Ƒilemon 1:6 - Katɔti Ɔku Kedee

⁶ Bubo ala abuni ani na Kristo ɔsu. Na mɔɔkpali katɔ nnii Katɔti ɔya na ama bani náƒɔ Kristo bádi aani ƒula kalɛ ni, benu ala amɛni kalɔ kaduɛ ɔkɛnku ƒula lɛlɔ.

Ƒilemon 1:6 Iomraidhean Croise

Mateo 25:16

Kabla ɔblane ɔni náƒɔ aƒo alɔ amɛni úsie kalɔ kɔnakunwi na útébo egulabi ammɔ únwini na ɔ́sɔ ɔ́kɛ aƒo alɔ ɔ́sia.

Mateo 5:16

Lɛni kani na ɔdi ka bina ablala ekeye aani asogya ute bekyuli. Na banu bina ala abuni ani bɛɛbla bati kalɛ na bemwi bina Katɔti.

Korintoƒuɔ 1 14:25

Na anwu ɔlati ndubudie nwuna ala abɛdi keyi na ɔdubɔyu ɔtɛ kalɔ na umwi Katɔti na udie kenye ɔnini, “Sɔsɔ ni, Katɔti ɔkya-mii akɔ!”

Korintoƒuɔ 1 16:9

Kuƒi kɔbuni kɔkya mɛni geen ute kabla kenengudi kani náƒɔ kuye geen, ina ka bekyuli bani mɔɔta teenye-mi lɛlɔ na kabla kani mɔɔbla na mɛni bemomo.

Ƒilipiƒuɔ 4:8

Na ukplodi ni, banwa, biti bina kasusu bɛsia ala ani ndi etemila geen lɛlɔ ku ala ani mbo ɔbu ku ala ani nse siin ku ala ani nse sɛɛn ku ala ani mɔɔdia bɔnu ku ala ani náƒɔ lɛnyi ku ala ani ndia geen ku ala ani námanku bumwi lɛlɔ.

Koloseƒuɔ 1:9

Anwuɔsu ɔ́si uwi ɔni na búnu-mii kɔku ni, bútada Katɔti bɔkpali na bina lili bútaya. Na buuvele Katɔti bɔnii ubimi bina kasusu kemmo na ɔya na bɛti nwuna lɛyɔla. Na nwuna Kɔyu kute-mii lɛnunda ku ala kalɔ bunu kalɛ na bɛti ala ani na ɔɔyɔ́ ka bɛbla.

Koloseƒuɔ 3:10

Na bínwini bekyuli bawɔdi. Na Katɔti ɔɔyá na bɛɛdia teebu, na bina udu ɔbla aani anwu ɔdi kalɛ na bɛti-nwu geen.

Tito 3:14

Ɔdi ka baƒɔtaadine batɛya kalɛ na beeti bana uwi ƒui taabla lɛbuni lɛni malɛ kɔsia. Na bakana bekyuli bamba lɛnɔ buteebunku na ɔɔɔdi ka bataabla kɔkɔsɔ.

Hebriƒuɔ 6:10

Katɔti ɔɔbla lɛla biala ulu lɛlɔ. Na uláyiƒala bina ala ani na bɛ́bla. Ɔgyi ka bɛɛyɔ́-nwu ɔkɛnku kalɛ na bíbunku nwuna bekyuli. Na bɛmu biibunku-ma úbedu ɔƒɛni.

Yakobo 2:14

Mina banwa, si ɔdi ɔ́su ɔnii ubo bɔƒɔtaadi geen na uléti-mu taabla kabla kadi ni, na nwuna bɔƒɔtaadi bɔmmɔ udu buuubo kɔsia kɔdi. Na bulakana na bɔƒɔ-nwu ngba lɛnɔ.

Yakobo 2:17

Anwuɔsu si ɔdi ɔ́ƒɔ ɔ́di na uléti nwuna bɔƒɔtaadi bɔmmɔ taabla kabla ni, na bɔƒɔtaadi bɔmmɔ bɔdi bɔƒɔtaadi bukpludi.

Petro 1 2:12

Na bilie ngba bɔni nse sɛɛn na bani naaadi baƒɔtaadine akɔ. Na ina baasu-mii lɛlɔ litemi likpidi muedi ni, badubɔnu bina ablala bati ka bɛdi bekyuli babuni. Na badubɔgya Katɔti enu na litemi bɔtɛ limeyi lɛmmɔ lɛlɔ.

Petro 1 3:1

Na amii beleku lɛnɔ ni, ɔlɛka biboku lɛlɔ kalɔ bite bina bagya. Ɔmɛni ndubɔya na si ɔdi útaƒɔ útadi ni, ɔdubuti lɛlɔ ute Katɔti ɔkɛnku bina udu buni ɔsu. Na ɔɔɔdi ɔni na bitemi bite-ma.

Petro 1 3:16

Bɛya na bina kayi kemmo keteese ƒaa uwi biala kalɛ na si beedumi-mii ka bɛsiaku Kristo kama ni, na kɔƒa kukpo bekyuli bani mɔɔlɔ-mii anyikpi mmɔ.

Petro 2 1:8

Ɔsika si ala amɛni ƒui ásadi éte-mii na bítayuɛ ni, adubɔya na bɛkana bitaabla kabla na bɛnwu ebi buni ka bɛ́ti Blɔti Yesu Kristo ɔmmɔ ƒui ɔsu.