Nehemia 1:11 - Katɔti Ɔku Kedee

¹¹ Ɔmɛni ɔsu, O Unwoti, se atu na enu ƒula kabla ɔblane ku ƒula kabla bablane bani mɔɔbu ƒula lɛnyi bɔkpali. Na ɔmwi kadi kamɛni ni, na ɔga ɔmmɔ ɔnu-mi kɔnyana na etemila ani ndubo bɔda bɔva-nwu anumi lɛlɔ.” Uwi ɔmmɔ kemmo ni, ami Nehemia nátaaƒɔ ntɛ teete ɔga ɔmmɔ.

Nehemia 1:11 Iomraidhean Croise

Ala Kalɔ Buse 24:42

“Na uwi ɔni na ḿbedu libiɔ lɛmmɔ kɔtu ɔmwi ni, lɛ́kpali Katɔti lɛ́su-nwu nnini, ‘O Unwoti mina ɔtɔlati Abraham Katɔti, si ɔ́yɔ-ɔ kaƒɔ ni, na aya na lɛla lɛni ɔsu na muusié ulu ɔmɛni ubo-nwu kemmo lɛni.

Ala Kalɔ Buse 32:11

Muuvele-ɔ nnii die-mi na lɛlɛ sɛɛn na mina ɔnwani Esau enu kemmo. Ɔsika mɔɔyia ka ɔdubo bɔta na ubekpoku-mi ku mina beleku ku bana bebi.

Ala Kalɔ Buse 32:28

Amu na ɔnana ɔmmɔ ɔ́su Yakob ɔnini, “Asɔ aladi lɛnyi anii Yakob. Mmomu bekyuli badubɔlɔ-ɔ banii Israel, ɔsika énye asiaku Unwoti Katɔti ku bekyuli na ádi lɛlɔ.”

Ala Kalɔ Buse 40:1

Uwi ɔdi kemmo na Yoseƒ ɔtɔ bɔkya kama ni, Egyipteƒuɔ ɔga ɔmɛni benengu akɔ inyɔ badi lɛnɔ bábakya-ma ɔtɔ, ɔsika báƒiɔ Ɔga Ƒarao. Unwi ɔdi ukyuli ɔni mɔɔda ɔga ɔmɛni ntɛ bɔni na ɔɔní teesienku-nwu. Na unyɔdi ɔdi ukyuli ɔni muuƒí nwuna bodobodo.

Ala Kalɔ Buse 40:2

Bɔƒiɔ bɔni na báƒiɔ mmɔ ni, bɔ́ya na Ɔga Ƒarao úti kɔnyi geen na bana lɛlɔ.

Ala Kalɔ Buse 40:21

Na ɔ́ya na ukyuli ɔni mɔɔnu-nwu ntɛ lɛlɔ ɔ́sɔ úsie úténye nwuna kabla kenye.

Ala Kalɔ Buse 40:23

Ka ala amɛni ƒui ébo ábavi lɛni ni, ntɛ lɛlɔ ɔnune ɔmɛni útenyimo Yoseƒ aani kalɛ na ɔ́su-nwu. Mmomu ɔ́yiƒala-nwu.

Ala Kalɔ Buse 41:9

Ɔmmɔ kama ni, Ƒarao ntɛ lɛlɔ ɔnune unengu ɔmmɔ ɔ́su ɔnini, “Ɔmwi na lɛla lɛni mɔɔlɛ́ mɛni lɛ́ya na línyimo lɛla lɛni na ɔlɛka lɛbla, nsu ńtabla!

Ala Kalɔ Buse 43:14

Na muuvele Unwoti Katɔti nnii ɔnu-mii kɔnyana na ɔya na ɔnana ɔmmɔ kayi kayɔ na ɔnyonu Benyamin ku ɔnwani ɔni na úƒie úse, na basiaku-mi na bɛsɔ binwini bibo. Nsu ami amu ni, si kukpi kɔ́du-mi ni, bɔdu na kɔ́du-mi.”

Ala Alɛdi 2 6:40

“Unwoti Katɔti, nu-bu bɔkpali si buuvele-ɔ lɛla lɛdi taasiku kakpakɔ kamɛni kemmo.

Esra 1:1

Na Persia kalɔ Ɔga Kores lɛga bɔdi lɛkwa lideedi kemmo ni, Unwoti úti ɔ́sia-nwu kayi ka ute bɔti bɔdi na nwuna kalɛkɛ lɛlɔ ƒui kalɛ na Yeremia kenye kani na ɔ́su kebo-nwu kemmo na ɔ́ya na bénweni lɛla lɛmmɔ bése.

Esra 7:6

Na Esra ɔmɛni lɛnɔ ɔ́si Babilon úbo. Na ɔdi ala ɔtinane ɔni ngyi Mose ɔda bubo etemila ani Israelƒuɔ Katɔti úti úte-ma kaduɛ. Na lɛla biala na úye ɔga ɔmmɔ ni, uuti-ni teete-nwu, ɔsika nwuna Unwoti Katɔti ɔsiku-nwu geen.

Nehemia 1:6

Anwuɔsu buvele nda-a, se atu na ebimi anumi, na enu ami ƒula kabla ɔblane bɔkpali bɔni na mɔɔkpali-ɔ usien ku ɔƒɛ na ƒula kadi bekyuli Israelƒuɔ lili. Unwoti buvele muudie alaekpidi ani na ami ku mina kaduli bekyuli ku Israelƒuɔ ƒui bɔ́bla kalɔ ka eti-nya kyiɛ-bu.

Nehemia 2:1

Na kɔbuli kunedi kama na lɛkwa aavlanyɔdi lɛmmɔ kemmo kani ni, na Ɔga Artasasta ɔ́kya ɔɔdi, ka líti nwuna ntɛ lísienku-nwu ni, ɔga ɔmmɔ ɔ́nu ka mina anumi ábla kɔnyana geen.

Nehemia 2:8

Na asɔ ete-mi kakunkɛ kabambadi lisienku Asaƒ ɔni mɔɔnu ɔga ɔmmɔ lɛku lɛlɔ teete-nwu, kalɛ na anwu lɛnɔ wete-mi kugyiikɛ kɔni ndubuti lɛnwi lɛpunu lɛkya kakpakɔ kɔyakun ku awodu kɔyakun ku kaduli kani kemmo ndubulie kayakun.” Na ɔga ɔmɛni úte-mi kɔkunkɛ kɔmɛni ƒui, ɔsika Unwoti ɔsiaku-mi ɔsu.

Kɔgya 106:46

Na ɔ́ya na bana bekisine baanu-ma kɔnyana.

Kɔgya 130:2

Nu-mi lɛdi na ese atu na enu mina keku kani muuwulo teevele kebunku.

Kɔgya 61:5

Énu ala ani lɛ́kpali-ɔ líse kenye ka mabla, O Unwoti. Na kadikɔ kani na eete bekyuli bani mɔɔyia-a ni, aka na éte ami lɛnɔ.

Kɔgya 86:6

Unwoti, buvele se atu na enu kalɛ na mɔɔkpali-ɔ ku keku nnii bunku-mi.

Agba 1:29

Ɔsika bíkisi lɛlati na bítaƒuna ka bitaayia Unwoti ku ɔbu.

Agba 21:1

Ɔga ɔni mɔɔdi lɛlɔ kayi kese aani ketu kani mɔɔgbá. Na Unwoti mɔɔtɔnku-ka na kaagbá taavi kesii kani na ɔɔyɔ́.

Yeremia 42:12

Na ndububo-nwu lɛlɔ bunye muedi na ɔsɔku bina mmo ute-mii.

Malakai 3:16

Bekyuli bani ƒui mɔɔsiaku Unwoti ulu siin lɛlɔ bése kalɔ baatɛmi taasiku litemi lɛmɛni lɛlɔ. Na ka Unwoti ɔ́nu lɛla lɛni mɔɔlɛ́ ni, ɔ́ya na bénweni-ma anyi bákya nwuna ɔku kemmo.

Hebriƒuɔ 13:18

Bɛkpali katɔ na bula lili. Bɔgyi nwaa ka bula kayi kaladu-bu kɔtɔ kɔdi. Na bɔɔyɔ́ ka butaabla lɛla lɛni ndia uwi biala.