Marko 8:6 - Katɔti Ɔku Kedee

⁶ Yesu ɔ́su bana ƒui ɔnii basɔ belie kalɔ. Amu na úti bodobodo maatɛ ɔmmɔ, na ɔ́gya Katɔti enu, na ɔ́bwɛ-nwu kɔkɛ kɔkɛ, na úti úte nwuna batɛyane ɔnii beti bete bekyuli bamɛni ƒui. Ama lɛnɔ béti béle béte-ma.

Marko 8:6 Iomraidhean Croise

Koloseƒuɔ 3:17

Na lɛla biala lɛni na bɛɛsu iye bɛɛbla kemmo ni, bɛbla-ni na Blɔti Yesu lɛnyi kemmo. Na bitaagya Katɔti enu taasiaku Blɔti Yesu lɛlɔ.

Romaƒuɔ 14:6

Ukyuli ɔni mɔɔbu limeyi lɛdi ni, Blɔti na uute ɔbu. Na ukyuli ɔni na adila adi lɛnɔ na ɔɔdi ni, Blɔti na uute ɔbu, ɔsika ɔ́gya Katɔti enu na ana lili. Na ukyuli ɔni néni na uládi adila adi lɛnɔ ni, ɔɔbla lɛni teeti taabu Blɔti. Na ɔɔgyá Katɔti enu.

Yohane 6:23

Uwi ɔmmɔ kemmo ni, lɛkɔlɔ bamba lɛni nási Tiberia líbo líbedi línye-ma kudɔ na kesii kani na Yesu úti bodobodo úte-ma na bádi mmɔ uwi ɔni na Blɔti ɔ́gya Katɔti enu ɔ́wɔlɔ kemmo.

Yohane 2:5

Mmɔ na Yesu uni ɔ́su kabla bablane bani nnye mmɔ ɔnini, “Binye kagyumana na bɛbla lɛla lɛni na wasu-mii ɔnii bɛbla.”

Luka 24:30

Úlie kalɔ ɔnii ɔɔdiku-ma. Na úti bodobodo na ɔ́gya Katɔti enu, na ɔ́bwɛ-nwu kemmo na úti úte-ma.

Luka 12:37

Kabla bablane bammɔ badubɔkɛ ebiti geen si bana Unwoti úbanu-ma ka benye kagyumana bete nwuna bɔsɔ bubo! Mɔɔsu-mii ka ni, ɔdubɔsabla kɔdi lɛlɔ use, na ɔya na belie kalɔ na anwu alati ute-ma adila na badi.

Mateo 26:26

Uwi ɔni na Yesu ku nwuna batɛyane belie baadi ni, úti bodobodo. Na ka ɔ́gya Katɔti enu ni, ɔ́bwɛ-nwu kɔkɛ kɔkɛ na úle-ku úte-ma. Ɔ́su ɔnini, “Bɛƒɔ ɔmɛni na bɛdi. Ɔmɛni ndi mina ɔlɔna.”

Samuel 1 9:13

Na si bíduo ɔma ɔmmɔ kemmo kani ni, bɛdubo-nwu bɔnu asa na weti wataakɔ utádi na kesii kani na lɛkpabi lɛmmɔ linye. Na bekyuli bammɔ baaadubo bɔdi tɔ wetédu uwi ɔni na úbo, ɔsika anwu na ɔdi ka úti enu ɔ́sia adila ammɔ lɛlɔ úwi-nya kusɛ kusɛ, asa bekyuli bani na bálɔ béboku mmɔ bese kalɔ ku bɔdi. Bɛkɔ bisie mmɔ, na bɛdubɔkana na bɛnu-nwu uwi ɔmɛni lɛlɔ.”

Marko 8:5

Mmɔ na Yesu úye-ma ɔnini, “Bodobodo ɛlɛ na bɛda?” Básu-nwu banini, “Bodobodo maatɛ na bɔda.”

Marko 8:7

Ka bánu banii kɔkpaku blii kɔdi lɛnɔ kuse ni, Yesu úti aku lɛnɔ na ɔ́gya enu. Na úti-ku úte nwuna batɛyane ɔnii bele aku lɛnɔ bete-ma.

Marko 8:20

Yesu ɔ́sɔ úye-ma ɔnini, “Na uwi ɔni na lɛ́ƒɛ bodobodo maatɛ líte nkyuli mpim ine ni, kɔkɛ wɛlɛ wɛlɛ kɔni nébu ni, kɔgyigyɛ ɛlɛ na kúyi?” Básu-nwu banii, “Maatɛ.”