Marko 4:3 - Katɔti Ɔku Kedee

³ Ɔ́su-ma ɔnini, “Binu! Uwi ɔdi ni, ɔnana ɔdi úsie kemo ɔnii utágya edula adi.

Marko 4:3 Iomraidhean Croise

Yakobo 2:5

Banwa, binu! Bɛgyi geen ka Katɔti ɔ́ƒuna kayawi kamɛni bawabane ka babla nwuna badi. Na ka báƒɔ Blɔti Yesu Kristo bádi ɔsu ni, bénwini kɔyu kemmo ala bakɛne. Na ama ndubuduo Katɔ Ɔga Ɔma aani kalɛ na Katɔti ɔ́su bekyuli bani mɔɔyɔ́-nwu úse.

Mateo 13:26

Na uwi ɔni na edula ammɔ álɛ lili na ése kalɔ aanwu ni, alakpi ekpidi ani na ukisine ɔmmɔ ɔ́gya ɔ́kya edula ammɔ kemmo lɛnɔ ákwɛ.

Lɛkpa Ulu 4:1

Bɛdi ɔda bubo bɔni ƒui mɔɔtina-mii mɛni lɛlɔ kalɛ na bɛdubɔkana na bilie kalɔ kani na Katɔti ɔni ndi Bina Bati Kuuku Katɔti úti uute-mii lɛlɔ.

Budie Taatina 2:29

“Si bibo atu ni, na binu lɛla lɛni na Katɔti Kɔyu kɔɔsu baƒɔtaadine akpa ammɔ.”

Budie Taatina 2:11

“Si bibo atu ni, na binu lɛla lɛni na Katɔti Kɔyu kɔɔsu baƒɔtaadine akpa ammɔ. Anwu ɔni madi ekpidi lɛlɔ ni, uleduo kukpi kunyɔdi ɔgbankpi kemmo.”

Budie Taatina 2:7

“Si bibo atu ni, na binu lɛla lɛni na Katɔti Kɔyu kɔɔsu baƒɔtaadine akpa ammɔ. Anwu ɔni madi ekpidi lɛlɔ ni, ndubute-nwu ulu na ɔdi ngba kugyii kɔni nnye Katɔti Paradiso kemmo mmɔ ebi.”

Batalane Kabla 2:14

Mmɔ na Petro ɔ́ta únye na bana leevu-unwi bammɔ akɔ na ɔ́talaku lɛdi katɔ ɔnini, “Amii Yudaƒuɔ ku amii bani nli Yerusalem ƒui, mɔɔyɔ́ ka lidie ala amɛni ƒui kalɔ, anwuɔsu binu kaduɛ.

Marko 4:23

Anwuɔsu si bibo atu ni, na binu kaduɛ!”

Marko 4:14

Ala ɔgyane ɔmɛni ɔɔgya Katɔti litemi.

Marko 4:9

Kawɔlɔkɔ ni, Yesu ɔ́su-ma ɔnii, “Anwuɔsu, si bibo atu ni, na binu kaduɛ!”

Mateo 13:24

Yesu úbo-ma lɛgba lɛbambadi ɔnini, “Katɔti lɛga bɔdi litemi bugyingya buse aani ɔmɛni. Ukyuli ɔdi ɔ́gya edula abuni na nwuna kemmo.

Mateo 13:3

Mmɔ na ɔ́tina-ma ala pii na agba kemmo ɔnini, “Uwi ɔdi nébo úbavi ni, ukyuli ɔdi úsie utágya edula.

Yesaia 46:12

Bise atu na binu, bina atu ebo ɔkplu geen, na kalɛ na bɛkana na bilie ƒaa ku atu bɔyɔ bɔ́gyunku-mii.

Yesaia 46:3

“Amii bani nébu na Israel kalɔ lɛlɔ binu ami Unwoti lɛdi. Ɔsika ɔ́si limeyi lɛni na báwɔ-mii kani na líse kalɔ mɔɔnu-mii lɛlɔ, na nda-mii mɔɔvínku.

Etemila 11:6

Nye kabla lɛlɔ kpakplaa na akya edula lɛdigye ku useyi uwi ka aaagyi ani geen ndubo bɔdia iye si ana ƒui madia.

Agba 8:32

“Ɔmɛni ɔsu ni, mina bebi, binu-mi litemi, ɔsika lɛlɔ lɛdubɔyɔ bekyuli bani ƒui mɔɔsia-mi kasiakɔ.

Agba 7:24

Mina bebi, binu ala ani mɔɔsu-mii Na bise atu na ala ani mɔɔsu eduo-nya kemmo kaduɛ.

Kɔgya 45:10

O Ɔga ule ɔbuni, se atu kaduɛ na enu litemi lɛmɛni. Yiƒala ƒula lɛlɔ bekyuli ƒui ku ƒ'ɔti kaduli bekyuli ƒui.

Kɔgya 34:11

Amii mina bebi, bibo na binu lɛla lɛni na mɔɔsu-mii. Ndubɔtina-mii kalɛ na baayia Unwoti.

Marko 4:2

Uwi pii na nwuna ala bɔtina kemmo ni, agba na uubó teeti teedie lɛla lɛni na ɔɔyɔ́ ka ɔsu kalɔ taatina-ma. Ala ani na ɔ́tina-ma ndi amɛni.

Marko 4:4

Ka ɔkya ɔɔgya edula amɛni ni, adi álɛ ébo kuludɔ, na baasɛ bébo na bála-nya bádi.