Kɔn dɛ̀bɛ́ Zhã nɔ mɔ́ 8:7 - Lyélé

⁷ Màlɛ́ka y nã́yéé gə́ wúl è pɔ́lá yá, bədũ̀kwələ ǹdə́ myǐn ǹdə́ jal gùlí dwã rə ló tɛ̃´. Cɛ y gə yʼà bɔ̀n dwã nɛ kə̀kàlsɛ̀ sə̀tɔ̀, wɔ́ kə̀kàlà èdù è ju myǐn; cèmé né myɛ gə yʼà bɔ̀n dwã nɛ kùrə̀ nə̀tɔ̀, wɔ́ kùr rə̀dù rə̀ ju myǐn. Gɔ-lyɔ̀ w gakó súlí o ji myǐn.

Kɔn dɛ̀bɛ́ Zhã nɔ mɔ́ 8:7 Iomraidhean Croise

Zhakɛ 1:11

Nə̀nyɔ́nɔ́ w gə byìlə̀, ò lumi rí nʼê mà rɛ̀ rə tu tɛ̃´, rə̀ cɛ̀nɛ̀ rɛ́ jé. Èta myɛ, nə̀cɛ̀m-bal mɔ́ mà n pyɛ̀nɛ̀ ǹdə gɔ pùní ta ń tumə né wẽ́.

1 Pyɛɛrɛ 1:24

Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə wɔ̀: “Numbyíní wɔ́ ǹdə gɔ ta. È zùwə́ y myɛ wɔ́ ǹdə gɔ pùnə́ ta. Gɔ w nʼô kùlə̀, ò pùnə́ né nʼê shìl tɛ̃´,

Kɔn dɛ̀bɛ́ Zhã nɔ mɔ́ 12:4

Mə̀ nʼê zə mə̀ nə̀byíl lé mə̀ zwàr cã̀mə́sɔ̌sɛ́ kùkùl rə̀dù mə̀ lwé tɛ̃´ cɛ y yó, ǹdə́ bə̀ gə yʼà bɔ̀n sɛ̀ kùkùlə̀ nə̀tɔ̀. Mə̀ yʼà zhǐ kɛ̃ mɔ́ ń pwǐ y nʼê yì mú yé né, mùnì ga ń gə lùlə̀, sə mə kwè ń bə̀sɔ́bwɛ̀lɛ́ y mə lyì.

Kɔn dɛ̀bɛ́ Zhã nɔ mɔ́ 16:2

Màlɛ́ka y nã́yə́ə́ y vò e ló è nə̀zhĩ̌ y nyân dɛ́ cɛ y yó. Nyəla námməlwâlsɛ jʼa fwər lyì bí byɛ̀bɛ́ bǔ-ku w myɔrhɔ w ŋwɛ́nɛ́ bə̀ yala nɛ, bə jʼà nʼê cèrhé ò nyɔrhɔ w bə̀ mɔ mɔ́, sə nə̀ yʼà nʼê yì dɛ̃´dɛ̃´.

Kɔn dɛ̀bɛ́ Zhã nɔ mɔ́ 16:21

Bədũ̀kwələ nánfwààlɛ̀ shí dɛ̃̌ rə ló lyì bí yó, bə zɛ̃̀ bə̀ nʼê tùrh Yi, bədũ̀kwələ né gə́ nʼê nwɛ̀nɛ̀ bɛ mɔ́ yilə, bə̀ zwini rí rə̀myɛ́ yʼà já dɛ̃´dɛ̃´.

Kɔn dɛ̀bɛ́ Zhã nɔ mɔ́ 6:8

À kʼâ la nyǔ, a pwírí eshə-pùlí. Mɔ̀bɔ́ ń yà ń jě y mó yíl Bəcu. Sə cílú yʼà tó mo. Bə pə bɛ ŋwɔ̀nɔ́ lũ w yó. Lũ w gə yʼà wɔ̌ ò la dwã w bɔ̌n kùkùlə̀ nə̀na, wɔ́ kùkùl lé rə̀dù y bə̀ yʼà la ŋwɔ̀nɔ́ bə zə búlə́ shù ǹdə́ nɔrh ǹdə́ címsi, e súlí gɔ-wẽ̀, bə gu rə̀ lyì bí.

Kɔn dɛ̀bɛ́ Zhã nɔ mɔ́ 7:1

Rə̀myɛ́ kwã nɛ́, à nɔ màlɛ́kabá bə̀na bə̀ zhǐ lũ w vɔ̀mɛ̀ nɛ́ nə̀na y wẽ́. Bə̀ yʼà zhe lũ w zhəəré rə̀na yá, mùnì rə̀ bə̀kʼa fúfǔ cɛ y ráá nə̀-fɔ̀lɔ̀ w ráá cǒ òdù ga myɛ yé.

Kɔn dɛ̀bɛ́ Zhã nɔ mɔ́ 9:15

Bə lwə̂r màlɛ́kabá bə̀na y nɛ bə yẽ̌. Numbyínə́ bé gə yʼà wɔ̌ bə̀ la bɔ̌n kùrə̀ nə̀tɔ̀, wɔ́ kùr rə̀dù màlɛ́kabá bə̀myɛ́ yʼà tɛnɛ bə̀ zhǐ bə̀ la gu ǹdə́ bə̀ gu mú yi rí cìcì gə tú rə̀ yúwə́.

Kɔn dɛ̀bɛ́ Zhã nɔ mɔ́ 9:18

Myǐn mú ǹdə́ nyɛ̀sɛ́ ǹdə́ púrhú w cə́m mó rə̀ nʼê shí sə̀ nyú w mú wɔ́ zwini nánfwààlɛ̀ kùrə̀ nə̀tɔ̀. Rə̀myɛ́ jʼa gu numbyínə́ bé bə̀ bɔ̀n kùrə̀ nə̀tɔ̀ w mɔ́ kùr rə̀dù.

Kɔn dɛ̀bɛ́ Zhã nɔ mɔ́ 9:4

Bə pə nɛ nyí bə̀ nə̀ bə̀kʼa wɛ̀rhɛ́ kaka gaarɛ́ ǹdə́ cèmé né ǹdə́ ka kɛ̀bɛ́ è nʼê lyĩ tɛ̃´ gaga nɛ yé, sə nə wɛ̀rhɛ́ lwɛlɛ lyì bí byɛ̀bɛ́ Yi myɔrhɔ w tɛ̀nɛ́ bə̀ cílə́ né ne mó dúdú ni.