Nehemia 13:4 - Katɔti Ɔku Kedee

⁴ Na asa na ɔmɛni ábalɛ ni, ɔkpane Eliasib béti bése ka utaanu Unwoti Katɔti ala kesekɔ ɔtɔ lɛlɔ. Na ɔ́si kukuuku ƒui ni, ɔkpane ɔmɛni ɔkpana ndi Tobia.

Nehemia 13:4 Iomraidhean Croise

Nehemia 12:10

Na Yesua ɔ́wɔ Yoiakim, na Yoiakim ɔ́wɔ Eliasib, na Eliasib ɔwɔ Yoiada,

Nehemia 12:44

Uwi ɔmmɔ kemmo ni, bédie bekyuli ka bátaanu kakpakɔ kammɔ etela kesekɔ lɛlɔ. Na etela ammɔ adi ndi etela lɛkpa leevudi ku edula ebi edeedi ku adingyii ebi edeedi. Na bekyuli bani na bédie mɛni mɔɔví taaƒɔ ala ammɔ na mmo bɔni nde lɛma libendi, na ama muudie bakpane ku Lewiƒuɔ ɔdi téteete-ma aani kalɛ na ɔda bubo bɔmmɔ bɔɔtina. Na bakpane ku Lewiƒuɔ bani nkya Yuda kalɛkɛ ƒui lɛlɔ lɛɛda bekyuli bammɔ ebiti.

Nehemia 13:28

Na ɔkpane Unengudi Eliasib ubidi Yoiada bebi bammɔ kemmo unwi úti Horonni Sanbalat ubidi ulekubi. Ɔmɛni ɔsu lɛ́bɔku-nwu lɛ́lɛku Yerusalem.

Nehemia 2:10

Uwi ɔni na Horonni Sanbalat ku Tobia ɔni ɔdi Amonni kabla ɔblane ɔdi bénu etemila amɛni ni, ékpoku-ma geen. Ɔsika bénu ka ukyuli ɔdi úbo ka ɔsɔku Israel ɔklibi.

Nehemia 3:1

Na ɔkpane unengudi ɔni baalɔ Eliasib ku nwuna bakpane bésie na bátátu kayakun kani baalɔ Baƒonu Kayakun, na bálɛmi-nwu kenye na béti bákya Unwoti enu kemmo. Na bátu katu taasia gyɔlɔɔ eti anyɔ na béti bákya Unwoti enu kemmo. Na bátu bétédu Hananel katu taasia gyɔlɔɔ lɛlɔ.

Nehemia 6:1

Na uwi ɔni na Sanbalat ku Tobia ku Arabini ɔni baalɔ Gesem ku bula bekisine bakladi bénu ka lɛ́sɔku awodu ammɔ lɛ́tu ɔni na ńtada kuƒi kɔdi ńtakya ina ka uwi ɔmmɔ ńtakya tɔ kɔyakun kɔmmɔ lɛpunu ni,