Kɔn dɛ̀bɛ́ Zhã nɔ mɔ́ 8:2 - Lyélé

² A zɛ̃̀ a nə màlɛ́kabá bwàlpyɛ̀ y bə̀ zhǐ Yi yé né mó. Bə pə bɛ pɔ́lsɛ shàlpyɛ̀.

Kɔn dɛ̀bɛ́ Zhã nɔ mɔ́ 8:2 Iomraidhean Croise

Məco 18:10

Yezu súlí n wɔ̀: “Dɛ̃̌na á cìnə̀. Á bə̀kʼá shɛ̀nɛ́ á fulsi byɛ̀bɛ́ èta bə̀ yə̀ yírh swí mú mə̀dù ga yé. À nʼâ wə̀l ába: bə̀ màlɛ́kabá zhǐ à Da mɔ́ ń ŋwɛ́nɛ́ Arəzana w mɔ́ yé né twéé gakó. [

Məco 24:31

Ń mà n twĩ̀ ń màlɛ́kabá ǹdə́ pɔ́lá è cəl nánfɔ̀lɔ̀, lũ w cə-yala gakó, kɔn zhí yi-pwírhí e mʼe yí yi-zùr, bə byẽ̀ lyì bí byɛ̀bɛ́ ń cír mó bə cĩ́ dwã yó.

Lwiki 1:19

Màlɛ́ka y zɛ̃̀ e wɔ̀ mɔ̀: “À yíl Gabərəyəə. À ŋwɛ́nɛ́ Yi yé né. Wɔ́ rə̀myɛ́ rə̀ twĩ̀ nì bʼà zhəl a byili mú yò-ècɔ̀nɔ̀ nyí rí rə̀myɛ́.

Lwiki 21:36

Á bə̀kʼá yẽ̌ jan jí ába yé, sʼá lwə̀l Yi twéé twéé, mùnì ga á zə jàn á lú kɔn dɛ̀bɛ́ rə̀ bàn dɛ̃ rɛ́ rə̀myɛ́ mɔ́ yù w mú yé né, sʼá ŋwɛ̀nɛ́ á zhì Numbyíní Byǐ yé né.”

1 Tesəloniki 4:16

Cinu gə ká n shí dɛ̃̌ yi w ń bànà, ń mà n pə nyí màlɛ́kabá yé né cə́bal mɔ́ nɛ n bwə̀l; Yi pɔ́lá y súlí e dom. Rə̀myɛ́ yó, byɛ̀bɛ́ bə̀ cù ǹdə́ bə̀ zù Kristə mó bʼa jɛ̀rɛ̀ bə tó yé bə bwìrhì.

Kɔn dɛ̀bɛ́ Zhã nɔ mɔ́ 1:4

Àmyɛ́ Zhã à nʼâ kɛ̃ sɛ́bɛ́ rɛ́ tɛ̀bɛ́ à la ámyɛ̌ Kristə-lyì gùúlí tàlpyɛ̀ y rə̀ ŋwɛ́nɛ́ Azhi tənà y wẽ́ mó lyì bí ni pɔ. Yi rí tɛ̀bɛ́ rə̀ yʼà ŋwɛ́nɛ́, rə jʼà gwẽ̌ ŋwɛ́nɛ́, rə jʼà bàn mɔ́, ǹdə́ rə̀ éshìrhə́ né nyàlpyɛ̀ y nə̀ zhǐ rə̀ pyɛ̀lɛ̀ də̀gwã́ y yé né mó bʼa cĩ́ bwəl á yó, sə bə pə ába yə̀-zùlə́!

Kɔn dɛ̀bɛ́ Zhã nɔ mɔ́ 11:15

Màlɛ́kabá bwàlpyɛ̀ nyâ y wúl è pɔ́lá yá. Cələ shí dɛ̃̌ yi w nə bya nə wɔ̀: “Èlâsɛ̃´, wɔ́ nə́ Cinu Yi ǹdə́ ń Kristə mó bə̀ cǐ lũ wə́. Yi bʼa jí pyɛ̀lɛ̀ byinə nə̀ bə zhɔ̌ zhe yilə.”

Kɔn dɛ̀bɛ́ Zhã nɔ mɔ́ 15:1

À kʼa nə myɔrhɔ dõ nánfɔ̀lɔ̀ dɛ̃̌ yi wə, ò nʼô zɛ̃̀ wu ni: màlɛ́kabá bwàlpyɛ̀, zwini kùrə̀ nyàlpyɛ̀ ŋwɛ́nɛ́ bə̀ jɔ̃̀ wà. Wɔ́ zwini rí kùrə̀ né nyàlpyɛ̀ y nə̀myɛ́ nə̀ bʼa yə̀ Yi lyim dí yó-gurə́.

Kɔn dɛ̀bɛ́ Zhã nɔ mɔ́ 16:1

A nyɛ̀ɛ̀ cəl rə̀ zhì Yi jù w rə bya rə ce màlɛ́kabá bwàlpyɛ̀ y nɛ rə wɔ̀: “Zhəlnə á ló Yi lyim dí nə̀zhĩ̌sí shàlpyɛ̀ y wẽ́ mó tɛ̃´ cɛ y yó.”

Kɔn dɛ̀bɛ́ Zhã nɔ mɔ́ 8:13

À kʼâ la nyǔ, a pwírí zhú ò ŋwɛ́nɛ́ dɛ̃̌ dɛ̃̌ yi wə. Ò nʼô bya dɛ̃´dɛ̃´ ò zhe: “Nyǐ wɔ́ zwini, wɔ́ zwini cɛ yó lyì bí yil tã̀! Màlɛ́kabá bə̀tɔ̀ y bə̀ dàl mɔ́ gə tú bə̀ wúl bə̀ pɔ́lsɛ́ yi ní, zwini bʼa zə bɛ!”

Kɔn dɛ̀bɛ́ Zhã nɔ mɔ́ 8:6

Màlɛ́kabá bwàlpyɛ̀ y pɔ́lsɛ́ ŋwɛ́nɛ́ bə̀ jɔ̃̀ w mɔ́ yʼà nʼê tɛnɛ bə̀ la sɛ wúl.

Kɔn dɛ̀bɛ́ Zhã nɔ mɔ́ 9:1

Màlɛ́kabá bə̀nu nyâ y gə́ wúl è pɔ́lá yá, a pwírí cã̀mə́sɔ̀wá è shí dɛ̃̌ e tu tɛ̃´. Bə pə y gɔ́rɔ́ òdù bwə̀l-byǐ. Gɔ́rɔ́ w òmyɛ́ nyɛ̌ nánlyilyìmú dɛ̃´dɛ̃´, ò kùr tʼâ nɛ yé.