Kɔn dɛ̀bɛ́ Zhã nɔ mɔ́ 8:3 - Lyélé

³ Màlɛ́ka dõ bə̀ e zhì vwĩ̀-jìlú w səta ǹdə́ sánə́má nə̀zhĩ̌ bə̀ nʼê ji wẽ̀ rə̀ lwẽ́ nã́nyə̀nyɛ̀lɛ́ è wẽ́. Bə pə y wẽ̀ nánzhəzhɔ̌ rə̀ lwẽ́ nã́nyə̀nyɛ̀lɛ́. E zə rɛ e mù dwã nɛ ǹdə́ Yi lyì bí Yi-cəəré, e pə Yi ni sánə́má vwĩ̀-jìlú w yó pyɛ̀lɛ̀ də̀gwã́ y yé né.

Kɔn dɛ̀bɛ́ Zhã nɔ mɔ́ 8:3 Iomraidhean Croise

Lwiki 1:10

Sə ń gə́ yà ń nə́ ń ji wẽ̀ dé myǐn yi ní, lyì bí púlə́púlə́ yʼà zhǐ pwẽ̀ nè, bə̀ nʼê ce Yi.

Orɔm 8:34

Mɔ̌ ń nə wɔ̌ ń mà n kə́ bə̀ bùrsì n pə bɛ còrhò-tum? Yezu Kristə cùwə̀; sə kɔn du, ń ká n bwìrhì, ń jě Yi jə̀jĩ́ ni, ń nə́ ń zal rə̀ cã̌ nɛ nə́ yilə.

Ebərəbá 7:25

Rə̀myɛ́ ce, ń wɔ̌ ń mà n vwârh lyì bí byɛ̀bɛ́ bə̀ tó ń dɛnnɛ bə̀ nʼê yâl bə bwəlse Yi ni mú námpúm, bə̀ ń ŋwɛ́nɛ́ twéé gakó ń nə́ ń zal Yi cã̌ nɛ bə̀ yilə.

Ebərəbá 9:4

Bə wɛ̀rhɛ́ ku bə̀ nʼê ji wẽ̀ rə̀ lwẽ́ nã́nyə̀nyɛ̀lɛ́ ò yó, bə zə sánə́má bə pɔ́pɔ̌ w bə cĩ́ jàà y èmyɛ́ wẽ́. Dɔbrɛ́ kùlkṍ w myɛ yʼà ŋwɛ́nɛ́ è wẽ́, bə̀ yʼà zə sánə́má bə pɔ́pɔ̌ wa. Sə nə̀zhĩ̌ yʼà ŋwɛ́nɛ́ ò wẽ́, bə̀ zə sánə́má bə mɔ ya, bə ce mã́nɛ è wẽ́. Arɔ̃ də̀-dɔ̀lɔ̀ w ò yʼà púrh vɔr mɔ́ myɛ yʼà ŋwɛ́nɛ́ ò wẽ́, e súlí nə́kulə né nyɛ̀bɛ́ dɔbrɛ́ zɔ̀mà nɛ́ yʼà kɛ̃ nə̀ yó mó.

Kɔn dɛ̀bɛ́ Zhã nɔ mɔ́ 10:1

Rə̀myɛ́ kwã nɛ́, a pwírí màlɛ́ka dõ è shí dɛ̃̌ ǹdə́ jàn nánfɔ̀lɔ̀ è bàn tɛ̃´. Ébɔ̃ pú yə, dɔm-cɛ̃ kə́kɛ́lɛ́ è yó w rə̀ nʼê jə́jɛ̀mɛ́, è yé y nyɛ̌ ǹdə nə̀nyɛ́nɛ́ ta, è cə́ né nyɛ̌ ǹdə myìn-zhùr ta.

Kɔn dɛ̀bɛ́ Zhã nɔ mɔ́ 14:18

Màlɛ́ka dõ zɛ̃̀ e shí vwĩ̀-jìlú w səta. Wɔ́ èmyɛ́ è yʼà cǐ myǐn mú. E bya e ce kɛ̀bɛ́ è zhe dã̀mə̀kɔ̀lɔ̀ w ò zhe nyí mú ni e wɔ̀: “Zə ǹ dã̀mə̀kɔ̀lɔ̀ w ń kwẽ sɛ̃´-cǒ byâ bɛ́ lũ w wẽ́ mó pwəərhé, bə̀ rə̀ byìlə̀.”

Kɔn dɛ̀bɛ́ Zhã nɔ mɔ́ 5:8

È gə́ zwẽ de, wẽ̀ dé rə̀na y ǹdə́ náncɛsɛ́ shí-èlyè ǹdə́ sə̀na y tu bə̀ nə̀dwə́nə́ yó, bə wùlì è yé né. Mə̀dù gakó zhe dàkɔ̀nɔ́ ǹdə́ sánə́má nə̀zhǐrh ń jɔ̃̀ wà, wẽ̀ rə̀ lwẽ́ nã́nyə̀nyɛ̀lɛ́ yʼà sú nə̀zhĩ̌sí. Rə̀myɛ́ nʼê myɛrhɛ Yi lyì bí Yi-cəəré.

Kɔn dɛ̀bɛ́ Zhã nɔ mɔ́ 6:9

Pyì-bwɛ̀lɛ́ y gə́ vùr pyə́lsɛ́ sə̀nu nyâ yá, a nə byɛ̀bɛ́ bə̀ yʼà ce bə gu bə̀ gə́ bwəl Yi zɔ̀mɛ̀ rɛ́, bə jʼa yə̀ Yezu zhə̀n-cínnə yil mó, vwĩ̀-jìlú w kùr wə̀.

Kɔn dɛ̀bɛ́ Zhã nɔ mɔ́ 7:2

A nə màlɛ́ka dõ yi-pwírhí səta, è yʼà nʼê zɛ̃̀ è la dɛ̃̌. Ku w kɔ̀bɔ́ bə̀ la mʼe cĩ́ Yi nã́nyì y myɔrhɔ w rə̀ lyì bí cílə́ né ne mó ŋwɛ́nɛ́ è jɔ̃̀ wà. E bya ǹdə́ jàn e ce màlɛ́kabá bə̀na y bə̀ yʼà nɔ sɔ́má bə̀ la cɛ y ǹdə́ nə̀-fɔ̀lɔ̀ w lwɛlɛ wɔ̀rhɔ́ mɔ́ nɛ e wɔ̀:

Kɔn dɛ̀bɛ́ Zhã nɔ mɔ́ 8:4

Wẽ̀ dé rə̀ lwẽ́ nã́nyə̀nyɛ̀lɛ́ y nyɛ̀ɛ̀sɛ́ yʼà nʼê shí màlɛ́ka y jɔ̃̀ w sə̀ dwi sə̀ mwì dwã nɛ ǹdə́ Yi lyì bí Yi-cəəré sə̀ zhə̀l Yi yé né.

Kɔn dɛ̀bɛ́ Zhã nɔ mɔ́ 8:5

Màlɛ́ka y kwè wẽ̀ dé rə̀ lwẽ́ nã́nyə̀nyɛ̀lɛ́ y nə̀zhĩ̌ yə́, e ce myǐn mú mə̀ ju vwĩ̀-jìlú w yó mó sú yə. E dwĩ̀ nə̀zhĩ̌ y tɛ̃´ cɛ y yó. Sə kɔn yàl ǹdə wɔ́ dwà è bya e ce sɔ̀, e lyə́lyɔ̌ ta, cɛ y gakó jʼa zhízhǐ.

Kɔn dɛ̀bɛ́ Zhã nɔ mɔ́ 9:13

Màlɛ́kabá bwə̀ldù nyâ y gə́ wúl è pɔ́lá yá, à nyɛ̀ɛ̀ cəl rə̀ shí sánə́má vwĩ̀-jìlú w ò zhǐ Yi yé né mó vɔ̀mɛ̀ nɛ́ nə̀na y byíl-kwə́nə́ né yó,