Kɔn dɛ̀bɛ́ Zhã nɔ mɔ́ 8:5 - Lyélé

⁵ Màlɛ́ka y kwè wẽ̀ dé rə̀ lwẽ́ nã́nyə̀nyɛ̀lɛ́ y nə̀zhĩ̌ yə́, e ce myǐn mú mə̀ ju vwĩ̀-jìlú w yó mó sú yə. E dwĩ̀ nə̀zhĩ̌ y tɛ̃´ cɛ y yó. Sə kɔn yàl ǹdə wɔ́ dwà è bya e ce sɔ̀, e lyə́lyɔ̌ ta, cɛ y gakó jʼa zhízhǐ.

Kɔn dɛ̀bɛ́ Zhã nɔ mɔ́ 8:5 Iomraidhean Croise

Məco 24:7

Cɛmɛ bʼa zɛ̃̀ búlə́ ǹdə́ dwã; tənə̀rh bʼa zɛ̃̀ búlə́ ǹdə́ dwã; cɛ y mʼa zhízhǐ jààsɛ̀ nánzhəzhɔ̌ wa; nɔrh mʼa yə̀ nɛ́;

Lwiki 12:49

Yezu súlí n wɔ̀: “À zə myǐn a bə̀ cɛ yó, sə à só ǹdə́ à wu gakó ǹdə́ mə̀ gə yʼà ju èlâsɛ̃´.

Tùntúmə́ bé 16:26

Rə̀myɛ́ yó, cɛ y jʼa zhìzhì e zhízhǐ dɛ̃´dɛ̃´ ǹdə́ byə̀nə́-jì y ga. Bwə̀ə̀lé gakó pul, nyáná nɛ́ bə̀ yʼà mʼe lyẽ byə̀nə́-jì y lyì bí mú sá nə yẽ̌ be.

Tùntúmə́ bé 4:31

Bə̀ gə́ lwə̀l Yi ni bə zhɛ̀, jàà y kɛ̀bɛ́ bə̀ yʼà ŋwɛ́nɛ́ è wẽ́ mó zhízhǐ. Bə̀ gakó jʼa sú ǹdə́ Eshirhə náàcɛ̀nɛ́, bə zɛ̃̀ bə̀ nʼê bwə̀l Yi zɔ̀mɛ̀ rɛ́ ǹdə́ wu-jɔ̀.

Kɔn dɛ̀bɛ́ Zhã nɔ mɔ́ 11:13

Rə̀myɛ́ yó cìcì, cɛ y zhízhǐ dɛ̃´dɛ̃´. Cɔ w gə yʼà wɔ̌ ò la dwã w bɔ̌n kə̀kàlsɛ̀ shíyə́, wɔ́ kə̀kàlà èdù è wǔr. Sə wɔ́ nunə mɔ̀ɔ̀rhɛ̀ tàlpyɛ̀ (7.000) cɛ y zhízhǔ mú guwə. Ywẽ zə byɛ̀bɛ́ bə̀ dàl mɔ́, bə zɛ̃̀ bə̀ nʼê cèrhé Yi rí rə̀ ŋwɛ́nɛ́ dɛ̃̌ mɔ́.

Kɔn dɛ̀bɛ́ Zhã nɔ mɔ́ 11:19

Yi jì y Arəzana w mɔ́ pul. Bə nə Yi dɔbrɛ́ kùlkṍ w è wẽ́. Rə̀myɛ́ yó, dwà ce dweme, è nʼê lyə́lyɔ̌, e ce sɔ̀; cɛ y zhízhǐ; dwà nánfwɛ̀lɛ̀ nyɔ̀, e ló bədũ̀kwələ tɛ̃´.

Kɔn dɛ̀bɛ́ Zhã nɔ mɔ́ 4:5

Sə pyɛ̀lɛ̀ də̀gwã́ y yʼà nʼê jə́jɛ̀mɛ́ ǹdə wɔ́ dwà è nʼê lyə́lyɔ̌ e jʼà nʼê bya, è nʼê ce sɔ̀ ta. Pàntámsɛ shàlpyɛ̀ yʼà ju sə̀ zhǐ tɛ̃´ è yé né. Sə sə̀myɛ́ yʼà wɔ́ Yi éshìrhə́ y né nyàlpyɛ̀ yá.

Kɔn dɛ̀bɛ́ Zhã nɔ mɔ́ 6:12

À kʼa nə Pyì-bwɛ̀lɛ́ y kə́dò. E vùr pyə́lsɛ́ shə̀ldù nyâ yá. Sə rə̀myɛ́ yi ní, cɛ y jʼa zhízhǐ dɛ̃´dɛ̃´. Nə̀nyɔ́nɔ́ w jǐrh námbyṹ fúrí, cànà y jǐrh nánshɔ̃̀ ǹdə jal ta.

Kɔn dɛ̀bɛ́ Zhã nɔ mɔ́ 8:3

Màlɛ́ka dõ bə̀ e zhì vwĩ̀-jìlú w səta ǹdə́ sánə́má nə̀zhĩ̌ bə̀ nʼê ji wẽ̀ rə̀ lwẽ́ nã́nyə̀nyɛ̀lɛ́ è wẽ́. Bə pə y wẽ̀ nánzhəzhɔ̌ rə̀ lwẽ́ nã́nyə̀nyɛ̀lɛ́. E zə rɛ e mù dwã nɛ ǹdə́ Yi lyì bí Yi-cəəré, e pə Yi ni sánə́má vwĩ̀-jìlú w yó pyɛ̀lɛ̀ də̀gwã́ y yé né.