Tesalonikaƒuɔ 1 1:3 - Katɔti Ɔku Kedee

³ Na buláyiƒala Katɔti bɔsu kalɛ na bɛda bina bɔƒɔtaadi bɛɛbla kabla. Bɔɔsu lɛnɔ kalɛ na biibunku bekyuli na bɔyɔ kemmo, na bɛsia Blɔti Yesu Kristo anu kpakplaa.

Tesalonikaƒuɔ 1 1:3 Iomraidhean Croise

Ala Kalɔ Buse 29:20

Ɔmmɔ ɔsu ni, Yakob ɔ́bla kabla akwa maatɛ úte Laban kalɛ na ɔkɛ Rahel uti. Nsu ɔmɛni ƒui ɔ́bla Yakob aani emeyi alɛɛ kani na akwa ammɔ adi-nwu na kalɛ na ɔɔyɔ́ Rahel ɔsu.

Etemila 2:26

Ukyuli ɔni mɔɔbla Katɔti lɛƒɔyɔ ni, anwu na Katɔti ɔɔyá na ɔɔdá anu na uunú ala kalɔ na ɔɔyá na lɛlɔ lɛɛyɔ́ ukyuli ɔmmɔ. Nsu si bɔɔbla likpidi ni, bɔdubo lɛlɔ bususu geen bute bula lɛdila, nsu Katɔti ɔdubɔƒɔ bula akɛla ute ukyuli ɔni mɔɔbla-nwu lɛƒɔyɔ. Na nwuna kalɔ budie bɔbambadi bɔdi buuubo buuutulo ka ɔƒɛƒɛɛ kama bɔbi taasiaku kani na ɔdi.

Lɛnu Ƒui Ɔnu 8:7

Ɛpu muedi iye ketu kadi buyi bulakana bɔyɔ buƒie na wanyina-mu wakya ntu kalɔ na ɔɔɔdi lɛla lɛni na beye lɛnɔ si ina bi kayu na ukyuli ɔdi ɔnii waƒɔ.

Yohane 14:15

“Si bɛɛyɔ́-mi ni, bɛdubɔdi mina ɔda bubo lɛlɔ.

Yohane 15:10

Si bɛɛdi mina ɔda bubo lɛlɔ ni, bɛdubulieku-mi na ndubɔyɔ-mii uwi ƒui. Lɛni kani na lɛ́di mina Ɔti ɔda bubo lɛlɔ na nliku-nwu, na ɔɔyɔ́-mi uwi ƒui.

Batalane Kabla 10:31

Ɔ́su-mi ɔnini, ‘Kornelio, ƒula lɛƒɔndia ku ƒula katɔ bɔkpali ƒui uudú Katɔti kudɔ! Na ɔƒaani ni, tala bekyuli badi na besie Yopa na batálɔ Simon Petro ɔni nli Simon ɔni mɔɔbla bebuo lɛku kabla na uli ɛpu kudɔ.’

Batalane Kabla 3:19

Anwuɔsu ni, binwini kama bɛkya ekpidi bɔbla na biti anumi bɛsia Unwoti lɛlɔ, kalɛ na waƒɔ bina ekpidi wedie-mii lɛlɔ na bɛkɛ bɔnwuna buɛɛ na Blɔti kudɔ, kalɛ watala Kristo Yesu wakya-mii aani bina Ɔƒɔne kalɛ.

Romaƒuɔ 12:12

Lɛlɔ litaayɔ-mii na bina lɛnunsia kemmo. Na binye kpakplaa na lɛbibo biala kemmo. Na bitaakpali katɔ na ulu lɛlɔ.

Romaƒuɔ 15:13

Muuvele nnii Katɔti ɔni ndi bula lɛnunsia ɔya na lɛlɔyɔ lɛƒɔ-mii lɛlɔ kemmo ƒui, na bɛkɛ keyi buɛɛ aani kalɛ na bíti bina lɛlɔ bɛ́sia-nwu lɛlɔ kenye, kalɛ na Katɔti Kɔyu ɔyikun ɔya na bina lɛnunsia lɛƒɔ-mii lɛlɔ kemmo ƒui.

Romaƒuɔ 15:4

Na ala ani ƒui na bénweni bése uwi ɔni návi kemmo ni, bénweni-nya bése kalɛ na batina-bu ala, kalɛ na si búnye lɛbibo biala kenye kpakplaa ɔkɛnku Bunweni Kedee ogya ɔni na ɔɔkya-bu lɛlɔ ni, na bɔkɛ lɛnunsia.

Romaƒuɔ 16:26

Nsu ɔƒɛni ni, bédie ala ammɔ keyi béte kalɔ ƒui bekyuli aani kalɛ na nwuna kenye bediene bénweni bése. Katɔti ɔni nli ngba úsela ƒui lɛƒɔyɔ ndi ka ɔlɛka bakɔ litemi buni lɛmɛni lɛsa na kadi ƒui baƒɔ-nwu badi na badi nwuna litemi lɛlɔ.

Romaƒuɔ 16:6

Na bigyele Maria ɔni nábla kabla kpakplaa úte bina lɛkpa lɛmmɔ.

Romaƒuɔ 2:7

Bekyuli bani mɔɔkya lɛbuni bɔbla ɔkplu na basiaku bukeye ku bumwi ku ngba bɔnii nsɔ naaadubo bɔsa kudii kama ni, Katɔti ɔdubɔya na bakɛ ngba ƒui bɔmmɔ.

Korintoƒuɔ 1 13:13

Geen ni, alakpa atɛ amɛni kani ndubɔkya. Na anya ndi bɔƒɔtaadi ku lɛnunsia ku bɔyɔ. Nsu nwuna unengudi ƒui ndi bɔyɔ.

Korintoƒuɔ 1 15:58

Anwuɔsu ni, banwa, binye kpakplaa na bitagbanta. Na binye Blɔti kabla lɛlɔ uwi biala. Ɔsika bɛgyi ka lɛla lɛdi liiibo na bɛdubɔbla na Blɔti kabla kemmo na wabla keeke.

Korintoƒuɔ 2 2:17

Abu buuuse aani bekyuli babambadi pii bani nkɛ bada litemi lɛmmɔ baadi kuye. Mmomu Katɔti úte-bu kenyekɔ na bɔɔkɔ́ litemi lɛmmɔ lɛsa na nwuna anumi aani Kristo kabla bablane kalɛ. Bulatɔlɔ bekyuli.

Galatiƒuɔ 1:4

Kristo ɔmmɔ néti lɛlɔ ɔ́kpa na bula lili kalɛ na udie-bu ɔlɛku bula ekpidi kemmo na ɔƒɔ-bu ɔlɛku uwi ukpidi ɔni kemmo na ekpidi bɔbla bɔ́ƒɔ kayawi kemmo mɛni. Na ɔ́ƒɔ-bu lɛni ɔkɛnku Katɔti ɔni ndi bula Ɔti lɛƒɔyɔ lɛlɔ.

Galatiƒuɔ 5:13

Banwa, bɔlɔ na Katɔti ɔ́lɔ-bu ɔnii bɔkɛ bɔnwuna. Nsu utalɛka buti bɔnwuna bɔkɛ bɔmɛni butaabla ala ekpidi. Mmomu ɔlɛka buti-mu buteebunku lɛlɔ na bɔyɔ kemmo.

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Galatiƒuɔ 6:9

Bitaya na enu aƒɛ-bu ku lɛbuni bɔbla. Ɔsika si enu átaƒɛ-bu ni, uwi ɔdubo ɔni na bɔdubɔkɛ edula ani na bɔ́va ebi.

Tesalonikaƒuɔ 1 3:6

Nsu Timoteo ɔ́sɔ úbo ku kubiti úbasu-bu ka bina bɔƒɔtaadi ku bina bakpana bɔyɔ bútavumana. Mmomu bɛɛkali-bu geen na binye kuƒie bɛɛyɔ́ ka bɛnu-bu aani kalɛ abu lɛnɔ bɔɔwia-mii bɔnu.

Tesalonikaƒuɔ 2 1:11

Ɔmɛni ɔsu na bɔɔkpali katɔ na bina lili uwi ndi uwi. Na buuvele bula Katɔti bɔnii bina ɔbladu ɔmanku bɔlɔ bɔni na ɔ́lɔ-mii. Na nwuna ɔyikun ubunku-mii na ɔkya bina kasusu buni biala ogya kalɛ na lɛla biala lɛni na bɛdubɔbla na anwu ɔsu lɛtɛ.

Tesalonikaƒuɔ 2 1:3

Banwa, bɔda Katɔti enugya kayu uwi ƒui na amii ɔsu. Na ɔdia ka butaaƒɔ-ka, ɔsika bina bɔƒɔtaadi bɔɔkɔ́ katɔ, na bina lɛlɔ bɔyɔ lɛnɔ buusié anumi teebu ɔsu. Ɔmɛni ɔsu na bɔɔlɔ-mii lɛnyi buni na Katɔti baƒɔtaadine akɔ.

Timoteo 1 1:14

Mina tati tati ɔ́ya na lɛ́du-nwu kaƒɔ, na ɔ́ya na lɛ́nu Kristo Yesu lɛ́ti na lɛ́ƒɔ-nwu lɛ́di na lɛ́blaku-nwu unwi. Ɔmɛni ɔsu na ami lɛnɔ mɔɔyɔ́ bekyuli.

Timoteo 1 2:3

Katɔ bɔkpali bɔmɛni mɔɔyɔ́ bula Ɔƒɔne Katɔti kaƒɔ.

Hebriƒuɔ 10:36

Ɔdi ka binye kpakplaa kalɛ na si bɛ́bla lɛla lɛni mɔɔyɔ́ Katɔti kaƒɔ bɛ́wɔlɔ ni, na bina kɔnu kutuku linyese lɛmmɔ.

Hebriƒuɔ 11:17

Ɔkɛnku Abraham bɔƒɔtaadi lɛlɔ ɔsu na uwi ɔni na Katɔti ɔ́kɔku-nwu ɔ́nu ni, na Abraham únu kalɔ ka uti ubidi Isak ɔkpa ute-nwu. Na Abraham, ɔni na Katɔti úse kenye kamɛni úse ni, anwu nénu kalɔ ka uti ubidi unwi ɔni kani na ubo mɛni ɔkpa ute Katɔti.

Hebriƒuɔ 13:21

ute-mii ala abuni ani ƒui na bɛkana biti bɛbla nwuna lɛyɔla. Na muuvele-nwu nnii ɔbla lɛla lɛni na ɔɔyɔ́ na bula lɛlɔ kemmo ɔkɛnku Yesu Kristo ɔni námanku úte bumwi uwi ƒui lɛlɔ. Ɔsia lɛni.

Hebriƒuɔ 4:11

Anwuɔsu bɛya bɔkya ɔkplu biala na buduo bɔnwuna bɔmmɔ kemmo. Na ɔdi biala uláwɔ ulu ka ɔsiaku bana atuɔkplu bɔbla kama ɔsu.

Hebriƒuɔ 6:15

Na ɔmmɔ kama ka Abraham ɔ́kɛ kayi buɛɛ na ɔ́sia Katɔti anu ɔsu ni, kɔnu kútuku-nwu kenye kani na Katɔti úse-nwu mmɔ.

Petro 1 3:4

Mmomu ni, bɛya na kalɛ na bɛda lɛlɔ ku udu buɛɛ udie bina bɔdia ɔtina. Ɔmɛni ndi udu ɔni mɔɔda kubiti uwi biala na ɔ́ƒɔ Katɔti kuye geen.

Yohane 1 3:18

Mina bebi bayɔne, bitaya na bɔyɔ lɛlɔ ku kenyekplu. Mmomu biteebunku lɛlɔ geen.

Yohane 1 3:21

Anwuɔsu ni, banwa bayɔne, si bula kayi kaladu-bu kɔtɔ ni, na bɔdubɔkana na bunye Katɔti anumi ku kayi buse.

Yohane 1 3:3

Na ukyuli biala ɔni mɔɔsia Kristo bubo anu ni, ɔɔklibi lɛlɔ teese sɛɛn aani kalɛ na Kristo lɛnɔ use sɛɛn.

Yohane 1 5:3

Na dɛ na bɔɔnu taati ka bɔɔyɔ́ Katɔti? Bɔɔnu ɔmɛni taati si bɔɔdi nwuna etemila lɛlɔ. Na nwuna etemila eeese aani etila ani nétulo-bu.

Budie Taatina 2:19

“Ngyi lɛla lɛni na bɛɛbla. Na ngyi kalɛ na bɛɛyɔ́-mi na bɛɛƒɔ́-mi taadi ku kalɛ na bɛɛbla-mi kabla na binye lɛbibo kenye kpakplaa. Na ngyi ka kabla kabuni kani bɛɛbla ɔƒɛni ketulo kalɛ na bítaabla kudeedi.

Budie Taatina 3:10

Na ka bɛ́di mina ɔda ɔni na líbo-mii lɛlɔ, na bínye kpakplaa na bɛ́siaku ala ani ƒui muukpóku-mii ɔsu ni, ndubɔda-mii lidie lɛbibo lɛni mebo kayawi ƒui lɛlɔ libakɔku bekyuli bani nlie kalɔ lɛlɔ lɛnu kemmo.