Nehemia 2:3 - Katɔti Ɔku Kedee

³ Nsu líse kayi na lɛ́su ɔga ɔmmɔ nnini, “Ƒula lɛgadi lise liteesie uwi ƒui! Bi ɔsu na utalɛka mina anumi adu kɔnyana? Ɔsika bula ɔma unengudi ɔni kemmo na báva mina bati kuuku awodu ani bátu bámana ƒui áƒɛ éwi kalɔ. Na bátu ogya bákya ana kɔyakun ƒui.”

Nehemia 2:3 Iomraidhean Croise

Baga 1 1:31

Amu na Bat-Seba ɔ́lɛ akɔnkɔ na úti anumi úbi kalɔ na ɔ́su ɔnini, “Muuvele nnii, mina ati Ɔga Dawid ulie ngba gyɔlɔɔ!”

Baga 2 25:8

Na lɛkwa leevu-yaalenwi na kɔbuli kɔlɔndi na limeyi maatɛdi na Babilonƒuɔ Ɔga Nebukadnesar lɛga bɔdi kemmo ni, Nebusaradan ɔni ndi Ɔga Nebukadnesar kasusu ɔkyane ku bekpone ɔtɔnkune útéduo Yerusalem.

Ala Alɛdi 2 21:20

Akwa avlaatɛ-anyɔ na Yehoram ɔ́ƒɔ asa na únwini ɔga. Na úlie Yerusalem mmɔ ɔ́di lɛga akwa maane. Na ukyuli ɔdi útewulo kɔnyana ka úkpi asa na badubuti-nwu batáva na Yerusalem, nsu ɔɔɔdi kesii kani na baavá baga.

Ala Alɛdi 2 28:27

Ahas úbekpi na báva na Yerusalem, nsu ɔɔɔdi baga kɔƒiɔtɔ kemmo. Na ɔmmɔ kama bése ubidi Hesekia lɛga na nwuna kenyekɔ.

Ala Alɛdi 2 32:33

Uwi ɔni na Hesekia úkpi ni, báva-nwu na kesii kani na bédie bése sɛsɛɛ ka bataava baga bani lɛlɔ mbo ɔbu geen. Na ukyuli biala na Yuda ku Yerusalem bábu-nwu. Ɔmmɔ kama na bébese ubidi Manase Yudaƒuɔ Ɔga.

Ala Alɛdi 2 36:19

Ɔmmɔ kama bátu ogya bákya Katɔti kakpakɔ kammɔ na báƒɛ Yerusalem awodu ammɔ béwi kalɔ, na bákyula baga kesii kammɔ ƒui na bébile ala ani náƒɔ kuye mmɔ ƒui.

Nehemia 1:3

Amu na bédie kenye ka bani nébu na bátakana-ma buƒie mmɔ bakya lɛbibo ku kɔƒa bonwu kɔdi kemmo geen. Ɔsika Yerusalem awodu ani na áka ámana ɔma ɔmmɔ ƒui áƒɛ éwi kalɔ. Na bákyula ana kɔyakun lɛnɔ.

Nehemia 2:13

Amu na lɛ́vi lɛ́lɛ Yerusalem na nkɛ kɔwɛ kayakun kani nkya ɔƒɛ kanukɔ kakɛ, na ńtásia kada kesii kani na ntu bɔdi bɔɔlɛ́ na nkɛ ńtáda lɛ́lɛ kayakun kani beewiakun alakpi. Uwi ɔni ƒui nkɛ mmɔ ni, na mɔɔtɛ anu taanu awodu ani náƒɛ éwi kalɔ ku kɔyakun lɛpunu lɛni bákyula.

Ester 8:6

Ɔsika lɛɛɛdubo bɔkana bulie bɔnu na ɔgbankpi bonwu ɔmɛni udu ubo mina kadi bekyuli lɛlɔ na bakyula-ma ƒui.”

Kɔgya 102:14

Atabi ammɔ muedi áƒɔ abu ƒula kabla bablane kuye nsu kalɛ na bébo-nya bábwɛ bébile na ɔtumu ɔ́ƒɔ-nya lɛlɔ ɔɔdu-bu kaƒɔ.

Kɔgya 102:15

Na ɔmmɔ ɔsu ni, kadi bekyuli badubo Unwoti lɛnyi butaayia. Na kalɔ lɛlɔ baga ƒui badubo-nwu butaabu na banu kalɛ na uukeye.

Kɔgya 137:6

Na si lɛ́yiƒala-a iye ńteti awɔ Yerusalem ńtenwini mina lɛla lideedi lɛni mɔɔyá mɔɔkɛ́ lɛlɔyɔ ni, unyemi ɔsɔ utata-mi na mina kenye kemmo.

Kɔgya 38:7

Ɔlɛ ukpidi ɔ́ƒɔ-mi ɔlɔna kemmo ƒui na lɛlɔ kemmo káƒɔ-mi ogya.

Yeremia 52:12

Na lɛkwa leevu-yaalenwi na kɔbuli kɔlɔndi na limeyi leevudi na Babilonƒuɔ Ɔga Nebukadnesar lɛga bɔdi kemmo ni, Nebusaradan ɔni ndi Ɔga Nebukadnesar kasusu ɔkyane ku bekpone ɔtɔnkune útéduo Yerusalem.

Kɔnyana Buwulo 2:9

Sion lɛban kɔyakun ƒui kɔ́ƒɛ kúbi anumi kalɔ, na abuala ani mɔɔbala kɔyakun kɔmmɔ kenye ƒui kɔ́ƒɛ eku eku. Na nwuna baga ku bagadine bammɔ ƒui bénwini bekyuli beƒiedi na bakya kɔlɔ bamba kemmo. Nwuna bakpane basɔ balátina ala, na nwuna kenye bediene bammɔ lɛnɔ basɔ balakɛ linyesia lɛdi taasiku Unwoti kudɔ.

Daniel 2:4

Amu na bédie kenye na Siria lɛdi kemmo banini, “Bula Ɔga Ɔbune, bɔɔwia ka elie ngba uwi ƒui! Ƒula kabla bablane na bɔdi, anwuɔsu su-bu ƒula kɔna kɔni na égye na budie kuna kalɔ bute-ɔ.”

Daniel 3:9

Na básu-nwu banini, “Bula Ɔga Ɔbune, bɔɔwia ka elie ngba uwi ƒui!

Daniel 5:10

Amu uwi ɔni na nwuna uleku ɔga únu lɛla lɛni na ɔga ɔmmɔ ku nwuna banundane badaku ni, úbo úbeduo-ma kudɔ mmɔ na ɔ́su ɔnini, “Ɔga Ɔbune, mɔɔwia ka elie ngba uwi ƒui! Na tayia na ƒula anumi abla ƒuƒuu lɛni.

Daniel 6:21

Mmɔ na Daniel údie kenye ɔ́siku ubu kemmo ɔnini, “Mina Ɔga Ɔbune, muuvele nnii Katɔti ɔya na elie ngba uwi ƒui!

Daniel 6:6

Amu na bésie ɔga ɔmmɔ kudɔ na bátásu-nwu banini, “Ɔga Ɔbune, bɔɔwia ka elie ngba uwi ƒui!

Lewiƒuɔ Ɔda Bubo 26:31

Na ndubɔyila bina lɛma linengudi udu ku ekpo ani na biisié taatákpa na lini ala ani na bɛɛkyula mmɔ ɔnyi.