Nehemia 13:5 - Katɔti Ɔku Kedee

⁵ Anwuɔsu úte Tobia ɔtɔ ubendi ɔni na nka béteeti edula ebi akpala ku oloƒui ku kakpakɔ kabla ala ku etela lɛkpa leevudi lɛni na bekyuli bammɔ beeyi ku ntɛ ku nnɔ bɔni beete Lewiƒuɔ ku kakpakɔ lɛnu batune ku bagyumanane teese.

Nehemia 13:5 Iomraidhean Croise

Ala Alɛdi 2 31:11

Amu na ɔga ɔ́ya na bátu ala kesekɔ na kakpakɔ kemmo mmɔ. Na ka báwɔlɔ-ka bɔtu ni,

Ala Alɛdi 2 34:11

Na béti ɔkladi béte banwine ku batune na béti béye atabi ku ligyii lɛni na baawia na beti baklibi lɛtɔ bamba lɛni na Yuda baga bani néelie bábavi bátakana bɔklibi.

Nehemia 10:36

Na bula bebi bananabi bani na bula akɔ ɔdi biala ɔdubɔwɔ ni, bɔdubuti-nwu busienku ɔkpane ɔni nkya mmɔ na uti-nwu ɔkya Katɔti enu kemmo. Na lɛnɔ ni, bula ɔmantɛ bakɔ ku baƒonu ku bese ku bebuo bakladi bebi bedeedi bani badubɔwɔ ni, bɔdubuti-ma bɔkya Unwoti enu kemmo.

Nehemia 10:37

Na bɔdubuti bula ɔlaaƒɔ ɔni bɔ́kɛ bɔ́siku bula edula ebi ku adingyii ebi ku nnɔmii ku ntɛ bɔwɔdi busienku kakpakɔ ɔkpane ɔni nkya mmɔ lɛkwa biala na beti babla akpala. Na bɔdubuti bula ala lɛkpa leevudi busienku Lewini ɔni mɔɔví bula akpaklɔ taaƒɔ lɛkpa leevudi lɛmmɔ na likpo biala lɛni na bɔɔbla kabla.

Nehemia 10:38

Na bakpane bani nási Aaron kaba kemmo ku Lewiƒuɔ ɔlɛka basiaku lɛlɔ asa na bataaƒɔ bekyuli bammɔ lɛkpa leevudi. Na kakpakɔ kammɔ ala ni, Lewiƒuɔ badubuti ala buyi bɔmmɔ ana lɛkpa leevudi beteesienku Katɔti kakpakɔ kavumi kemmo.

Nehemia 12:44

Uwi ɔmmɔ kemmo ni, bédie bekyuli ka bátaanu kakpakɔ kammɔ etela kesekɔ lɛlɔ. Na etela ammɔ adi ndi etela lɛkpa leevudi ku edula ebi edeedi ku adingyii ebi edeedi. Na bekyuli bani na bédie mɛni mɔɔví taaƒɔ ala ammɔ na mmo bɔni nde lɛma libendi, na ama muudie bakpane ku Lewiƒuɔ ɔdi téteete-ma aani kalɛ na ɔda bubo bɔmmɔ bɔɔtina. Na bakpane ku Lewiƒuɔ bani nkya Yuda kalɛkɛ ƒui lɛlɔ lɛɛda bekyuli bammɔ ebiti.

Nehemia 13:7

na lɛ́tɔlɔ lísie Yerusalem. Mɛni na línu ɔbladu ukpidi ɔni na Eliasib ɔ́kya útaabla na údie ɔtɔ unwi úte Tobia na Unwoti Kaduli na uli-nwu kemmo.

Esekiel 40:38

Na ɔtɔ ɔni kemmo na adubɔsia eduo ɔban ɔmmɔ kemmo na katɔ kakɛ mmɔ ni, lɛ́nu ka ala kasiakɔ ine bɔlɛ. Inyɔ na ɔƒɛnyi unwi na inyɔ lɛnɔ na ɔƒɛnyi ɔkladi. Na nwuna lɛlɔ na baadú bebuo bani na baakyula taabla akpala. Na ɔtɔ ɔmmɔ kamadɔ ni, ɔtɔ blii ɔdi unye ɔni kemmo na baakpila bebuo bamɛni asa na badu-ma bakyula ƒui bete Unwoti na ɔƒɔ-nwu anu iye bakpa babla ekpidi lili buvele akpala.