛnɛ na mina bɔsɔ lɛlɔ kalɛ na Kristo ɔyikun ɔƒɔ-mi lɛlɔ kemmo ƒui.

Eƒesoƒuɔ 3:16

Muuvele Katɔti na nwuna lɛƒɔndia bukeye pii kemmo nnii ɔkya-mii ɔkplu na nwuna Kɔyu kute-mii ɔyikun na bina kayi kemmo.

Eƒesoƒuɔ 6:10

Na kawɔlɔkɔ ni, bɛya na Katɔti ɔyikun ɔkya-mii ɔkplu.

Ƒilipiƒuɔ 4:13

Mɔɔkana na mɔɔbla lɛla biala ɔkɛnku Kristo ɔyikun ɔni na úte-mi ɔsu.

Hebriƒuɔ 12:12

Ɔmɛni ɔsu ni, bina akɔnkɔ ku enu ani mɔɔtɔ́-mii ni, bɛya na ɔyikun ɔwɔdi uduo-ni kemmo.

Petro 1 5:10

Na si bíbo abi ammɔ uwi klukui ɔdi kama ni, Katɔti ɔni kaƒɔ ndia geen na ɔ́lɔ-mii ɔnii bibelie ngba ƒui na nwuna bukeye kemmo ɔkɛ Blɔti Yesu Kristo ɔsu ni, ɔsɔ ɔdubɔbla-mii kedee, na ute-mii ɔyikun, na bɛsɔ binye kpakplaa.

Samuel 1 30:6

Na kayi kébo kaakpulu Dawid geen, ɔsika nwuna bekpone bammɔ baasu ka badububo-nwu atabi na livoƒi ku ɔƒɛ ɔni mɔɔdá-ma na bana bebi bananabi ku belekubi ɔsu. Nsu ɔ́kɛ ɔyikun ɔ́siku Unwoti, nwuna Katɔti kudɔ.