Marko 8:11 - Katɔti Ɔku Kedee

¹¹ Ƒarisiƒuɔ badi bébo Yesu kudɔ na bakya beeye-nwu etemila taakɔku-nwu taanu. Anwuɔsu básu-nwu banii ɔbla akɔla adi na banu ka Katɔti kudɔ na ɔ́si.

Marko 8:11 Iomraidhean Croise

Korintoƒuɔ 1 10:9

Na ɔɔɔdi ka bɔkɔku Blɔti bɔnu. Lɛni na bana badi bábla, na balakpi bádu-ma na békpi.

Mateo 12:38

Amu na ɔda bubo ala batinane ku Ƒarisiƒuɔ badi básu Yesu banii, “Ala ɔtinane, bɔɔwia ka abla akɔla budie taatina adi atina-bu kalɛ na bɔƒɔ-ɔ bɔdi.”

Malakai 3:15

Bɛnu kalɛ na lɛlɔ lɛɛyɔ́ bekyuli bani náta bénye-nwu lɛlɔ. Na ala aatɛku ukyuli biala na unye ɔɔbla likpidi na ina békpoku Katɔti bánu muedi na lɛla lɛdi lilábla-ma.’ ”

Lɛkpa Ulu 6:16

Na ɔdi utakɔku bina Unwoti Katɔti utanu aani kalɛ na bɛ́kɔku-nwu bɛnu na kesii kani baalɔ banii Masa mmɔ.

Yohane 4:48

Yesu ɔ́su-nwu ɔnini, “Si bítanu ka lɛbla akɔla budie taatina ni, biláƒɔ-mi biladi.”

Luka 11:16

Na babambadi lɛnɔ báyɔ ka bakywɛ Yesu kakpagyuɛ ɔsu básu-nwu banii ɔbla akɔla adi na uti udie ɔtina ka Katɔti náƒuna-nwu.

Israelƒuɔ Bɔlɛ 17:7

Anwuɔsu básia kesii kani na ntu bɔmmɔ bɔ́lɛ lɛnyi banii Masa, ɔni kalɔ ndi bɔkɔku taanu ku Meriba ɔni lɛnɔ kalɔ ndi Bɔdɔ, ɔsika mmɔ na Israelƒuɔ bammɔ bádɔ na bákɔku Unwoti bánu na béye banini, “Unwoti ɔkya-bu akɔ ɔƒɛni?”

Batalane Kabla 5:9

Petro ɔ́su-nwu ɔnini, “Bi ɔsu na awɔ ku ƒ'ɔgyani bɛ́kana bɛ́sa kenye bɛnii bɛɛsɔ Blɔti Kɔyu bɛnu? Aanu bakloƒu bani néti ƒ'ɔgyani bátáva. Ama kani ndubo-ɔ bɔgyu bɔlɛku.”

Yohane 7:48

Bíinu dii si benengu badi iye Ƒarisiƒuɔ badi báƒɔ-nwu bádi?

Yohane 6:30

Amu na básɔ béye-nwu banini, “Akɔla budie taatina bɔmani na adubɔtina-bu kalɛ na bɔƒɔ-ɔ bɔdi? Bi na aakana bɔbla?

Luka 10:25

Mmɔ na ɔda bubo ala ɔtinane ɔdi úbo ku kasusu ka ɔkɔku Yesu ɔnu. Na úye-nwu ɔnini, “Ala ɔtinane, bi na ɔlɛka lɛbla asa lɛkɛ ngba ƒui?”

Marko 12:15

Ɔlɛka bɔƒɔ, munuu butaƒɔ?” Nsu Yesu ɔ́ti ka anumi lɛlɔ bekyuli badi, na úye-ma ɔnini, “Bi ɔsu na bɛɛyɔ́ ka bɛkywɛ-mi kakpagyuɛ? Biti kaplɛ kadi bite-mi na lɛnu.”

Marko 2:16

Anwuɔsu uwi ɔni na ɔda bubo ala batinane bani nási Ƒarisiƒuɔ lɛkpa lɛmmɔ kemmo bánu ka Yesu ulie ɔɔdiku bekyuli bani lɛlɔ neeebo ɔbu mɛni ni, béye nwuna batɛyane banii, “Dɛ na ɔ́bla na anwu ku bekyuli bamɛni udu nlie mɔɔdi?”

Mateo 22:23

Na limeyi lɛmmɔ kani lɛlɔ ni, Sadukiƒuɔ bani mɔɔsu banii bekpine basɔ baláta bébo Yesu kudɔ.

Mateo 22:18

Nsu Yesu ɔ́ɔnu bana lɛkwɛ likpidi ɔ́ti ɔsu na ɔ́su-ma ɔnini, “Amii anumi lɛlɔ bekyuli! Bi ɔsu na bɛwia-mi litemi?

Mateo 22:15

Ƒarisiƒuɔ badi bátása na bábla kasusu banii betéwi Yesu kenye benu na bawia-nwu litemi.

Mateo 21:23

Amu na Yesu únwini úbo Katɔti kakpakɔ mmɔ. Na ka ɔɔtina ala ni, Katɔti bakpane benengu ku Yudaƒuɔ benengu bammɔ bébeye-nwu banii, “Kenyekɔ kamani na ebo asa na aabla ala amɛni udu? Na ɔma néte-ɔ kenyekɔ kammɔ?”

Mateo 19:3

Amu na Ƒarisiƒuɔ badi bésie-nwu kudɔ banii bétéwi-nwu kenye benu. Na béye-nwu banini, “Mose ɔda bubo úte kuƒi ka ɔnana ɔsia kasusu biala lɛlɔ na ɔnyonu ulekudi?”

Israelƒuɔ Bɔlɛ 17:2

Amu na bekyuli bammɔ bakya baadɔnku Mose banini, “Te-bu ntu na bɔni.” Mmɔ na Mose údie kenye ɔnini, “Bi ɔsu na bɛɛdɔnku-mi? Na bi ɔsu na bɛɛkɔ́ku Unwoti taanu?”

Yohane 8:6

Béye-nwu ɔmɛni banii beti bakywɛ-nwu kakpagyuɛ kalɛ na si ɔ́nu-ka kemmo ni, na bakɛ kasiakɔ na beƒie-nwu. Nsu Yesu ɔ́yu ɔ́ƒa na únweni ala na ɔtumu akɔ ku nwuna lɛnimi.

Marko 9:16

Yesu úye nwuna batɛyane ɔnini, “Bi lɛlɔ lɛsɛ na amii ku-ma binye bɛɛní?”