Nehemia 4:2 - Katɔti Ɔku Kedee

² Na ka unye nwuna bakpana ku Samariaƒuɔ bavinkpana anumi ni, úye lɛlɔ ɔnini, “Bi na Yudaƒuɔ bani lɛlɔ mɔɔdu kɔnyana mɛni baayɔ́ babla? Baayɔ́ ka basɔku Yerusalem awodu batu yoo?” Na ɔ́sɔ úye ɔnini, “Baabu ka si babla akpala adi bakana beti limeyi linwi pɛ babla kabla kammɔ yoo? Na bakali ka badubɔkɛ atabi ani baatu ɔtɔ basiku atabi ani alɛ esu esu na bákyula-nya kemmo?”

Nehemia 4:2 Iomraidhean Croise

Esra 4:4

Ɔmmɔ kama bekyuli bani na belie bede-ma bákya ɔkplu ka baƒɛ Yudaƒuɔ enu. Na baya liƒu liduo-ma kemmo na bada ɔtɔ ɔmmɔ bɔtu baya.

Nehemia 12:27

Uwi ɔni na badubo Yerusalem awodu ani bátu mmɔ buti bɔkya Katɔti enu kemmo ni, bávi bálɔ Lewiƒuɔ bani nli ekpo ekpo ƒui ka bebo Yerusalem. Báwia-ma ka babadiku-ma limeyi lɛmmɔ ku ebiti, na batu linungya lɛnu na beti agyala beteedie lɛnu.

Nehemia 12:43

Na limeyi lɛmmɔ ni, bábla akpala enengudi béte Katɔti. Na lɛlɔ lɛɛyɔ́-ma, ɔsika Katɔti ebiti áƒɔ-ma lɛlɔ kemmo geen! Na beleku ku bebi lɛnɔ béduo lɛlɔyɔ lɛmmɔ kemmo. Na kudu kɔni na bédie mmɔ ni, kúsie kútédu ɔgyu kakaaka.

Nehemia 4:10

Ɔmmɔ kama ni, bekyuli bani nkya Yuda básu banini, “Kabla bablane bammɔ ɔlɔkplu ɔdaku bɔsa. Na leti ku atabi ani nwi kalɔ emomo, na eléte-bu kuƒi ka bɔsɔku awodu ammɔ bɔtu bɔwɔlɔ.”

Nehemia 6:15

Na bátu awodu ammɔ báwɔlɔ na kɔbuli limeyi aavlanyɔ-ɛlɔ lɛlɔ. Na emeyi liti ku inyɔ na béti bátu-nya.

Kɔgya 83:4

Na baasu lɛlɔ banini, “Bibo na bɔyila kadi bamɛni budie mɛni, na ɔdi ɔsɔ ulenyimo ka baalɔ kadi badi banii Israelƒuɔ.”

Yeremia 26:18

“Kuuku uwi ɔni kemmo na Hesekia útaadi lɛga na Yuda kalɔ lɛlɔ ni, Katɔti kenye udiene ɔdi baalɔ banii Mika ɔ́kya na ɔ́si ɔma ɔnii baalɔ banii Moreset kemmo. Anwu násu ɔnini, ‘Ami Unwoti Katɔti Ɔyikune Ƒui mɔɔsu ka bekisine badubo Yerusalem bɔtu bunwini bubi aani kalɛ na beeti anwami teegulu kalɔ na ɔma ɔmmɔ ubie ɔyii udu. Na liyu alakpi kani ndubo bɔkwɛ bɔƒɔ abi ammɔ lɛlɔ kesii kani na kakpakɔ kammɔ kenye ɔƒɛni.’ ”

Yeremia 33:24

“Baƒɔ benye beedumi mina kadi bekyuli taasu banini, ‘Unwoti ɔ́ƒuna Israel ku Yuda aani nwuna bekyuli, nsu ɔƒɛni amu úni-ma na basɔ beenye aani kadi bekyuli.’

Daniel 9:25

“Na ɔlɛka anu ati ka uwi ɔni na bébo ɔda ka basɔku Yerusalem batu úti útédu uwi ɔni na Ukyuli Ɔƒunadi ɔmmɔ webo ni, ɔdubɔbla akwa maatɛ ku liti ku leevu-inyɔ akpa maatɛ. Badubo lɛblɔnu budie bɔvinku Yerusalem ɔma ɔmmɔ kemmo, na babla kenyekɔ kani na benye bagyumana ɔma ɔmmɔ bamana-nwu, nsu uwi ɔmmɔ ɔdubɔbla uwi kpakplaa geen.

Habakuk 3:2

Unwoti, ngyi kalɛ na áƒɔ lɛnyi, anwuɔsu na ɔ́bla-mi kalɛ kadi ka lɛ́nu ala ani na ábla. Buvele, ya na ƒula kɔnyi kɔyɔ-ɔ, na anu-bu kɔnyana. Na abla ete-bu kalɛ na ábla éte bula bati kuuku.

Sakaria 12:8

Ami Unwoti Katɔti ndubo Yerusalem bɔgyumana na ukyuli ɔni na use kpɛtɛ kpɛtɛ utulo ƒui muedi ni, ɔdubɔyu ɔkplu aani Dawid. Na Dawid ɔmmɔ ɔlati lɛga kadikɔ kadubɔbla aani si ami ɔlati mina ɔtu mɔɔdi kalɔ kammɔ lɛlɔ.

Sakaria 4:10

Na bekyuli bani ƒui nátanu limeyi lɛmɛni bátabu na kalɛ na ala amɛni eesié kalɔ blii mɛni ɔsu ni, ama ndubo babadi limeyi uwi ɔni na badubɔnu ka Serubabel ɔda lɛtabi lɛni náƒɔ kuye geen mɛni. Na lɛsogya maatɛ lɛmmɔ linye lite ami Unwoti anumi ani náka ámana kalɔ kammɔ ƒui, na aanu lɛla biala kemmo nwaa.”

Korintoƒuɔ 1 1:27

Mmomu Katɔti úse ɔ́ƒuna bekyuli badɔlɔdi na bayawine anumi kalɛ na uti-ma ɔkya kayawi kamɛni banundane kɔƒa. Na ɔ́ƒuna bekyuli bani neeebo ɔyikun ɔdi na bayawine anumi kalɛ na uti ɔkya kayawi kamɛni bayikune kɔƒa.