Kɔn dɛ̀bɛ́ Zhã nɔ mɔ́ 9:1 - Lyélé

¹ Màlɛ́kabá bə̀nu nyâ y gə́ wúl è pɔ́lá yá, a pwírí cã̀mə́sɔ̀wá è shí dɛ̃̌ e tu tɛ̃´. Bə pə y gɔ́rɔ́ òdù bwə̀l-byǐ. Gɔ́rɔ́ w òmyɛ́ nyɛ̌ nánlyilyìmú dɛ̃´dɛ̃´, ò kùr tʼâ nɛ yé.

Kɔn dɛ̀bɛ́ Zhã nɔ mɔ́ 9:1 Iomraidhean Croise

Lwiki 10:18

N zɛ̃̀ n wɔ̀ bɛ: “À nɔ Shətana è shí dɛ̃̌ e tu tɛ̃´ ǹdə wɔ́ dwà è lyə́lyɔ̌ nɛ́.

Lwiki 8:31

Nə̀cílsí zɛ̃̀ sə̀ nʼê lwə̀l Yezu ni bə̀ ń bə̀ká n pə sɛ nyí sə vò gɔ́rɔ́ w nánlyilyìmú w wẽ́ yé.

Orɔm 10:7

“Sə ǹ bə̀ká zɔ̀m ǹ wẽ́ ń wɔ̀: wɔ́ mɔ̌ lò ń mà n zù tɛ̃´ cɛ y kùr wə?” (Sə rə̀myɛ́ nʼê yâl e wɔ̀ bə̀ wɔ́ mɔ̌ ń mà n vùr Kristə cùùrì wẽ́ n du pwẽ̀ nè?)

Kɔn dɛ̀bɛ́ Zhã nɔ mɔ́ 1:18

À wɔ́ nã́nyì. À yʼà cùwə̀, sə à ŋwɛ́nɛ́ èlâsɛ̃´, byinə nə̀ bə zhɔ̌ zhe yilə. À zhe ŋwɔ̀nɔ́ cu mú ǹdə́ cílú w ga yó.

Kɔn dɛ̀bɛ́ Zhã nɔ mɔ́ 1:20

È gə wɔ́ cã̀mə́sɔ̌sɛ́ shàlpyɛ̀ y ǹ nə à jə̀jĩ́ y wẽ́ mó ǹdə́ sánə́má pàntámsɛ́ shàlpyɛ̀ y yilə, nyǐ kɔn dɛ̀bɛ́ rə̀myɛ́ nʼê yâl e byili: cã̀mə́sɔ̌sɛ́ shàlpyɛ̀ y wɔ́ Kristə-lyì gùúlí tàlpyɛ̀ y màlɛ́kabá; pàntámsɛ́ shàlpyɛ̀ y zɛ̃̀ sə̀ wɔ́ gùúlí tàlpyɛ̀ y cìcì mú.

Kɔn dɛ̀bɛ́ Zhã nɔ mɔ́ 11:7

Sə bə̀ gə tú bə̀ byili Yi zɔ̀mɛ̀ rɛ́ bə̀ zhɛ̀, gɔ-ku w nánjə́gɔ́rɔ́ w ò shí gɔ́rɔ́ w nánlyilyìmú w ò bə kùr zhe mó wẽ́ o du mú, bʼa zɛ̃̀ búlə́ ne ǹdə́ bɛ, sə ò bʼa ŋwɛ̀nɛ́ bɛ, o gu bi o ló tɛ̃´.

Kɔn dɛ̀bɛ́ Zhã nɔ mɔ́ 17:8

Bǔ-ku w kɔ̀bɔ́ ǹ nɔ mɔ́ yʼà ŋwɛ́nɛ́ shãã ga, sə ò kʼô tɛ̀nɛ́ yé. Ò bʼa du gɔ́rɔ́ w nánlyilyìmú w wẽ́ ò yò zhìlì. Cɛ yó lyì bí byɛ̀bɛ́ bə̀ yilə né yə̀ nyǔ sɛ́bɛ́ rɛ́ wẽ́ kɛ̃ lũ w kùr-ju yi ní ga mɔ́ gə nɔ bǔ-ku wə́, bə̀ wun bʼa zɛ̃̀, bʼò yʼà ŋwɛ́nɛ́, sə ò kʼô tɛ̀nɛ́ yé, o jʼà kʼâ bànà.

Kɔn dɛ̀bɛ́ Zhã nɔ mɔ́ 20:1

Rə̀myɛ́ kwã nɛ́, a nə màlɛ́ka è shí dɛ̃̌ ǹdə́ gɔ́rɔ́ w nánlyilyìmú w bwə̀l-byǐ y ǹdə́ nyɛ́nɛ́ nánfɔ̀lɔ̀ è jɔ̃̀ wà.

Kɔn dɛ̀bɛ́ Zhã nɔ mɔ́ 20:10

Rə̀myɛ́ yó, bə̀ zɔ Shətana y è yʼà nʼê yǔr be mó bə ji púrhú cə́m myǐn mú mə̀ lɛ̀lɛ̀ tɛ̃´ ǹdə bù-sà ta mɔ́ wẽ́, bǔ-ku w ǹdə́ mɔ̀bɔ́ ń yà ń nə́ ń myìnì lyì bí bə̀ ń wɔ́ Yi nyì-zwennə mó gə́ ŋwɛ́nɛ́ mə̀gã̌. Bə̀ mʼa nwɛ̀nɛ̀ gàà dɛ̃´dɛ̃´, cəcɛ̃ ǹdə́ nə̀nyɔ́nɔ́ ga, byinə nə̀ bə zhɔ̌ zhe yilə.

Kɔn dɛ̀bɛ́ Zhã nɔ mɔ́ 6:13

Cã̀mə́sɔ̌sɛ́ nʼê kwẽ sə̀ lwé tɛ̃´ cɛ y yó ǹdə zho nánfɔ̀lɔ̀ gə́ yʼa zɛ̃̀ ò nʼô lwé épyǐl-gwə́r tɛ̃´ nɛ́.

Kɔn dɛ̀bɛ́ Zhã nɔ mɔ́ 8:10

Màlɛ́kabá bə̀tɔ̀ nyâ y gə́ wúl è pɔ́lá yá, bə̀ gə yʼà bɔ̀n bwǐsí ǹdə́ sə̀ nə̀-bùlsí dwã w kùkùlə̀ nə̀tɔ̀, cã̀mə́sɔ̌ nánfɔ̀lɔ̀ òdù jʼa shí dɛ̃̌ ò nʼô jí ǹdə myìn-pyìlù ta, o tu rə̀ kùkùl lé rə̀dù yó.

Kɔn dɛ̀bɛ́ Zhã nɔ mɔ́ 8:12

Màlɛ́kabá bə̀na nyâ y gə́ wúl è pɔ́lá yá, nə̀nyɔ́nɔ́ w gə yʼà bɔ̀n dwã nɛ kə̀kàlsɛ̀ sə̀tɔ̀, wɔ́ kə̀kàlà èdù è cɔ̀. Cànà y myɛ gə yʼà bɔ̀n dwã nɛ kùrə̀ nə̀tɔ̀, wɔ́ kùr rə̀dù rə̀ cɔ̀. Cã̀mə́sɔ̌sɛ́ myɛ gə yʼà bɔ̀n dwã nɛ kə̀kàlsɛ̀ sə̀tɔ̀, wɔ́ kə̀kàlà èdù è cɔ̀. Rə̀ kə̀kàlsɛ́ shɛ̀bɛ́ sə̀ cɔ̀ mɔ́ jǐrh námbyín. Dɛ̃ gakó myɛ gə yʼà bɔ̀n dwã nɛ kə̀kàlsɛ̀ sə̀tɔ̀, wɔ́ kə̀kàlà èdù è cɔ̀. Cəcɛ̃ y myɛ nyâ y yə̀ èta.

Kɔn dɛ̀bɛ́ Zhã nɔ mɔ́ 8:2

A zɛ̃̀ a nə màlɛ́kabá bwàlpyɛ̀ y bə̀ zhǐ Yi yé né mó. Bə pə bɛ pɔ́lsɛ shàlpyɛ̀.

Kɔn dɛ̀bɛ́ Zhã nɔ mɔ́ 9:2

Cã̀mə́sɔ̀wá y gə́ pul gɔ́rɔ́ wá, nyɛ̀rh shí ò wẽ́ sə̀ nʼê dwi ǹdə myìn-cɔ̀lɔ̀ nyɛ̀rh ta, sə ce nə̀nyɔ́nɔ́ w ǹdə́ cɛ y ga jǐrh bùrə̀mm.