Marko 7:7 - Katɔti Ɔku Kedee

⁷ Keeke kani na baabla-mi kabla. Baatina kayawi lɛlɔ ala aani si mina ɔda bubo bɔdi.’

Marko 7:7 Iomraidhean Croise

Yesaia 29:13

Unwoti ɔ́su ɔnini, “Bekyuli bamɛni bada bana kenye kani baabu-mi, nsu balayɔ-mi na bana kayi kemmo. Keeke kani na baabla-mi kabla. Baatina kayawi lɛlɔ ala aani si mina ɔda bubo bɔdi.

Mateo 15:9

Keeke kani na baabla-mi kabla. Baatina kayawi lɛlɔ ala aani si mina ɔda bubo bɔdi.’ ”

Yakobo 1:26

Si ukyuli ɔdi ɔɔkali ɔnii ɔdi ɔƒɔtaadine buni na ulákana nwuna unyemi bɔda ni, ɔɔtɔ́lɔ lɛlɔ na nwuna bɔƒɔtaadi bɔmmɔ buuubo kɔsia kɔdi.

Koloseƒuɔ 2:22

Ala ani ƒui bényimi na básu-mii banii bitabla mmɔ ni, asɔ eeebo kɔsia kɔdi uwi ɔni na ana uwi ɔ́vi. Na kasusu kani béti asa na bényimi ala ammɔ ni, kayawi kamɛni kani kemmo na lɛnunda lɛmmɔ lɛ́si.

Mateo 6:7

“Na si bɛɛkpali katɔ ni, bitasu etemila keeke bitasia kama aani kalɛ na ama bani naaadi baƒɔtaadine baabla. Ama baakali banii bana butemi pii bɔdubɔya na bakɛ lɛla lɛni na baawia.

Tito 3:9

Na takyaku ukyuli ɔdi kɔdɔlɔ unyeƒi. Tebile uwi tete kaba bekyuli bɔka bɔdi, tadɔ na ataakya Mose ɔda bubo etemila lɛlɔ unyeƒi ɔdi. Ala amɛni ƒui eeebo kɔsia kɔdi.

Budie Taatina 22:18

Mɔɔlɛ ukyuli biala ɔni muunú kenye kani na Katɔti údie na ɔku ɔmɛni kemmo ka si úti lɛla lɛdi úbunku ala amɛni lɛlɔ ni, Katɔti ɔdubɔya na ɔgbankpi ɔni lɛlɔ kɔtɛ na bɔ́tɛmi na ɔku ɔmɛni kemmo ubo-nwu lɛlɔ.

Samuel 1 12:21

Biteni Unwoti na bitaakpa baƒiɔ. Ala ammɔ kama bɔsiaku buuubo kɔsia kɔdi. Na alakana-mii bubunku lɛnɔ, iye aƒɔ-mii na bina bekisine enu kemmo.

Lɛkpa Ulu 12:32

Na bɛnu ka bɛ́bla lɛla biala na líbo-mii ɔda nnii bɛbla. Na bitada ɔdi bitedie iye biteti ɔdi bitebunku.

Yakobo 2:20

Ɔdɔlɔdi! Bɔtina na nsɔ ndubo-ɔ bɔtina nnii bɔƒɔtaadi bɔni lɛlɔ na kabla keeebunku ni, bɔdi bɔƒɔtaadi bukpludi?

Malakai 3:14

“Binu lɛla lɛni na bɛ́su bɛnini, ‘Kɔdɔlɔ na kɔdi-bu ka bunye butaakpali Unwoti Ɔyikune Ƒui. Bi kɔsia geen na bɔɔkɛ́ si bunye bɔɔbu-nwu na bɔkɛ ku kɔnyana bɔɔví uwi biala?

Korintoƒuɔ 1 15:14

Na si Katɔti útagyila Kristo útalɛku bekpine akɔ bɔdi ni, na lɛsa lɛdi liiibo na bɔɔkɔ́ bute-mii. Na lɛla lɛdi lɛnɔ liiibo na bɛƒɔ bɛdi.

Korintoƒuɔ 1 15:58

Anwuɔsu ni, banwa, binye kpakplaa na bitagbanta. Na binye Blɔti kabla lɛlɔ uwi biala. Ɔsika bɛgyi ka lɛla lɛdi liiibo na bɛdubɔbla na Blɔti kabla kemmo na wabla keeke.