Nehemia 1:6 - Katɔti Ɔku Kedee

⁶ Anwuɔsu buvele nda-a, se atu na ebimi anumi, na enu ami ƒula kabla ɔblane bɔkpali bɔni na mɔɔkpali-ɔ usien ku ɔƒɛ na ƒula kadi bekyuli Israelƒuɔ lili. Unwoti buvele muudie alaekpidi ani na ami ku mina kaduli bekyuli ku Israelƒuɔ ƒui bɔ́bla kalɔ ka eti-nya kyiɛ-bu.

Nehemia 1:6 Iomraidhean Croise

Baga 1 8:30

Anwuɔsu nu ƒula kabla ɔblane ku Israelƒuɔ bɔkpali si bénye mɛni bákpali-ɔ. Na enu asiku katɔ, kesii kani ndi ƒula keliekɔ. Na si enu ni, na eti bana ekpidi akyiɛ-ma.

Baga 1 8:47

Nsu bakana bavumana kayi na kɔlɔ kɔni lɛlɔ na béƒie-ma bátákya mmɔ na bavumana kasusu na bevele-ɔ basu banini, ‘Bɔ́bla likpidi bɔ́ƒiɔ-ɔ na bula likyulikpi ku kalala ala bɔbla kemmo.’

Ala Alɛdi 2 28:10

Na si bíti Yudaƒuɔ ku Yerusalemƒuɔ bínwini bina kabla bablane ni, amii lɛnɔ bɛ́bla likpidi aani kalɛ na ama bábla báƒiɔ Unwoti.

Ala Alɛdi 2 29:6

Bula bati kuuku badi ɔbladu útadia bɔnu munu munu, ɔsika bátasiaku-nwu kama siin. Na ɔɔɔdi ɔmmɔ lɛti mmomu béni Katɔti kakpakɔ muedi ƒui kede kede.

Ala Alɛdi 2 6:40

“Unwoti Katɔti, nu-bu bɔkpali si buuvele-ɔ lɛla lɛdi taasiku kakpakɔ kamɛni kemmo.

Esra 10:1

Uwi ɔni Esra ɔkya uubó lɛlɔ taava kalɔ na uuwulo taakpali Katɔti na uudie bana alaekpidi kalɔ teevele buti taakyiɛ na Katɔti kaduli ni, bekyuli lisu pii bábaka bámana-nwu na badi beleku ku banana ku banamu na ama lɛnɔ bakya beewulo momoomo.

Esra 10:11

Anwuɔsu ɔƒaani ni, bidie bina ekpidi kalɔ bɛtina bina Unwoti ɔni ndi bina bati kuuku Katɔti na bivele-nwu. Na bɛbla lɛla lɛni mayɔ-nwu kaƒɔ. Na bɛda lɛlɔ bɛmami kadi bamba bekyuli bani na beli bámana-mii mmɔ lɛlɔ na bɛnyonu bana beleku bammɔ.”

Nehemia 1:11

Ɔmɛni ɔsu, O Unwoti, se atu na enu ƒula kabla ɔblane ku ƒula kabla bablane bani mɔɔbu ƒula lɛnyi bɔkpali. Na ɔmwi kadi kamɛni ni, na ɔga ɔmmɔ ɔnu-mi kɔnyana na etemila ani ndubo bɔda bɔva-nwu anumi lɛlɔ.” Uwi ɔmmɔ kemmo ni, ami Nehemia nátaaƒɔ ntɛ teete ɔga ɔmmɔ.

Kɔgya 102:17

Na ɔdubunu bawabane ƒui bɔkpali na ɔbla ala ani beevele-nwu ute-ma.

Kɔgya 106:6

Bɔ́bla alaekpidi bɔ́ƒiɔ-ɔ aani kalɛ na bula bati kuuku báƒiɔ-ɔ kalɛ kani. Bɔ́bla likyulikpi ku kalala.

Kɔgya 130:2

Nu-mi lɛdi na ese atu na enu mina keku kani muuwulo teevele kebunku.

Kɔgya 32:5

Amu na lɛ́nu mina alaekpidi lɛ́ti na lɛ́su nnini, “Ndubudie mina bɔƒiɔ ƒui kalɔ lite awɔ Unwoti.” Lídie-nya kalɔ líte-ɔ sɔsɔ na nteti ɔdi ntabɛla-a. Anwuɔsu awɔ lɛnɔ ti kyiɛ-mi.

Kɔgya 34:15

Unwoti ɔɔnu bekyuli bani nse siin lɛlɔ, na uunú bana bɔkpali.

Kɔgya 55:17

Ɔtanta ku ɔƒiiwi ku usien ƒui ndubɔkpali Katɔti, na liwulo lɛkya-nwu na ala ani muukpóku-mi ɔsu. Na ɔdubunu ute-mi.

Kɔgya 88:1

O Unwoti Katɔti ɔni mɔɔƒɔ́-mi ngba, ƒula anumi na muunye taakpali usien ku ɔƒɛ.

Yesaia 6:5

Amu na lɛ́su nnini, “Mina bɔkywi uwi údu, ɔsika alaekpidi ɔblane na ndi na alaekpidi bablane kaba kemmo na lɛ́si, nsu mina anumi ánu Ɔga ɔni ndi Unwoti Katɔti Ɔyikune Ƒui!”

Kɔnyana Buwulo 5:7

Bula bati bene nábla likpidi na ama béekpi, nsu abu nnye mɔɔƒɔ bana ekpidi ammɔ kayu.

Daniel 9:15

“Unwoti bula Katɔti, awɔ ɔlati ƒula kɔnu kɔni na eeti taabla ɔyikun ala na éti édie-bu ásiku Egyipteƒuɔ enu kemmo, na áya na ƒula lɛnyi lísie ɔgyu úti úbedu ɔmwi limeyi lɛmɛni lɛlɔ, nsu alaekpidi bonwu bonwu bɔbla lɛlɔ kani na bɔmu bunye.

Daniel 9:20

Mmu nnye muudie mina alaekpidi kalɔ ku Israel adi ƒui teete Unwoti Katɔti, na muuvele kalɛ na lɛla biala lɛtɛ lite Yerusalem,

Daniel 9:4

Na lɛ́kpali Unwoti mina Katɔti kpakplaa geen lɛ́su nnini, “Bula Unwoti, adi Katɔti ɔni na ébomo na ƒula lɛlɔ libo liƒu geen. Na bekyuli bani na baayɔ́-ɔ na beenú ƒula litemi ni, alalɛ ƒula linyese lɛni na ényimiku-ma kama kudii.

Daniel 9:5

Nsu bɔ́bla alaekpidi bonwu na bɔ́ƒiɔ-ɔ geen na bɔ́ta búnye-ɔ lɛlɔ, na búni ƒula ɔda bubo ku ala ani na átina-bu.

Daniel 9:8

Bula baga ku bakutine benengu ku bula bati ƒui bebunku.

Luka 18:7

Na ɔƒɛni ni, bɔtɛ na Katɔti ulatɛ litemi uledie nwuna bekyuli bani muuwulo taakpali-nwu usien ku ɔƒɛ banii ubunku-ma? Munuu bɛɛkali bɛnii ɔdubɔkpɛ kama ku bana bɔƒɔ?

Eƒesoƒuɔ 2:3

Lɛni geen na abu lɛnɔ búlie ngba aani bana kalɛ na bɔ́siaku bula ɔlɔna ɔkwɛ adala kama na bɔ́bla ala ani na bula ɔlɔna ku kasusu kaayɔ́. Na ka bula ukyuli udu útavumanaku bani mɔɔbla ala ammɔ udu ɔsu ni, bɔ́manku ka Katɔti ɔni abu lɛnɔ kɔtu aani bekyuli bakladi kalɛ.

Timoteo 1 5:5

Na ukpinele ɔni neeebo ubunkune ni, uuti nwuna anu ƒui taasia Katɔti lɛlɔ na ɔɔkpali Katɔti usien ku ɔƒɛ ka ɔɔwia-nwu kebunku ɔsu.

Timoteo 2 1:3

Mɔɔgyá Katɔti ɔni na mɔɔkpá enu aani kalɛ kani na mina bati kuuku bátaabla. Na mɔɔbla lɛni na kayi kani naaadu-mi kɔtɔ kemmo. Lɛnɔ ni, mɔɔgyá-nwu enu usien ku ɔƒɛ na muuvele na ƒula lili si mɔɔkpali katɔ.

Yohane 1 1:9

Nsu ka Katɔti use siin na ɔdi bula kama kekpokɔ ɔsu ni, si búdie bula alaekpidi kalɔ bɔ́tina-nwu ni, ɔdubɔnu-bu kɔnyana na uti bula alaekpidi ɔkyiɛ-bu na ɔbla-bu sɛɛn ɔlɛku ala ani mɔɔyá na buusé lɛlɔ ƒui kemmo.

Samuel 1 15:11

“Úduo-mi geen ka lɛ́ya na Saul ɔ́di lɛga, ɔsika únwini kama ɔ́kya-mi na útadi mina kenye kani na lɛ́su-nwu lɛlɔ.” Lɛla lɛmɛni líkpoku Samuel geen, anwuɔsu útalɛɛ, mmomu ɔkya ɔɔkpali Katɔti teevele usien umodi ɔmmɔ.