Lewiƒuɔ Ɔda Bubo 1:3 - Katɔti Ɔku Kedee

³ “ ‘Ɔƒɛni si bebuo bɔkyula akpala na ɔdi ɔdanku ebuo ɔdi ka ubabla ni, na ɔƒuna ebuo ɔni nse sɛɛn na útasɔ kesii kadi na ɔdi ebuo ɔgyani. Na ebuo ɔmmɔ ni, Unwoti Adi Kevo kammɔ kayakun kenye na ɔdubuti-nwu uboku na lɛnu si ɔdia-mi.

Lewiƒuɔ Ɔda Bubo 1:3 Iomraidhean Croise

Ala Kalɔ Buse 22:13

Amu ka Abraham ɔ́talaku anumi ɔɔnu ni, ɔ́nu koƒonu kɔgyani bonwu kɔdi ka kunye na kuna ese ábala kugyii kɔdi kɔgba. Amu na úsie útédie koƒonu kɔmmɔ na úti-ku ɔ́kpa ɔ́bla akpala na ubidi ɔmmɔ kenye.

Ala Kalɔ Buse 22:2

Amu na Katɔti ɔnini, “Ta na eti ƒ'ubidi Isak unwi pɛ ɔni na aayɔ́ mmɔ, na eteesie Moria kalɛkɛ lɛlɔ. Mmɔ ni, tádu-nwu na akyula-nwu eti abla akpala ete-mi na kɔbi kɔni matina-a lɛlɔ.”

Ala Kalɔ Buse 22:8

Amu na Abraham údie kenye ɔnini, “Ubi, Katɔti ɔlati ndubute-bu koƒonu kɔni na bɔdubuti bɔbla akpala ammɔ.” Ka ɔ́su-nwu lɛni ni, básɔ béti bákɔ bésela.

Ala Kalɔ Buse 8:20

Amu na Noa ɔ́tu lɛkpabi lɛdi úte Unwoti na mmɔ. Na ɔmmɔ kama ni, úƒie bebuo bani nse sɛɛn mmɔ akɔ badi ku baasɛ bani nse sɛɛn na úti ɔ́kpa úte Unwoti na lɛkpabi lɛmmɔ lɛlɔ.

Ala Alɛdi 2 29:32

Na bebuo bammɔ bumomo bɔdi ɔmantɛ bakɔ liti ku aavlanyɔ ku baƒonu bagyani eti anyɔ ku baƒonu bakɔdi eti ene banii beti bakyula na babla akpala ani mɔɔyɔ́ Unwoti kaƒɔ.

Ala Alɛdi 2 35:12

Lewiƒuɔ bammɔ bédie bebuo bammɔ kɔdikɔ kɔdikɔ kɔni na badubuti babla bɔkyula ƒui ɔdi aani kalɛ na Mose ɔda bubo bɔɔtina bése bekyuli bani néboku bebuo bammɔ. Na lɛni kani na bábla ku ɔmantɛ bakɔ bammɔ lɛnɔ.

Kɔgya 110:3

Na uwi ɔmmɔ ni, adubulie ƒula lɛgaboku lɛlɔ na ada ƒula agala. Na ama bani na ásɔku ábla ɔwɔdi aani ɔtanta amii ƒui badubɔda balɛ ƒula keliekɔ kedee mmɔ.

Kɔgya 40:8

O mina Unwoti Katɔti, ƒula ɔda bubo bɔkya-mi kayi kemmo.”

Israelƒuɔ Bɔlɛ 12:5

Nsu kaduli biala bekyuli bebo kuƒi ka beti koƒonubi kɔgyani iye ketukpa kani náƒɔ lɛkwa linwi.

Israelƒuɔ Bɔlɛ 24:5

Mmɔ na Mose ɔ́tala bakloƒu badi na bádu ɔmantɛ bakɔ bakɔdi badi bákyula bábla unwi bɔbla akpala béte Unwoti.

Israelƒuɔ Bɔlɛ 29:18

Na akyula koƒonu kɔmmɔ ƒui na lɛkpabi lɛmmɔ lɛlɔ na ɔdubɔbla akpala bɔkyula ƒui uyɔ ɔnyi ƒɛƒɛɛ ɔni mɔɔyɔ́ ami Unwoti kaƒɔ.

Israelƒuɔ Bɔlɛ 29:4

Na akpanku Aaron ku nwuna bebi eboku Adi Kevo kammɔ kayakun kenye na abla-ma ntu bɔkpila ɔdi.

Israelƒuɔ Bɔlɛ 29:42

“Na lɛni na awɔ ku ƒula kaba ƒui bɛdubo akpala amɛni butaabla na Adi Kevo kammɔ kayakun kesii kani na ndubo mbasiaku-mii na lɛtɛmiku-mii.

Israelƒuɔ Bɔlɛ 32:6

Na nwuna lɛdigye uwi ni, béti bebuo badi na béti bábla bɔkyula akpala na badi lɛnɔ bábla unwi bɔbla akpala. Mmɔ na bekyuli bamɛni bése kalɔ baadi na baaní ntɛ teekpi na baabla lɛyalɛ ala.

Israelƒuɔ Bɔlɛ 35:21

Na ukyuli biala kubiti kɔ́da-nwu. Na bani nátuna ku kaƒɔ ƒaa béti etela bésienku Unwoti ka beti batu Kevo Kasakɔ kammɔ ku akpala lɛlɔ ala ku bakpane lɛwu kedee lɛmmɔ ƒui.

Israelƒuɔ Bɔlɛ 35:29

Na Israelƒuɔ beleku ku banana bédie kayi ƒaa na béti ala pii bésienku Unwoti ka beti babla kabla kani na Unwoti ɔkɛnku Mose lɛlɔ úbo-ma ɔda mmɔ.

Israelƒuɔ Bɔlɛ 35:5

“Kɔ lɛsa te Israelƒuɔ na asu-ma na beti akpala beboku-mi. Na aƒɔ akpala ammɔ ɔdi biala kudɔ eboku-mi kalɛ na ɔ́si-nwu kayi kemmo kalɛ. Na akpala ani na adubo bɔƒɔ mmɔ ndi sika ugyiedi ku ɔƒualadi ku abuala egyiedi,

Israelƒuɔ Bɔlɛ 36:3

Na Mose úti ala ani ƒui na Israelƒuɔ béte ka béti bátu Kevo Kasakɔ kammɔ úte-ma. Na Israelƒuɔ beesiénku etela ani beti batu ɔtɔ ɔmmɔ ɔtanta ndi ɔtanta ku kayi ƒaa.

Israelƒuɔ Bɔlɛ 38:1

Na ɔ́bla akpala bɔkyula lɛkpabi ku akasia kugyikɛ na nwuna bune bɔdi lɛgba maatɛ ku kakɛ na nwuna bɔbɛbɛ bɔdi lɛgba maatɛ ku kakɛ na nwuna bɔkuku bɔdi lɛgba ine ku kakɛ.

Yesaia 1:11

Unwoti ɔnini, “Bina akpala pii ani na biiboku-mi alaƒɔ-mi anu. Límo-nya na aaba-mi ɔkwɛ! Bi mɔɔka-nya? Na bina baƒonu ku bebuo bamba ƒui lɛmwi ni, naaawia-ni naaanu. Bina ɔmantɛ bakɔ ku baƒonu ku bese bammɔ ubugya uusé-mi lɛlɔ na naaawia-nwu naaanu.

Esekiel 20:40

Na si limeyi lɛmmɔ lídu ni, ukyuli biala na Israel ɔdubo-mi bɔkpa na Sion Kɔbi kedee kɔmmɔ lɛlɔ na Yerusalem. Na ndubɔsɔ lɛlɔ-mii mina kadi bekyuli na ndubɔƒɔ bina akpala ku etela ani ndubɔbla kedee mmɔ.

Lewiƒuɔ Ɔda Bubo 1:10

“ ‘Na si koƒonu iye ese lɛnɔ na ɔdi ɔ́ƒuna na nwuna bebuo akɔ ka uti ɔbla akpala bɔkyula ƒui ɔdi ɔmmɔ lɛnɔ ni, ɔlɛka ɔbla ebuo ɔgyani ɔni na use sɛɛn na útasɔ kesii kadi.

Lewiƒuɔ Ɔda Bubo 14:10

“Na limeyi maanedi lɛlɔ ni, ɔlɛka ɔwia baƒonu bagyani inyɔ ku koƒonu kuledi kunwi kɔni náƒɔ lɛkwa linwi na kútasɔ kesii kadi ku ɔlaaƒɔ lɛɛƒɛɛ klo klo ɛku ku kakɛ ɔni básala ku nnɔ ku nnɔ ɔsii bamba unwi.

Lewiƒuɔ Ɔda Bubo 16:7

Na uti betukpa inyɔ bammɔ uboku Unwoti na Kevo Kasakɔ kayakun.

Lewiƒuɔ Ɔda Bubo 17:4

na úteboku-nwu Unwoti anumi na Kasakɔ Kevo mmɔ ni, ukyuli ɔmmɔ úwi ubugya kalɔ. Na ɔkɛnku ɔmmɔ ɔsu ɔlɛka bedie-nwu lɛti basiku mina bekyuli akɔ.

Lewiƒuɔ Ɔda Bubo 17:8

“Na bɛsu Israelƒuɔ ku kadi bamba bekyuli bani nli-mii akɔ ka si ɔdi ɔ́sɔ ɔ́bla akpala bɔkyula adi iye úti etela adi úsienku kesii bamba kadi

Lewiƒuɔ Ɔda Bubo 17:9

na úteti akpala ammɔ úteboku Kevo Kasakɔ kayakun kenye mɛni na mina anumi ni, badubɔda ukyuli ɔmmɔ bedie mina bekyuli akɔ.

Lewiƒuɔ Ɔda Bubo 23:12

Ɔƒɛni na limeyi lɛni na ɔkpane ɔmmɔ ɔɔbla akpala ammɔ ni, na biti koƒonu kɔgyani kɔni na bɔsɔ bɔdi buuubo-ku lɛlɔ na ɔ́ɔkɛ lɛkwa na uti ɔbla akpala bɔkyula ute Unwoti.

Lewiƒuɔ Ɔda Bubo 23:18

Na biti baƒonu bebi maatɛ bani na ɔdi biala ɔ́ƒɔ lɛkwa linwi na bɔsɔ bɔdi buuubo-ma lɛlɔ ku ɔmantɛ akɔ unwi ku baƒonu bagyani inyɔ bibunku bodobodo ɔmmɔ. Ala amɛni na bɛdubuti bɛkyula ƒui úbunku edula ebi ku nwuna lɛlɔ ntɛ aani akpala bɔkyula na ana uyɔ ɔnyi ƒɛƒɛɛ ɔyɔ Unwoti kaƒɔ.

Lewiƒuɔ Ɔda Bubo 3:1

“ ‘Si ɔdi úti ɔmantɛ akɔ ɔgyani iye uledi úboku ka ubabla unwi bɔbla akpala ni, ɔlɛ ka ɔƒuna ebuo ɔni nse sɛɛn na útasɔ kesii kadi uboku ami Unwoti anumi.

Lewiƒuɔ Ɔda Bubo 4:15

Mmɔ na kadi benengu bammɔ ƒui badubuti bana enu basia akɔ ɔmmɔ lili na Unwoti anumi. Na beti batina ka ɔmmɔ na béti beenyene bana kenye. Ɔmmɔ kama na badu-nwu na Unwoti anumi mmɔ.

Lewiƒuɔ Ɔda Bubo 4:23

Na si kama na báya na ɔ́ti likpidi lɛni na ɔ́bla ni, ɔlɛka uti ketukpa kani nse sɛɛn na kátasɔ uboku aani nwuna akpala etela.

Lewiƒuɔ Ɔda Bubo 4:3

“ ‘Si ɔkpane ɔni na bése-nwu likpo na ɔdi na úti bɔƒiɔ úboku bekyuli ƒui lɛlɔ ni, ɔlɛka uti ɔmantɛ akɔ ɔgyani ubete Unwoti. Na ɔlɛka ɔnu ka akɔ ɔmmɔ use sɛɛn na útasɔ kesii kadi asa beti babla likpidi butitaakyiɛ akpala ammɔ na likpidi lɛni na ɔ́bla ɔsu.

Lewiƒuɔ Ɔda Bubo 4:32

“ ‘Nsu si koƒonu ubi na úti úboku ubabla likpidi lili buvele akpala ammɔ ni, ɔlɛka uboku koƒonu kuledi kɔni nse sɛɛn na kútasɔ kesii kadi.

Lewiƒuɔ Ɔda Bubo 5:15

“Si ɔƒɛni kalɛ ukyuli ɔdi útadi nwuna litemi lɛlɔ ɔkɛnku ala ani na lɛ́lɛ ugyii líse ka ute-mi ka ese-mi sɛsɛɛ kedee ɔsu ni, ɔ́bla likpidi si ina útati na úbati kama. Ɔmmɔ ɔsu ɔlɛka uti kɔtɔ bukpi akpala uboku Unwoti ani ndi koƒonu kɔgyani kɔni nse sɛɛn na kútasɔ kesii kadi ɔsiku nwuna baƒonu akɔ. Na ɔlɛka kuna kuye kudu sika ɔƒualadi ɔni na ɔkpane ɔmmɔ ɔ́su kenye. Ɔmmɔ na ɔdubuti ɔbla kɔtɔ bukpi akpala ammɔ.

Lewiƒuɔ Ɔda Bubo 5:18

Ɔmmɔ ɔsu ɔlɛka uti koƒonu kɔni nse sɛɛn na kútasɔ uboku ɔkpane. Na kuna kuye kulieku kalɛ na baakya kuye teete kɔtɔ bukpi ebuo ɔmmɔ udu. Na ɔkpane ɔmmɔ ɔbla likpidi kɔtu bɔni budie akpala na nwuna ekpidi ani na ɔ́bla lili na útati na liti lɛkyiɛ-nwu.

Lewiƒuɔ Ɔda Bubo 6:2

“Si ɔƒɛni kalɛ ukyuli ɔdi ɔ́ƒiɔ Unwoti ka útadi nwuna litemi lɛlɔ útete nwuna liku ukyuli ɔdi na lɛla lɛdi lɛlɔ ni, ɔ́bla likpidi. Ɔkana na ɔbla ka lɛla lɛdi na úbese-nwu kudɔ, na ɔ́da-ni uti ukyuli ɔmmɔ kama, iye úyu-nwu, iye ɔ́nya-nwu ɔ́kya, na ɔ́kɛ-nwu lɛlɔ kɔsia,

Lewiƒuɔ Ɔda Bubo 6:8

Ɔmmɔ kama ni, Unwoti ɔ́sɔ ɔ́su Mose ɔnini,

Lewiƒuɔ Ɔda Bubo 7:16

“ ‘Nsu is akpala ammɔ adi lili budie iye kaƒɔ ƒaa akpala ni, bakana bakun lɛna lɛmmɔ na limeyi lɛmmɔ. Na si lítasa ni, bakana bakun-ni kadi kégye.

Lewiƒuɔ Ɔda Bubo 8:18

Ɔmmɔ kama béti koƒonu kɔgyani kɔni na badubuti babla akpala bɔkyula mmɔ béboku na Aaron ku bebi béti enu básia-ku lili.

Lewiƒuɔ Ɔda Bubo 8:21

Na ɔ́ƒɔ aƒɔla ammɔ ku agyobi ammɔ ƒui na úti koƒonu kɔmmɔ ɔ́kyula ɔ́bla akpala bɔkyula ƒui uyɔ ɔnyi ƒɛƒɛɛ ɔni mɔɔyɔ́ ami Unwoti kaƒɔ aani kalɛ na Unwoti úbo-nwu ɔda.

Lewiƒuɔ Ɔda Bubo 9:2

Mmɔ na ɔ́su Aaron ɔnini, “Ti ɔmantɛ akɔ ɔgyani ɔkɔdi na eti abla likpidi lili buvele akpala. Na eti koƒonu kɔgyani kunengudi abla akpala bɔkyula. Na anu ka bebuo bammɔ ƒui bese sɛɛn na lɛla lɛdi lɛɛɛda-ma. Na eti-ma eboku Unwoti anumi.”

Sakaria 13:7

Unwoti Ɔyikune Ƒui ɔnini, “Ya liti mina kewii na likpoku mina baƒonu ɔdane ku mina ɔkpana. Du baƒonu ɔdane ɔmmɔ na baƒonu bammɔ badubugyingya, na ndubudie banamudi bammɔ atu.

Malakai 1:14

Biisé-mi kenye ka bɛdububoku-mi bebuo bani námanku, nsu bɛɛvumana teeti bebuo bekpidi mmomu teeboku-mi si uwi údu. Na ndubo ɔgbankpi buti buboku-mii lɛlɔ na ɔmɛni ɔsu, ɔsika ami ndi Ɔga Unengudi Unwoti Ɔyikune Ƒui ɔni na kadi bekyuli ƒui baayia na kesi kesii.”

Bumomo Bɔka 15:3

na ɔdi ɔɔyɔ́ ka uti ebuo ɔdi ɔsiku nwuna bebuo lidu akɔ ɔbla bɔkyula akpala ƒɛƒɛɛ ani mɔɔyɔ́ ami Unwoti kaƒɔ, iye kenye kadi na úse na ɔnii ɔɔbla akpala iye kayi ƒaa akpala iye akpala ani ndanku emeyi bɔdi ni,

Bumomo Bɔka 15:8

“ ‘Na si ɔmantɛ akɔ na ɔdi úti ɔɔbla bɔkyula ute Unwoti, iye kenye buse kayu bɔƒɔ akpala iye unwi bɔbla akpala adi ni,

Bumomo Bɔka 19:2

“Ala ani nkɛnku ɔda bubo bɔni na Unwoti úte-mii ndi ɔmɛni, bɛsu Israelƒuɔ na beboku ɔmantɛ akɔ ugyiedi uledi ɔkɔdi ɔni na bɔsɔ bɔdi buuubo-nwu lɛlɔ na bátabala-nwu kɔgba kɔdi na ɔbla kabla kadi kudii.

Bumomo Bɔka 23:19

Katɔti ɔɔɔdi ɔyawine na ɔnyi ɔkɔ, iye ɔyawine ubi ɔni na si ɔ́su lɛla lɛdi ulabla ulasia-ni lɛlɔ. Munuu si use kenye kadi uláya na webo-nwu kemmo?

Bumomo Bɔka 23:27

Amu na Balak ɔ́su Bileam ɔnini, “Bo na bɔsɔ busie kesii bamba. Ɔƒɛni kakɛ ɔdubɔda Katɔti kubiti na ɔya na ewida Israelƒuɔ bamɛni ete-mi na kesii kani búsela mmɔ.”

Bumomo Bɔka 23:3

Amu na Bileam ɔ́su Balak ɔnini, “Sɔ nye ƒula akpala amɛni kudɔ na ami nteesie kesii bamba. Ngyi ka uwi ɔni lisela ni, Unwoti ɔdubɔsiaku-mi ulu lɛlɔ. Na lɛla biala wedie watina-mi ni, ndubɔsu-ɔ.” Mmɔ na Bileam ɔ́tɔlɔ úsie kɔbi kɔdi lɛlɔ.

Bumomo Bɔka 23:30

Na Balak ɔ́bla kalɛ na Bileam ɔ́su. Na ɔ́du akɔ unwi ku koƒonu kɔgyani kunwi ɔ́sia lɛkpabi biala lɛlɔ.

Bumomo Bɔka 28:11

“ ‘Na limeyi lideedi na kɔbuli biala kalɔ kesekɔ ni, na bawia bakɔ bakɔdi inyɔ ku koƒonu kɔgyani kunwi ku baƒonu bebi maatɛ bani nákɛ lɛkwa na bɔsɔ bɔdi buuubo-ma lɛlɔ na beti babla bɔkyula akpala bete Unwoti.

Bumomo Bɔka 28:19

Na beti bakɔ inyɔ ku koƒonu kɔgyani kunwi ku baƒonubi maatɛ bani nákɛ lɛkwa na bɔsɔ bɔdi buuubo-ma lɛlɔ na beti babla bɔkyula akpala bete Unwoti.

Bumomo Bɔka 28:31

Bitaabla ala amɛni ku ana lɛlɔ ntɛ akpala úbunku limeyi ndi limeyi akpala bɔkyula ku edula ebi akpala ammɔ lɛlɔ. Na bɛnu ka bebuo bani biiti teeboku ɔdi útasɔ.’ ”

Bumomo Bɔka 29:13

Na bɛkyula akpala bite Unwoti na uyɔ ɔmmɔ ɔnyi ƒɛƒɛɛ ɔyɔ-nwu kaƒɔ. Na biti bakɔ leevu-ɛtɛ baƒonu bagyani inyɔ ku baƒonu bakɔdi leevu-ine bani náƒɔ lɛkwa linwi na beeebo bɔsɔ bɔdi bɛbla akpala ammɔ.

Bumomo Bɔka 29:2

Bɛdu ɔmantɛ akɔ ɔkɔdi ku koƒonu kɔgyani ku baƒonu bakɔdi maatɛ bani nákɛ lɛkwa na bɔsɔ bɔdi buuubo-ma lɛlɔ bɛbla akpala amɛni bite Unwoti na uyɔ ɔmmɔ ɔnyi ƒɛƒɛɛ ɔyɔ-nwu kaƒɔ.

Luka 1:35

Mmɔ na ɔtu ɔmmɔ údie kenye ɔnini, “Ɔyikune Ƒui ɔmmɔ Kɔyu kɔdubo-ɔ lɛlɔ na nwuna ɔyikun ɔƒɔ-ɔ lɛlɔ kemmo. Anwuɔsu ubi kedee ɔni na adubo bɔwɔ ni, badubɔlɔ-nwu banii Katɔti Ubidi.

Yohane 1:36

Yesu úsie úbavi. Amu ka Yohane ɔ́nu-nwu ni, ɔ́su ɔnini, “Bɛnu! Ɔmɛni ndi Katɔti Lɛkpa Koƒonu Ubi!”

Yohane 10:7

Ɔmɛni ɔsu ni, Yesu ɔ́sɔ ɔ́su-ma ɔnini, “Mɔɔsu-mii geen ka ni, ami ndi ɔba kayakun ute baƒonu bammɔ.

Yohane 10:9

Ami ndi kayakun kammɔ. Na ukyuli biala ɔni mɔɔsia-mi lɛlɔ teeduo ɔba ɔmmɔ kemmo ni, ndubɔƒɔ-nwu ngba. Ɔdubuduo mmɔ utaalɛ na utaakɛ adila abuni taadi.

Korintoƒuɔ 2 8:12

Si ɔdi bina bɔyɔ ka bíte bekyuli ala ni, ɔdubɔƒɔ Katɔti anu ɔkɛnku lɛla lɛni nse-mii kenye. Na ɔɔɔdi lɛla lɛni na biiibo.

Korintoƒuɔ 2 9:7

Bina akɔ ɔdi biala ute lɛla lɛni na anwu ɔlati ɔ́lɛ ugyii ka wete ku lɛlɔyɔ. Na utabla aani si ukyuli ɔdi nnye-nwu lɛlɔ asa na uute. Ɔsika Katɔti ɔɔyɔ́ ukyuli ɔni muute ala ku kaƒɔ ƒaa.

Eƒesoƒuɔ 2:18

Ɔkɛnku Kristo lɛlɔ na bula akpa anyɔ ƒui, Yudaƒuɔ ku bani naaadi Yudaƒuɔ, bɔkɛ Katɔti Kɔyu kunwi lɛlɔ búbo Katɔti anumi.

Eƒesoƒuɔ 5:27

Na ɔ́klibi anwu ɔni ndi nwuna baƒɔtaadine lɛkpa kedee lɛni muukeye na bɔƒiɔ bɔdi buuubo-ni lɛlɔ, ɔsika likpidi iye bɔsɔ bɔdi bɔɔɔma-ni lɛlɔ.

Lɛkpa Ulu 12:27

Na biti bina akpala ani na ese ete ka bɛkyula ku lɛna ku ubugya bisienku Unwoti lɛkpabi lɛni na ɔ́tina-mii lɛlɔ na bɛbla akpala ammɔ mmɔ. Bibo kuƒi ka bɛkun lɛna lɛmmɔ, nsu ubugya ɔmmɔ anwu ni, biwilimi biwi bina Unwoti Katɔti lɛkpabi lɛmmɔ ɔƒɛnyi.

Lɛkpa Ulu 15:21

Nsu si ebuo ɔmmɔ ɔdi ɔ́ƒɛ uwi kalɔ iye anumi abwɛ-nwu ni, iye lɛla bamba lɛdi lɛda-nwu ni, biteti ebuo ɔmmɔ udu bitakpa bitete bina Unwoti Katɔti.

Lɛkpa Ulu 17:1

Biteti ɔmantɛ bakɔ iye koƒonu kɔni na kɔ́sɔ bitakpa bitete bina Unwoti Katɔti. Ɔsika Katɔti ukisi ala ammɔ bene.

Hebriƒuɔ 7:26

Ɔmɛni ɔsu ni, Yesu ɔmɛni ndi ɔkpane unengudi ɔni kani ndubɔbla lɛla lɛni na bɔɔwia ute-bu. Na use kedee, na lɛla lɛdi lɛɛɛda-nwu. Use sɛɛn na Katɔti údie-nwu ɔ́lɛku alaekpidi bablane akɔ, na ɔ́kɔliku-nwu útése sɛsɛɛ na katɔ kakaaka ƒui.

Hebriƒuɔ 9:14

Na si ɔbladu ɔmɛni ɔɔyá na ukyuli ɔɔbla sɛɛn ni, na Kristo ubugya ɔɔkana na ɔɔbla ukyuli sɛɛn teetulo. Ɔkɛnku Katɔti Kɔyu kɔni nli uwi ƒui lɛlɔ ni, Kristo úti lɛlɔ ɔ́bla akpala ani nédu áwɔlɔ úte Katɔti na lɛla lɛdi lítebie-mu lɛlɔ. Nwuna ubugya ɔdubɔbla bina kayi sɛɛn bɔsiku ɔdi bɔbla bɔni nsɔ neeebo kɔsia ƒui kudɔ kalɛ na bɔbla Katɔti ɔni nli kabla.