Nehemia 2:8 - Katɔti Ɔku Kedee

⁸ Na asɔ ete-mi kakunkɛ kabambadi lisienku Asaƒ ɔni mɔɔnu ɔga ɔmmɔ lɛku lɛlɔ teete-nwu, kalɛ na anwu lɛnɔ wete-mi kugyiikɛ kɔni ndubuti lɛnwi lɛpunu lɛkya kakpakɔ kɔyakun ku awodu kɔyakun ku kaduli kani kemmo ndubulie kayakun.” Na ɔga ɔmɛni úte-mi kɔkunkɛ kɔmɛni ƒui, ɔsika Unwoti ɔsiaku-mi ɔsu.

Nehemia 2:8 Iomraidhean Croise

Ala Kalɔ Buse 32:28

Amu na ɔnana ɔmmɔ ɔ́su Yakob ɔnini, “Asɔ aladi lɛnyi anii Yakob. Mmomu bekyuli badubɔlɔ-ɔ banii Israel, ɔsika énye asiaku Unwoti Katɔti ku bekyuli na ádi lɛlɔ.”

Esra 5:5

Nsu Unwoti anumi asia Yudaƒuɔ benengu bammɔ lɛlɔ, na bátaya na bada bɔtu baya utédu ka béte Ɔga Dario bɔti. Na báƒɔ nwuna kenye budie na kakunkɛ lɛlɔ.

Esra 6:22

Na emeyi maatɛ na béti bádi Bodobodo Ɔni Néteƒu Limeyi ku lɛlɔyɔ, ɔsika Katɔti ɔ́ya na lɛlɔyɔ lɛ́ƒɔ-ma lɛlɔ kemmo ɔkɛnku kalɛ na ɔ́ya na Asiriaƒuɔ ɔga ɔ́vumana nwuna ɔbladu na úbunku na bátu Katɔti ɔtɔ ɔmmɔ béte Israel Katɔti ɔsu.

Esra 6:8

“Na ɔƒɛni ni, muubó-mii ɔda na lɛla lɛni na ɔlɛka bɛbla bite Yudaƒuɔ benengu bamɛni na ɔtɔ ɔmɛni bɔtu kemmo. “Kayu kani ƒui na bekyuli bamɛni badubo bubo ni, ɔdi ka baƒɔ-ka basiku ɔga kavumi kani na bekyuli bani nkya ketu ɔvi béeyi taabakya-ka kemmo, kalɛ na kabla kammɔ kelédi kelenye.

Esra 7:6

Na Esra ɔmɛni lɛnɔ ɔ́si Babilon úbo. Na ɔdi ala ɔtinane ɔni ngyi Mose ɔda bubo etemila ani Israelƒuɔ Katɔti úti úte-ma kaduɛ. Na lɛla biala na úye ɔga ɔmmɔ ni, uuti-ni teete-nwu, ɔsika nwuna Unwoti Katɔti ɔsiku-nwu geen.

Esra 7:9

Úse nwuna ulu busie kalɔ ɔ́siku Babilon na limeyi lideedi na kɔbuli kudeedi kemmo, na útéduo Yerusalem limeyi lideedi na kɔbuli kɔlɔndi kemmo, ɔsika nwuna Katɔti ndanku-nwu geen ɔkɛ ku nwuna lɛƒɔndia.

Nehemia 7:2

Na líti mina ɔnwani ɔni baalɔ banii Hanani ku bana bekpone unengu Hanania ka bataanu Yerusalem lɛlɔ. Na Hanania ɔmmɔ ni, ɔdi ukyuli ɔni na ɔɔbla ala ulu lɛlɔ, na ɔɔyɔ́ Katɔti teetulo bekyuli bammɔ ketulodikɔ.

Agba 21:1

Ɔga ɔni mɔɔdi lɛlɔ kayi kese aani ketu kani mɔɔgbá. Na Unwoti mɔɔtɔnku-ka na kaagbá taavi kesii kani na ɔɔyɔ́.

Etemila 2:5

Na lɛ́bla kevoma mmo ku lɛlɔ ebiti kɔkyakɔ kɔbuni ku adingyii abuni lidu lidu.

Etemila 2:6

Lɛ́tu ntu kewikɔ bonwu na ńtaaƒɔ ɔnantu ntu teewi edula mmo ku egyii bamba mmo bɔmmɔ na bɔ́lɛ lili kaduɛ.

Yesaia 66:14

Uwi ɔni na bɛdubɔnu ka ala amɛni aalɛ́ lɛni ni, bina kayi kadubɔyɔ buɛɛ na bɛlɛ lili aani kalɛ na livo lɛɛlɛ́ lili. Na bɛdubɔnu kalɛ na Unwoti ɔɔƒɛnimi kɔnu taakya nwuna kabla bablane bani mɔɔbu-nwu. Nsu nwuna bekisine bani mɔɔta teenye-nwu lɛlɔ ama ni, nwuna kɔnyi muubo-ma lɛlɔ.

Daniel 1:9

Katɔti lɛnɔ ɔ́ya na ukyuli ɔmɛni ɔ́bla buɛɛ ɔkya Daniel aani ɔkpana kalɛ na ɔ́bla-nwu lɛƒɔndia.

Batalane Kabla 26:22

Nsu ni, Katɔti údie-mi na bana enu kemmo. Anwuɔsu na mmu nli ngba muudie ɔmɛni kenye taatina amii benengu ku bekyuli ƒui lɛnɔ. Lɛla lɛni na mɔɔsu mɛni ni, ani kani na Katɔti kenye bediene ku Mose bene ƒui básu ka lɛdubɔlɛ.

Batalane Kabla 7:10

na únyeku-nwu na ɔ́da-nwu údie nwuna lɛbibo ku kɔnyana buwulo kemmo. Katɔti úte-nwu lɛnunda bonwu. Anwuɔsu Egyipte Ɔga Ƒarao ɔ́yɔ-nwu litemi na úti-nwu ɔ́bla Egyipte kalɔ ƒui lɛlɔ ɔnune ku nwuna kaduli ƒui ala lɛlɔ ɔnune lɛnɔ.

Korintoƒuɔ 2 8:16

Na bɔɔgyá Katɔti enu, ɔsika ɔ́ya na anumi eegyie Tito lɛnɔ ka ubunku-mii aani abu kalɛ.