Nehemia 5:9 - Katɔti Ɔku Kedee

⁹ Amu na lísie anumi na lɛ́su-ma nnini, “Lɛla lɛni na bɛɛbla mmɔ lɛɛɛdia munu munu! Na dɛ ɔsu na útalɛka bɛbla ala na Katɔti ulu lɛlɔ, kalɛ na Unwoti ulanyonu-bu ulakya bula bekisine bani naaadi Yudaƒuɔ enu kemmo?

Nehemia 5:9 Iomraidhean Croise

Ala Kalɔ Buse 20:11

Mmɔ na Abraham údie kenye ɔnini, “Na mina bɔnu kemmo ni, lɛ́su nnii, ‘Kadi kamɛni bekyuli balayia Katɔti, na ɔƒɛni kalɛ badubo-mi bɔdu na mina uleku ɔsu.’

Ala Kalɔ Buse 42:18

Na limeyi lɛtɛdi lɛlɔ ni, Yoseƒ úbasu nwuna banwani bammɔ ɔnini, “Si bɛɛyɔ́ ka bɛkɛ ngba bɔdi ni, amu bɛbla lɛla lɛni na ndubo-mii bɔsu mɛni, ɔsika ami ɔlati ni, ndi ukyuli ɔni mɔɔbu Unwoti Katɔti geen.

Samuel 2 12:14

Nsu ka lɛla lɛni na ábla ɔsu áya na Unwoti bekisine baasu ala teewi-nwu lɛlɔ na basɔ balánu-nwu taabu ɔsu ni, ubi ɔni na báwɔ béte-ɔ mmɔ ɔdubo bukpi.”

Nehemia 4:4

Mmɔ na Nehemia ɔ́kpali katɔ na ɔ́su ɔnini, “O bula Katɔti, nu-bu bɔkpali. Ɔsika bɔkya bukpoku kemmo. Ya na edumi ani na beedumi-bu mɛni enwini ese-ma lɛlɔ. Na eti-ma ete bana bekisine. Na babla-ma kalala na kalɔ bamba lɛlɔ.

Nehemia 5:10

“Anwuɔsu ami ku mina banwani bani búti egulabi ku edula ebi búvo búte-ma mmɔ ƒui ni, nsu ɔlɛka bɔda kevonsia bute bɔya.

Kɔgya 90:11

Ɔma ngyi kalɛ udu na awɔ Katɔti áani ukyuli kɔtu teetédu si éti kɔnyi? Lɛni ɔsu na liƒu bonwu lɛɛda-bu si livo liiƒí-ɔ.

Agba 16:29

Likyulikpi ala bablane baatɔ́lɔ bana bakpana na baasia ulu ukpidi lɛlɔ teetéduo ɔgbankpi kemmo.

Agba 17:26

Ɔɔɔdia munu munu ka ebo ukyuli ɔbuni kayu ka ɔsiaku lɛbuni ɔsu, iye ani ɔyikune kɔtu ka ɔ́di nwuna litemi lɛlɔ geen ɔsu!

Agba 18:5

Ɔɔɔdia ka litemi ɔtɛne unye ukyuli ɔni na nwuna litemi liiibo ubo kama iye ɔdu ukyuli ɔbuni kɔtɔ.

Agba 19:2

Si anumi égyie-ɔ kabla lɛlɔ na eeebo lɛlati ni, ɔɔɔdia. Na si eesié pla pla taagya ni, adubɔkana na ayii ulu.

Agba 24:23

Binu ala bamba ani na banundane básɔ básu. Ɔɔɔdia ka banu ukyuli anumi batɛ litemi na batu litemi geen lɛmmɔ benwini.

Esekiel 36:20

Kesi kesii na bakɛ ni, mina lɛnyi kani na baakya kɔƒa. Ɔsika baƒɔ bani na badi kadi bamba bekyuli beedumi-ma taasu ka ami nábɔku mina kadi bekyuli lɛ́lɛku bana kalɔ lɛlɔ.

Lewiƒuɔ Ɔda Bubo 25:36

Na si éte-nwu kebunku kadi ni, taƒɔ kuvonsia kɔdi tasiku-nwu kudɔ. Mmomu ti bɔyia te Katɔti na ƒula Israelni kpana ɔdubɔkana ulieku-mii.

Batalane Kabla 9:31

Ɔmɛni ɔsu ni, baƒɔtaadine bani nkya Yudea ku Galilea ku Samaria kalɔ lɛlɔ ni, bákɛ bɔnwuna na basɔ balayia. Bákɛ kayi buse ku ɔkplu bɔkya ɔkɛnku Katɔti Kɔyu ɔyikun lɛlɔ. Na bémomo bébu na béteeti ɔbu teete Blɔti.

Romaƒuɔ 2:24

Na Bunweni Kedee Ɔku kemmo ni, básu banii, “Amii Yudaƒuɔ udunkpi náya na bani naaadi Yudaƒuɔ baalɔ Katɔti lɛnyikpi.”

Timoteo 1 5:14

Anwuɔsu ni, mɔɔyɔ́ ka bekpinele bamɛni udu belie agya na bawɔ bebi na bataanu bana kɔduli ala lɛlɔ mmomu. Ɔmɛni ɔdubɔya na balabla ala ani nátamanku na wete bula bekisine kuƒi na bataasu ala taasiku-bu lɛlɔ.

Tito 2:5

Na bati lɛlɔ bɔda, na babla lɛlɔ kedee, na babla agya beliene babuni bani muuboku lɛlɔ kalɔ teete bana bagya. Ɔmɛni ndubɔya na ukyuli ɔdi ulasu lɛla likpidi lɛdi ulásiku linyesia lɛni nási Katɔti kudɔ lɛlɔ.

Petro 1 2:12

Na bilie ngba bɔni nse sɛɛn na bani naaadi baƒɔtaadine akɔ. Na ina baasu-mii lɛlɔ litemi likpidi muedi ni, badubɔnu bina ablala bati ka bɛdi bekyuli babuni. Na badubɔgya Katɔti enu na litemi bɔtɛ limeyi lɛmmɔ lɛlɔ.

Samuel 1 2:24

Oowo! Mina bebi, ńtatunaku-mii. Unwoti bekyuli bamɛni beledie-mi kenye buni kadi.