Nehemia 1:10 - Katɔti Ɔku Kedee

¹⁰ “Anwuɔsu muuvele-ɔ ka ƒula bekyuli ku kabla bablane na badi na awɔ néti ƒula ɔyikun bonwu ékpo áƒɔ-ma.

Nehemia 1:10 Iomraidhean Croise

Kɔgya 136:12

Údie nwuna kɔnu na ɔ́bla ɔyikun ala úte-bu. Ɔsika ɔɔyɔ́-bu uwi ndi uwi.

Kɔgya 74:2

Tayiƒala ƒula kadi bekyuli bani na awɔ ɔlati áƒuna na édie-ma ése aani kaba bekyuli bani ndubɔdi ƒula ala. Kali nu Sion Kɔbi kesii kani na ábla na ɔdi ƒula keliekɔ dii.

Kɔgya 89:14

Ƒula bɔyɔ bɔni na aayɔ́-bu uwi ndi uwi ku kalɛ na asia ƒula litemi kama ntɔ-ɔ anumi na uudie-ɔ keyi ka ƒula lɛgadi lɛmmɔ ƒui linye kpakplaa lite ala bɔbla siin ku litemi bɔtɛ na ulu lɛlɔ.

Israelƒuɔ Bɔlɛ 13:14

“Na si ƒ'ubidi ɔnanabi úye-ɔ limeyi lɛdi ɔnini, ‘Lɛla lɛmɛni kalɔ ndi bi’ ni, na asu-nwu anii, ‘Ɔkɛnku Katɔti kɔnu ɔyikun ablala ɔsu na údie-bu ɔ́lɛku bekyuli bamba kabla bɔbla kalɔ na Egyipte kalɔ lɛlɔ.’

Israelƒuɔ Bɔlɛ 13:16

Na ɔmɛni ɔdubɔbla likposela ɔsia-mii kɔnu ku atɛntɛ ka Unwoti ɔkɛnku nwuna kɔnu ɔyikun lɛlɔ údie-bu ɔ́lɛku Egyipte kalɔ lɛlɔ.”

Israelƒuɔ Bɔlɛ 13:3

Amu na Mose ɔ́su Israelƒuɔ bammɔ ɔnini, “Bise limeyi lɛmɛni likpo. Ɔsika lɛdi limeyi lɛni na bɛ́lɛ Egyipte kalɔ lɛlɔ na kesii kani na bɛ́kya bítaabla-ma kabla. Na ɔkɛnku Unwoti ɔyikun kabla kani na údie nwuna ɔyikun ɔ́bla ɔsu na ɔ́kpanku-mii ɔ́lɛku mmɔ. Anwuɔsu ukyuli biala utadi bodobodo ɔni na bɔnyii bɔkya-nwu kemmo limeyi lɛmmɔ lɛlɔ.

Israelƒuɔ Bɔlɛ 13:9

Si bɛɛsia limeyi lɛmɛni anu taadi-ni ni, ɔdubunwini aani likposela ɔsia-mii kɔnu iye atɛntɛ ka ɔdi ka Unwoti ɔda bubo bɔsia-mii enyekuli lɛlɔ uwi ndi uwi. Ɔsika Unwoti ɔkɛnku nwuna kɔnu ɔyikun lɛlɔ na udie-mii ɔ́lɛku Egyipte kalɔ lɛlɔ.

Israelƒuɔ Bɔlɛ 15:13

“Adubɔtɔnku ƒula bekyuli ka aayɔ́-ma uwi ndi uwi ɔsu. Ƒula bekyuli bani na ékpo áƒɔ. Na ɔkɛnku ƒula ɔyikun lɛlɔ ɔsu adubɔtɔnku-ma etéduoku ƒula kalɔ kedee kemmo.

Israelƒuɔ Bɔlɛ 32:11

Amu na Mose úvele kɔnyana bɔnu na Unwoti Katɔti kudɔ ɔnini, “Unwoti, bi ɔsu na éti kɔnyi ákya ƒula bekyuli lɛni? Ƒula bekyuli badi, na éti ƒula ɔyikun bonwu na áda-ma édie Egyipte kalɔ lɛlɔ.

Israelƒuɔ Bɔlɛ 6:1

Amu na Unwoti ɔ́su Mose ɔnini, “Ɔƒɛni na adubo bɔnu lɛla lɛni na ndubo Ƒarao bɔbla. Ɔkɛnku mina ɔyikun kabla lɛlɔ ɔsu ni, ɔdubo Israelƒuɔ ulu budie. Na bɔbɔku na ɔdubo-ma bɔbɔku bɔlɛku nwuna kalɔ lɛlɔ.”

Israelƒuɔ Bɔlɛ 6:6

“Anwuɔsu sie na atásu Israelƒuɔ anini, ‘Ami ndi Unwoti, na ndubo-mii budie bɔsiku lɛbibo ugyigba ɔni na Egyipteƒuɔ bétile-mii kalɔ. Na lɛya na bɛkɛ bɔnwuna na bɛsɔ bilabla-ma kabla lɛnɔ. Na ndubudie mina kɔnu na lɛbla ɔyikun ala ebendi na bana akɔ liti lɛtɛku-ma litemi.

Israelƒuɔ Bɔlɛ 6:7

Na ndubuti-mii lɛbla aani ami ɔlati mina bekyuli geen na lɛbla bina Katɔti. Na ɔmɛni ɔdubɔya na bɛnu bɛti ka ami Unwoti bina Katɔti nédie-mii lɛ́lɛku lɛbibo kalɔ na Egyipte.

Yesaia 64:9

Unwoti, teti kɔnyi takya-bu tetulo kalɛ na ɔ́manku. Na sɔ tenyimo bula ekpidi eteesienku ƒui. Mmomu ni, Ati, bɔɔkpali-ɔ ka anu-bu kɔnyana, ɔsika awɔ ɔdi kani na bula ƒui bɔdi.

Lɛkpa Ulu 15:15

Na binyimo ka amii lɛnɔ bɛ́ɛbla bekyuli kabla na Egyipte kalɔ lɛlɔ dii. Nsu bina Unwoti Katɔti úbada-mii údie lɛbibo lɛmmɔ kemmo na bɛ́kɛ bɔnwuna. Anwuɔsu na uubó-mii ɔda ɔmɛni.

Lɛkpa Ulu 9:29

Ɔmɛni ƒui kama ni, bekyuli bamɛni na áƒuna na éti-ma ábla ƒula badi. Na ama na édie álɛku Egyipte kalɔ lɛlɔ ɔkɛnku ƒula ɔyikun bonwu ku ɔlɔkplu ɔsu.”