Kɔn dɛ̀bɛ́ Zhã nɔ mɔ́ 9:2 - Lyélé

² Cã̀mə́sɔ̀wá y gə́ pul gɔ́rɔ́ wá, nyɛ̀rh shí ò wẽ́ sə̀ nʼê dwi ǹdə myìn-cɔ̀lɔ̀ nyɛ̀rh ta, sə ce nə̀nyɔ́nɔ́ w ǹdə́ cɛ y ga jǐrh bùrə̀mm.

Kɔn dɛ̀bɛ́ Zhã nɔ mɔ́ 9:2 Iomraidhean Croise

Tùntúmə́ bé 2:19

À bʼa ce wò-jààrɛ̀ du dɛ̃̌ yi wə, a ce màmyaarhɛ wɛ̀rhɛ́ tɛ̃´ cɛ y yó: jal ǹdə́ myǐn bʼa yə̀ nɛ́; nyɛ̀rh bʼa du dɛ̃̌ ǹdə bə́ban ta;

Kɔn dɛ̀bɛ́ Zhã nɔ mɔ́ 14:11

Myǐn mú mə̀ nʼê nwɛ̀nɛ̀ bɛ̀ mɔ́ nyɛ̀ɛ̀sɛ́ nʼê dwi byinə nə̀ bə zhɔ̌ zhe yilə. Zhə̀nà, lò mɔ̀bɔ́ ǹ cèrhé bǔ-ku w ǹdə́ ò nyɔrhɔ w bə̀ mɔ mɔ́, ò yil lé myɔrhɔ w jʼà dɛ̃ ǹ yala nɛ, ǹ bʼâ nwɛ̀nɛ̀ cəcɛ̃ ǹdə́ nə̀nyɔ́nɔ́ ga, ǹ tá ǹ la shìrhə́ nɔ yé.”

Kɔn dɛ̀bɛ́ Zhã nɔ mɔ́ 16:10

Màlɛ́kabá bə̀nu nyâ y vò e ló è nə̀zhĩ̌ y nyân dɛ́ bǔ-ku w pyɛ̀lɛ̀ də̀gwã́ y yó. Rə̀myɛ́ yó, cɛ y jʼa yìì bǔ-ku w gə́ cǐ mə̀gã̌ nyí rí gakó. Lyì bí zɛ̃̀ bə̀ nʼê nwɛ̀nɛ̀, bə̀ mʼê dɔ̀m bə̀ mə̀jə̀ə̀lè.

Kɔn dɛ̀bɛ́ Zhã nɔ mɔ́ 8:12

Màlɛ́kabá bə̀na nyâ y gə́ wúl è pɔ́lá yá, nə̀nyɔ́nɔ́ w gə yʼà bɔ̀n dwã nɛ kə̀kàlsɛ̀ sə̀tɔ̀, wɔ́ kə̀kàlà èdù è cɔ̀. Cànà y myɛ gə yʼà bɔ̀n dwã nɛ kùrə̀ nə̀tɔ̀, wɔ́ kùr rə̀dù rə̀ cɔ̀. Cã̀mə́sɔ̌sɛ́ myɛ gə yʼà bɔ̀n dwã nɛ kə̀kàlsɛ̀ sə̀tɔ̀, wɔ́ kə̀kàlà èdù è cɔ̀. Rə̀ kə̀kàlsɛ́ shɛ̀bɛ́ sə̀ cɔ̀ mɔ́ jǐrh námbyín. Dɛ̃ gakó myɛ gə yʼà bɔ̀n dwã nɛ kə̀kàlsɛ̀ sə̀tɔ̀, wɔ́ kə̀kàlà èdù è cɔ̀. Cəcɛ̃ y myɛ nyâ y yə̀ èta.

Kɔn dɛ̀bɛ́ Zhã nɔ mɔ́ 9:1

Màlɛ́kabá bə̀nu nyâ y gə́ wúl è pɔ́lá yá, a pwírí cã̀mə́sɔ̀wá è shí dɛ̃̌ e tu tɛ̃´. Bə pə y gɔ́rɔ́ òdù bwə̀l-byǐ. Gɔ́rɔ́ w òmyɛ́ nyɛ̌ nánlyilyìmú dɛ̃´dɛ̃´, ò kùr tʼâ nɛ yé.

Kɔn dɛ̀bɛ́ Zhã nɔ mɔ́ 9:11

Wɔ́ gɔ́rɔ́ w nánlyilyìmú w màlɛ́ka y è wɔ́ nə̀ pyɔ̌. Bə̀ nʼê byẽ̀ è yil lé ǹdə́ ebərə́ bə̀ “Abadɔ̃”; bə byẽ̀ dè ǹdə́ gə̀rɛ́kɛ bə̀ “Apɔlɔyɔ̃”. Rə̀ kùr wɔ́: “Cɔ̀rnà”.

Kɔn dɛ̀bɛ́ Zhã nɔ mɔ́ 9:17

À nɔ eshesé ǹdə́ sə̀ jòmnə̀ bé gə́ yʼà wɔ́ nɛ́ mɔ́ à dàrhà nɛ́ wẽ́. Sə̀ jòmnə̀ bé yʼà zù cə̂brɛ kàmə̀-zǔrh nánshɛ̀rh ǹdə myǐn ta, sə jʼà nyɛ̌ námpǔlsi myɛ, sə jʼà nyɛ̌ nánshimsi ǹdə púrhú cə́m ta. Eshesé ywẽ́ né nyɛ̌ ǹdə bwaarɛ ywẽ́ ta. Myǐn ǹdə́ nyɛ̀rh ǹdə́ púrhú cə́m nʼê shí sə̀ nyú w rə̀ dwi.