Nehemia 6:1 - Katɔti Ɔku Kedee

¹ Na uwi ɔni na Sanbalat ku Tobia ku Arabini ɔni baalɔ Gesem ku bula bekisine bakladi bénu ka lɛ́sɔku awodu ammɔ lɛ́tu ɔni na ńtada kuƒi kɔdi ńtakya ina ka uwi ɔmmɔ ńtakya tɔ kɔyakun kɔmmɔ lɛpunu ni,

Nehemia 6:1 Iomraidhean Croise

Nehemia 13:4

Na asa na ɔmɛni ábalɛ ni, ɔkpane Eliasib béti bése ka utaanu Unwoti Katɔti ala kesekɔ ɔtɔ lɛlɔ. Na ɔ́si kukuuku ƒui ni, ɔkpane ɔmɛni ɔkpana ndi Tobia.

Nehemia 2:10

Uwi ɔni na Horonni Sanbalat ku Tobia ɔni ɔdi Amonni kabla ɔblane ɔdi bénu etemila amɛni ni, ékpoku-ma geen. Ɔsika bénu ka ukyuli ɔdi úbo ka ɔsɔku Israel ɔklibi.

Nehemia 2:19

Nsu uwi ɔni na Horonni Sanbalat ku Tobia ɔni ɔdi Amonni kabla ɔblane ku Arabini Gesem bénu litemi lɛmɛni ni, báma-bu na bánu-bu anumi klukui. Na béye-bu banii, “Bi bɔdaku bɔbla mɛni? Bɔɔyɔ́ ka bɔta bunye ɔga lɛlɔ?”

Nehemia 3:1

Na ɔkpane unengudi ɔni baalɔ Eliasib ku nwuna bakpane bésie na bátátu kayakun kani baalɔ Baƒonu Kayakun, na bálɛmi-nwu kenye na béti bákya Unwoti enu kemmo. Na bátu katu taasia gyɔlɔɔ eti anyɔ na béti bákya Unwoti enu kemmo. Na bátu bétédu Hananel katu taasia gyɔlɔɔ lɛlɔ.

Nehemia 3:3

Na Senaa ɔtɔ bebi bátu kayakun kani baalɔ banii Kakpaku Kayakun. Na bákya lɛpunu ku lɛla biala pɛpɛɛpɛ.

Nehemia 3:6

Na kayakun kani baalɔ Yehana ni, Pasea ubidi Yoiada ku Besodeia ubidi nátu lɛla biala pɛpɛɛpɛ.

Nehemia 4:1

Uwi ɔni na Sanbalat únu ka abu Yudaƒuɔ bɔ́sɔku awodu ammɔ bɔɔtu ni, úti kɔnyi geen na ɔ́ma-bu.

Nehemia 7:1

Amu na básɔku awodu ammɔ ku ana kɔyakun ƒui bátu. Na bákya kɔyakun kɔmmɔ ƒui lɛpunu ku kɔbwɛlɛmii kɔni beeti taakalɛ. Na bédie bekyuli bani ndubutaagyumana kɔyakun kɔmmɔ ku lɛnu batune ku Lewiƒuɔ.

Daniel 9:25

“Na ɔlɛka anu ati ka uwi ɔni na bébo ɔda ka basɔku Yerusalem batu úti útédu uwi ɔni na Ukyuli Ɔƒunadi ɔmmɔ webo ni, ɔdubɔbla akwa maatɛ ku liti ku leevu-inyɔ akpa maatɛ. Badubo lɛblɔnu budie bɔvinku Yerusalem ɔma ɔmmɔ kemmo, na babla kenyekɔ kani na benye bagyumana ɔma ɔmmɔ bamana-nwu, nsu uwi ɔmmɔ ɔdubɔbla uwi kpakplaa geen.