Orɔm 3:2 - Lyélé

² Zhə̀nà, rə̀ zhe kùr wẽ̀ nánzhəzhɔ̌ wẽ́. Nã́yéé ré, wɔ́ Zhwifubá ne Yi jɛ̀rɛ̀ rə pə rə̀ nyə́ né, mùnì ga nə yə̀ bə̀ sõ.

Orɔm 3:2 Iomraidhean Croise

Yò-ècɔ̀nɔ̀ nyí rí Zhã kɛ̃ mɔ́ 5:39

Á nʼá kàrmə̀ Yi zɔ̀mɛ̀ rɛ́ sɛ́bɛ́ rɛ́ náàcɛ̀nɛ́, á nʼá bùl bʼâ mʼâ nə nyǔ mə̀ tʼâ la zhɔ̌ rə̀ wẽ́. Zhə̀n myɛ, wɔ́ rə̀myɛ́ rə̀ nʼê zɔ̀m à yò.

Tùntúmə́ bé 7:38

Esərayɛl lyì bí gə́ yʼà zhǐ dwã yó gɔ-elũ èpòlò w wẽ́ yi ní, ń yà ń tó ń ŋwɛ́nɛ́. Wɔ́ ńmyɛ̌ dɛnnɛ màlɛ́ka y tó né e zɔ̀m ǹdə́ nə́ nàmbala bɛ́ Sənəyi pyɔ̀ w yó. Wɔ́ èta ń tó né n mə n zwẽ Yi zɔ̀mà nɛ́ nə̀ nʼê pɛ nyǔ mú n byili nə́ba.

Orɔm 1:2

Rə̀ tó rə̀ nyì-zwennə bé dɛnnɛ rə bwəl yò-ècɔ̀nɔ̀ nyí rí rə̀myɛ́ mɔ́ nyí shãã shãã ga rə̀ zɔ̀mɛ̀ rɛ́ sɛ́bɛ́ rɛ́ wẽ́.

Orɔm 2:18

ǹ yě rə̀ pùbùlə̀ né, ǹ nə́ ǹ tó kɔn dɛ̀bɛ́ nyə́ né nʼê byili mú dɛnnɛ ǹ cír tɛ̀bɛ́ rə̀ mâ.

Orɔm 3:1

È gə wɔ́ èta, wɔ́ bə̀kɔ́n ǹdə́ rə̀ dõ Zhwifubá myɛ̌ mʼê du lyì bí dwã bɛ́? Nà góm mó myɛ̌ zhe kùrə̀?

Orɔm 3:3

Sə bə̀ jàlà gə zɛ̃̀ bə̀ yə̀ nyí zwẽ, rə̀myɛ́ nə wɔ̌ rə̀ bʼa ce Yi zhɛ́rhɛ́ rə̀ nyì-bwelé yə́?

Orɔm 9:4

Bə̀ wɔ́ Esərayɛl lyì; Yi ce bə jǐrh rə̀ byâ; rə̀ byili bi rə̀ zùwə́ yə́; rə zə dɔbrɛ ǹdə́ bɛ; rə pə bɛ rə̀ nyə́ né; rə byili bi bə̀ gə́ mʼa cèrhé re né; rə bwəl be nyə́.

1 Kɔrɛ̃tɛ 9:17

È gə yʼà wɔ́ à sə̀pwà pùbùlə̀ yil à nʼâ bwə̀l lè, à yʼà mə̂ sʼa nə kwândɛ. Sə è də̀ à sə̀pwà pùbùlə̀ yil à nʼâ bwə̀l lè yé. Rə̀ wɔ́ à nyɔ́ɔ́ tum.

2 Kɔrɛ̃tɛ 5:19

Yi kwɛrhɛ lũ w lyì bí yò ǹdə́ rə̀ cìcì Kristə jàn yilə, rə zə bə̀ dwə́ə́ré rə cɛ̃´ bɛ. Sə rə̀ pɔ rə̀ zɔ̀mɛ̀ rɛ́ nə́myɛ̌ nɛ bə̀ nə́ bwə̂l nə́ byili lyì bí ni, bə̀ rə̀ nʼê yâl rə kwɛrhɛ bə̀ yò ǹdə́ rə̀ cìcì.

Galəshi 2:7

Yé né cìnə́ bé bə̀myɛ́ mɔ́ lwar bə̀ wɔ́ Yi rə̀ pɔ nɛ nyí bʼà bwə̂l yò-ècɔ̀nɔ̀ nyí rí a byili byɛ̀bɛ́ bə̀ də̀ Zhwifubá mó ne, ǹdə rə̀ gə́ pɔ nyí Pyɛɛrɛ myɛ nɛ bə̀ ń bwə̂l yò-ècɔ̀nɔ̀ nyí rí n byili Zhwifubá ne né.

1 Timote 6:20

À byì-sónó Timote, zə tɛ̀bɛ́ Yi pɔ mɔ́ mɔ́ cɛ̀nɛ̀. Dɛ̃̌ ǹ cìn ǹdə́ zɔ̀m-fwə́ə́ré tɛ̀bɛ́ rə̀myɛ́ ǹdə́ Yi-ni-zhú mú də̀ rə̀dù mú. Sə́ dɛ̃̀ ǹ cìn myɛ ǹdə́ kɔn dɛ̀bɛ́ lyì bí yʼa wɔ̀ bə̀ bə̀ yě, rə jʼà bə kùr zhe mó.

Ebərəbá 5:12

Á yʼâ mə̂ sʼá jǐrh kàrmɔ̀ byilnə shãã shãã ga, sə nyǐ ába, kɔn gwẽ̌ wɔ́ nyɔ́ɔ́ bə̀ bə̀ kʼa ji kùr bə cèrhè ába kùr-ju kàrmɔ́ Yi nyə̀ná nɛ́ shò-kwã nɛ́ mɔ́. Á kʼá wàr kùjú nánkùlù á nʼá jí yé. Wɔ́ yil bə̀ mə̂ sə bə ce á nyí ni.

1 Pyɛɛrɛ 4:11

Lò mɔ̀bɔ́ ǹ zhe Yi zɔ̀mɛ̀ rɛ́ bwə̂l pɛnɛ́, ǹ mə̂ sə́ bwə̀l lè ń byili lyì bí ni; lò mɔ̀bɔ́ ǹ zhe lyì bí ni sãɔ̃ pɛnɛ́, ǹ mə̂ sə́ sɛ̃ bɛ ǹdə́ jàn dɛ́ tɛ̀bɛ́ rə̀ nʼê shí Yi sõ mó; mùnì ga Yi nə zùwə́ kɔn gakó wẽ́, Yezu Kristə jàn yilə. Wɔ́ rə̀myɛ́ rə̀ cǐ còrhó ǹdə́ jàn, byinə nə̀ bə zhɔ̌ zhe yilə! Amɛ̀n!

Kɔn dɛ̀bɛ́ Zhã nɔ mɔ́ 19:10

A zɛ̃̀ a tu à nə̀dwə́nə́ yó è yé né à la y còrhó. Sə è wò nè: “Dɛ̃̌ ǹ cìnə̀, bə̀ká wɛ̀rhɛ́ èta yé, bʼà wɔ́ Yi tùntùnnə̀ ǹdə ǹmyɛ́ ǹdə́ ǹ da-byâ bɛ́ bə̀ zhí zhə̀n dɛ́ Yezu byili mú ni mú ta. Wɔ́ Yi yé né ǹ mə̂ sə́ wùlì ní, ń cèrhé re.” Zhə̀n dɛ́ tɛ̀bɛ́ Yezu byili mú, wɔ́ rə̀myɛ́ rə̀ nʼê ce yə̀wâl lyì bí bə̀ nʼê zɔ̀m zɔ̀mà nɛ́ nyɛ̀bɛ́ Yi byili bi mú wẽ́.

Kɔn dɛ̀bɛ́ Zhã nɔ mɔ́ 22:6

Màlɛ́ka y kʼe wɔ̀ nɛ̀: “Zɔ̀mà nɛ́ nyɛ̀bɛ́ wɔ́ zhə̀nà, nə̀ bə tə́tɔ̀ná zhe yé. Cinu Yi mɔ̀bɔ́ ń nə́ ń pɛ ń Eshirhə y ń nyì-zwennə bé ne mó twĩ̀ ń màlɛ́ka y e bə̀ e byili kɔn dɛ̀bɛ́ rə̀ bàn rə̀ kʼê tʼâ la jíjírhú mú ń tùntùnnə̀ bé ne.”